ئەسسالام ئۇستاز

كۈلكەم

ئەسسالام ئۇستاز
(كۈلكەم )

ئەسسالام سۆيۈملۈك ،قەدىردان ئۇستاز،
جۈپ قولۇم كۆكسۇمدە سىزگە ئەسسالام.
يۈرىگىم قېتىدا ئاقىدۇ ھامان ،
سىز ئۈچۈن دەريادەك ھۆرمەت ئېھتىرام.

قىممەتلىك دۇنيادا سىزنىڭ قەدىرىڭىز،
قىممەتتۇر بىباھا ئالتۇن ۋەزىندىن.
مەن ئۈچۈن شۇ ئۇستاز دىگەن نامىڭىز،
يۈكسەكلىك تەختىدە ئۈستۈن ھەممىدىن.

تاغ دېسەم ئېسىمگە كىلىدۇ ھامان،
تاغ سۈپەت ئۇلۇغۋار قامەت،گەۋدىڭىز.
باغ دېسەم قەلبىمدە بولىدۇ ئايان،
باغۋەنلىك نامىڭىز،تۆھپە- ئەجىرىڭىز.

يوق سىزدە سەلتەنەت شاھلىق تاجىسى،
ۋە لېكىن با سىزدە بىر بۈيۈك خىسلەت.
سىز بەخت جەڭچىسى،ھۆرلۈك ئەلچىسى،
بار سىزدە بىھىساب مەنىۋى قۇدىرەت.
  
ئېخ !ئۇستاز تەبىرىكلەپ سۇپاتىڭىزنى،
ياڭراتتىم ئاپىرىن ،ئالقىش،مۇبارەك.
ئاقلايمەن ھەر ۋاقىت ئۇمىدىڭىزنى،
چۈنكى بار مېنىڭدە سىز بەرگەن يۈرەك!


2  
ھەر كۇنى تاڭ سەھەر توپىلىق يولدا،
قالىدۇ جىمىرلاپ قۇتلۇق ئىزىڭىز.
نۇرانە چېھرىڭىز شەپەقتەك رەڭدار،
يۇلتۇزدەك چاقنايدۇ چولپان كۆزىڭىز.  

كىرگەندە مەكتەپنىڭ دەرۋازىسىدىن،
ئالەمچە شاتلىققا تولار دىلىڭىز.
قۇياشتەك پارلايسىز شۇئان نۇرلىنىپ،
كەلگەندە ۋىچىرلاپ ئوغۇل-قىزىڭىز.  

سىز شۇنداق جاپاكەش،ئوت يۈرەك ئىنسان،
مۇشكۇللەر ئالدىدا تېز پۇكمەيدىغان.
قاراڭغۇ دىللارنى كۈندەك يورۇتقان،
مەرىپەت قۇياشى سىز ئۆچمەيدىغان.  

كۈيلىسەم تۈگمەس مىھنەت -ئەجىرىڭىز،
ئەي ئۇستاز يۈرەكتىن سىزگە ئېھتىرام!
مەرىپەت مەشئىلىنى كۆتۈرۈپ ئېگىز،
سىز باسقان يوللارنى قىلىمەن داۋام!

بەختىيار(بايقاش

شېئىرىڭىزنى ئوقۇپ بەكمۇ تەسىرلەندىم،رەھمەت سىزگە!

pari

كۈيلىسەم تۈگمەس مىھنەت -ئەجىرىڭىز،
ئەي ئۇستاز يۈرەكتىن سىزگە ئېھتىرام!
مەرىپەت مەشئىلىنى كۆتۈرۈپ ئېگىز،
سىز باسقان يوللارنى قىلىمەن داۋام بۇ مىسرالار مېنى قاتتىق تەسىرلەندۈردى رەھمەت شىئېرىڭىز ياخشى چىقىپتۇ ، داۋاملىق يېزىپ تۇرۇڭ .

بايقاش

ئوقۇتقۇچى ئۇستازلىرىمىزنى قانچىلىق مەدىھيەلىسەك ئەرزىيدۇ.  بۇ شىئېرىڭىزنى ئوقۇۋېتىپ ھاياتىمدىكى ئۇستازلىرىمنىڭ سىماسى كۆز ئالدىمدىن بىر-بىرلەپ ئۆتكەندەك بولدى. ياخشى يېزىپسىز.

يۈسۈف

ئوقۇتقۇچۇمنىڭ مىنى تەربىيلەپ ئۆستۈرگىنىگە كۆپ رەھمەت

قەسىر

       مېھنەتلىك ئەجىرىدە يېتىشتۈردىڭىز،
       ئەل-ۋەتەنگە ياراملىق نەۋقىرانلارنى.
          ۋاقتسىز ئاقاردى قارا چېچىڭىز،
         ئۇيقۇسىز ئۆزاتقاچ ئۇزاق تاڭلارنى.
  
   قەدىردان ئۇستازلارغا مەدىھىيە ئوقۇلغان ئېسىل تېمىڭىزدىن ئىلھاملاندىم،قەلەم قۇۋۋىتىڭىزگە ئاپىرىن!

زەپەر

كۈلكەم ياخشىمۇ سىز ؟ ئالدىن بىلەن مەن سىزنىڭ بايقاش مۇنبىرىگە ئەزا بۇلۇپ كىرگەنلىكىڭىزنى قىزغىن قارشى ئالىمەن . بايقاشقا مۇشۇنداق ئىجادىي بولغان تىمىلار كىرەك . سىزنىڭ تىمىڭىز بولسا ئەنە شۇ تىمىلارنىڭ بىرىكەن . سىزنىڭ بۇ يازمىڭىزدا ئۇقۇتقۇچى - ئۇستازلارغا بولغان چەكسىز مىھرى مۇھاببىتىڭىزنى ناھايتى تەپسىلى ئەكىس ئەتتۈرۈپ يېزىپ چىقىپسىز .مەن ئويلارمەن شۇ جاپاكەش ئۇقۇتقۇچىلارنى قانچىلىك مەدىيلىسەكمۇ ئازلىق كەلمەيدۇ. بولسا ھەممە كىشى سىزدەك شۇ جاپاكەش باغۋەنلەرنىڭ قەدىر قىممىتىگە يەتكەن بولسا نىمە دىگەن ياخشى بولاتتى . ئەپسۇس ئۇقۇتقۇچىلارنىڭ قەدىرگە يىتىدىغانلار جەمىيەتتە ئىنتايىن ئاز . مەن ئويلايمەن شۇ ئۇقۇتقۇچى - ئۇستازلارنىڭ ئەجىرسىز كىممۇ يىتىشىپ چىقمىغان بولغۇتتى .ئۇقۇتقۇچى يېنىپ تۇرغان شامغا ئۆخشايدۇ . رەخمەت سىزگە بۇندىن كىيىنمۇ ئۈزىڭىزنىڭ ئىجادىي تىمىللىرىڭىزنىڭ ئۈزلۈپ قالماسلىقىغا تىلەكداشمەن

دىلرۇس

ئۇستازنى ئۆز شىېئرلىرىنىڭ تۆرىگە قويمىغان شائېرلار بولمىسا كېرەك. بىزدە «ئۇستاز ئاتا بىلەن باراۋەردۇر» دەيدىغان بوۋىلار سۆزى بار. ئەلۋەتتە ئۇستاز ئەجىرىسىز  ھېچقانداق ئىختىرا  ۋە شۇ ئىختىرا ساھىبى بولغان ئەمەس. شئېرىڭىزدىن ئالامچە سۆيۈندۈم، ھەم شۇنداق ھۇزۇرلاندىم. بەرىكەتلىك قەلىمىڭىزگە ئۇتۇقلار يار بولسۇن.

abdihnijan

ئەسسالاممۇئەلەيكۇم كۈلكەم ياخشىمۇ ئۆزلىرى؟ناھايىتى ياخىشى يېزىلغان تېما يوللاپىسز رەھمەت ؟

كۈلكەم

تىمامنى ياقتۇرۇپ ئىز قالدۇرغان ئەزىزلەرگە چىن دىلىمدىن تەشەككۈر ئېيتىمەن شۇنداقلا بايقاشتىكى كەلگۈسى ئۋلادلىرىمىز ئۈچۈن يۈرەك  قېنىنى سەرىپ قىلىۋاتقان  بارلىق باغۋەنلەرگە ئالىي ئېھتىرام .