ئاق كۆڭۈللۈك-جەلىپكار ئايال بولۇشنىڭ ئاساسى

★parixta★

                                    ئاق كۆڭۈللۈك-جەلىپكار ئايال بولۇشنىڭ ئاساسى   


بىزدە، ئايال كىشىنىڭ گۈزەل ئەخلاقى ئۇنىڭ ئاق كۆڭۈللۈكىدە.ئاق كۆڭۈللۈك جەلىپكار ئايال بولۇشنىڭ ئاساسى دەيدىغان قاراش بار. ئويلاپ بېقىڭ، بىر ئايال كىشىنىڭ ئىچى تار، كۆڭلى قارا بولسا، ئۇنىڭ سىرتقى قىياپىتى ھەرقانچە چىرايلىق بولسىمۇ، ئەر كىشى ئۇنى ئۇزاققىچە قوغلىشىشى ناتايىن. گەرچە ئەرلەر دەسلەپتە ئۇ ئايالنى جان تىكىپ قوغلىشىشى مۇمكىن، بىراق ۋاقىت ئۆتكەنسېرى ئۇ ئايالنىڭ ھەقىقىي ماھىيىتىنى بىلگەندىن كېيىن، ئۇنى قوغلىشىشتىن ۋاز كېچىدۇ.
ئەگەر بىر ئەر بىر ئاق كۆڭۈل ئايال بىلەن ئارىلىشىپ قالسا، ئەر كىشىنڭ ئۇنىڭدىن ئېھتىيات قىلىشنىڭ ھاجىتى يوق، ئۆزىنى ناھايىتى ئازادە ھېس قىلىدۇ، بۇ ئايالغا نىسبەتەن ئۇنىڭدا مۇھەببەتتىن باشقا، يەنە ھۆرمەت ھېسىياتىمۇ پەيدا بولىدۇ. بۇنداق ئۆزئارا كۆيۈنۈش ۋە غەمخورلۇق ئاستىدا ئۇلارنىڭ مۇھەببىتى چوڭقۇرلۇشۇپ بارىدۇ.
ئاق كۆڭۈللۈك ئاساسلىقى ئاجىزلارغا ئىچ ئاغرىتىشتا ۋە قىيىنچىلىققا ئۇچرىغانلارغا ياردەم قىلىشتا ئىپادىلىنىدۇ. بىز دائىم كوچىلاردا بەزى ئاياللارنىڭ ، قېرى، ئاجىز، مېيىپ كىشىلەرنى ئۇچراتقان ۋاقىتتا دەرھال بېرىپ ئۇلارنى يۆلىۋالغانلىقىنى كۆرىمىز.
داڭلىق كىشىلەرنىڭ تەرجىمھالىنى ئوقۇيدىغان بولساق، ئۇلارنىڭ ئانىسىنىڭ ناھايىتى ئاق كۆڭۈل، ئاجىزلارغا ياردەم بېرىدىغان خاراكتېرىنى بايقايمىز. ئاق كۆڭۈل ئايال ھەر ۋاقىت باشقىلارغا ئاق كۆڭۈللۈك بىلەن مۇئامىلە قىلىپلا قالماستىن، بەلكى ھەممە ئىشتا باشقىلارنى ئويلايدۇ.
سىرىتتا تىجارەت قىلىپ ئۆي تۇتۇپ شۇ يەردە ئولتۇراقلىشىپ قالغان بىر ئەر تۇيۇقسىز يۇرتىدىكى ئاتا-ئانىسىدىن كەلگەن بىر پارچە خەتنى تاپشۇرۋاپتۇ. خەتتە:«كەلكۈن كېلىپ ئۆيلەر ئۆرۈلۈپ چۈشكەنىدى، ھېلىمۇ ياخشى سەن ئەۋەتكەن پۇل بىلەن ئۆينى قايتىدىن سېلىۋالدۇق، بالام، رەھمەت ساڭا»دېيىلگەنىكەن. بۇ خەتنى كۆرۈپ ئەر گاڭگىراپ قاپتۇ، ئۇ يۇرتىدا ئاپەت بولغانلىقىنى بىلمەيدىكەن، پۇلمۇ ئەۋەتمىگەنكەن. ئۇ ئايالىدىن سورىغاندا، ئايالى:«خەتنى مەن تاپشۇرۋالغان، پۇلنىمۇ مەن ئەۋەتكەن، سىزگە دېيىشنى ئۇنتۇپ قاپتىمەن»دەپتۇ. ئايالىنىڭ بۇ ھەركىتى يولدىشىنى قاتتىق تەسىرلەندۈرۈپتۇ. بۇنداق ياخشى ئايالىم تۇرسا، مەن نېمىدىن غەم قىلىمەن؟ ئۇ كۆڭلىدە بۇنىڭدىن كېيىن بۇنداق كۆيۇمچان ئايالىمنى چوقۇم ياخشى قەدىرلەيمەن، دەپ قەسەم بېرىپتۇ.
دېمەك، ئاق كۆڭۈللۈك-جەلىپكار ئايال بولۇشنىڭ ئاساسى. سىزدە پەقەت بىر ئاق كۆڭۈل يۈرەك بولدىكەن، ئۇنداقتا سىزنىڭ ئەر-ئاياللىق مۇناسىۋىتىڭىز، ئائىلە مۇناسىۋىتىڭىز، جەمئىيەتتىكى ئىجتىمائىي مۇناسىۋەتلىرىڭىزنىڭ ھەممىسى ياخشى تەرەپكە قاراپ يۈزلىنىدۇ، سىزنىڭ ئېرىشىدىغىنىڭىزمۇ كۆپ بولىدۇ، يولدىشىڭىزنىڭ مۇھەببىتىگە، بالىلىرىڭىزنىڭ ھۆرمىتىگە، دوستلىرىڭىزنىڭ غەمخورلۇقىغا ئىرىشىسىز. بۇنداق ئايال بەخىتلىك ھەم نازاكەتلىككە تولغان بولىدۇ.
شىنجاڭ خەلق رادىيو ئىستانسىسى

pari

  بۇ نىمە دىگەن مەردانە سۆزلەر ھە !؟ :ئاق كۆڭۈللۈك-جەلىپكار ئايال بولۇشنىڭ ئاساسى. سىزدە پەقەت بىر ئاق كۆڭۈل يۈرەك بولدىكەن، ئۇنداقتا سىزنىڭ ئەر-ئاياللىق مۇناسىۋىتىڭىز، ئائىلە مۇناسىۋىتىڭىز، جەمئىيەتتىكى ئىجتىمائىي مۇناسىۋەتلىرىڭىزنىڭ ھەممىسى ياخشى تەرەپكە قاراپ يۈزلىنىدۇ، سىزنىڭ ئېرىشىدىغىنىڭىزمۇ كۆپ بولىدۇ، يولدىشىڭىزنىڭ مۇھەببىتىگە، بالىلىرىڭىزنىڭ ھۆرمىتىگە، دوستلىرىڭىزنىڭ غەمخورلۇقىغا ئىرىشىسىز. بۇنداق ئايال بەخىتلىك ھەم نازاكەتلىككە تولغان بولىدۇ.
رەھمەت دوستۇم بىزنى يەنە بىت ياخشى تېما بىلەن ئۇچراشتۇردىڭىز .

مەرىپەت

ھەر بىر ئايال چوقۇم ئوقۇپ بىلىۋېلىشقا تىگىشلىك مەزمۇن يوللاپسىز رەھمەت سىزگە...

دىلرۇس

ئادەتتە ئاقكۆڭۈللۈك ئاياللارنىڭ جەلبكارلىقىنى نامايىش قىلىدىغان ئېسىل پەزىلەت بولۇپلا قالماي، ئەرلەرنىڭ سۇباتىنى، ئىززەت- ھۆرمىتىنى تەنتەنە قىلىدىغان ياخشى پەزىلەتتۇر.
دىداكتىك تېما ئېلىپ كەلگىنىڭىزگە رەھمەت.

زەھرا

مەن بۇ تېمىڭىزنى ئوقۇپ، كورىيەنىڭ «مۇھەببەت پۇرسىتى » دېگەن فىلىمدىكى باش پىرسۇناژ قىز ئېسىمگە چۈشتى ،ئۇ ئۆزىنىڭ ۋۇجۇدىدىكى ئاق كۆڭۈللىكى بىلەن ئاخىرى بەخىتلىك تۇرمۇشقا ئېرىشىدىكەن .قىز ئاياللىرىمىز ئۈچۈن پايدىلنىش قىممىتى بولغان ،ياخشى تېمىلارنى ئېلىپ كەپسىز .ئەجىرىڭىزگە بەرىكەت يار بولسۇن.

مەتتۇردى

ھە بۇبىر ياخشى تىما ئىكەن مىنڭچە بولسا:ئاق كۆڭۈللۈك-جەلىپكار ئايال بولۇشنىڭ ئاساسى. سىزدە پەقەت بىر ئاق كۆڭۈل يۈرەك بولدىكەن، ئۇنداقتا سىزنىڭ ئەر-ئاياللىق مۇناسىۋىتىڭىز، ئائىلە مۇناسىۋىتىڭىز، جەمئىيەتتىكى ئىجتىمائىي مۇناسىۋەتلىرىڭىزنىڭ ھەممىسى ياخشى تەرەپكە قاراپ يۈزلىنىدۇ، سىزنىڭ ئېرىشىدىغىنىڭىزمۇ كۆپ بولىدۇ، يولدىشىڭىزنىڭ مۇھەببىتىگە، بالىلىرىڭىزنىڭ ھۆرمىتىگە، دوستلىرىڭىزنىڭ غەمخورلۇقىغا ئىرىشىسىز. بۇنداق ئايال بەخىتلىك ھەم نازاكەتلىككە تولغان بولىدۇ.
ئاياللار گۈزەل تۇرمۇشنىڭ شۇنداقلا دۇنيانىڭ گۈلىدۇر