ئاتا، بايرىمىڭىزغا مۇبارەك بولسۇن

★parixta★

                                        ئاتا، بايرىمىڭىزغا مۇبارەك بولسۇن

                                                تۇرنىسا رەھىم ئاينۇر

           مېنىڭ تاغدەك يۆلەنچۈكىم، بالىلىق ئاسمىنىمدىكى نۇرلۇق قۇياشىم، ئېھ قەدىرلىك ئاتا، بۈگۈنكى ئاتىلار بايرىمىڭىزغا مۇبارەك بولسۇن. سىز بەلكىم مەندىن: «بۇ قايسى ئەجنەبىنىڭ بايرىمى بالام، بىزنىڭ ئەنئەنىۋىمىزدە بۇنداق بايرام يوق ئىدى» دېيىشىڭىز مۇمكىن. بىراق مەن بۇ بايرامنىڭ زادى كىملەر تەرىپىدىن بېكىتىلگەن بايرام ئىكەنلىكىگە كۆڭۈل بۆلمىدىم، مەن پەقەت مەن ئۈچۈن بارلىق مېھرى مۇھەببىتىنى بېرىپ، مېنى كۆز قارچۇقىدەك ئاسراپ چوڭ قىلغان، ئوتىمدا مەشئەلدەك كۈيۈپ، سۆيۈمدە دولقۇنلاپ ئاققان، ھالال مېھمىتى ئارقىلىق مېنى بۈگۈنكى بەختىيار تۇرمۇشقا ئېگە قىلغان سىز ئاتامغا مىننەتدارلىق بۈلدۈرۈشنىڭ بىر پۇرسىتى دەپ بىلدىم. ھازىرقىدەكلا ئېسىمدە ئاتا: كىچىك چاغلىرىمدا بوينىڭىزغا مىندۈرۈپ تۆكە تاز قىلىپ ئويناتقىنىڭىز، گىلەم ئۈستىدە ئات بولۇپ ئۆمىلەپ، مەن شاھزادىڭىزنى ئۈستىڭىزگە مىندۈرۈپ، تۇلپاردەك چاپقىنىڭىز، كىتابخانىلارغا يېتىلەپ بېرىپ، ئوقۇشلۇق كىتاب ئېلىپ بەرگەنلىكىڭىز، قۇشلارنىڭ ئۇۋىسىنى بۇزىۋاتقان چاغلىرىمدا ئاچچىقىڭىزدا چىۋىق بىلەن ئۇرغانلىقىڭىز، ئىمتىھاندا 100 نۇمۇر ئېلىپ كەلسەم، خۇددى ئوغلىڭىز ئەليۇل ئەلا بولغاندەك خۇش بولۇپ، پېشانەمگە يېنىشلاپ بىر قانچىنى سۆيگەنلىكىڭىز........ئاھ، مېھرىبان ئاتا، سىزنىڭ ماڭا قىلغانلىرىڭىزنى مەن نەچچە كېچە كۈندۈز سانىساممۇ ساناپ تۈگىتەلمىگىدەكمەن، سىز بىر ئاددى ئىنسان، يۈرىكىدە پەرزەنت مۇھەببەتى يالقۇنجاپ تۇرغان مېھىرلىك دادا، بالىلىرىنىڭ كەلگۈسى ئۈچۈن بارلىقىنى ئاتىغان مەسئۇلىچەتچان ئاتا. بۈگۈن سەھەردە سىز بىلەن بىرگە ناشتا قىلىپ ئولتۇرۇپ، چاچلىرىڭىزغا قونغان قىرولارغا، يۈزلىرىڭىزگە چۈشكەن قورۇقلارغا، قوللىرىڭىزدىكى قاتاق ئىزلىرىغا سەپ سالدىم. بۇلارنىڭ ھەممىسى سىزنىڭ بىز پەرزەنت ئۈچۈن تۆلىگەن بەدىلىڭىز ئىدى، سىز بۇلار ئۈچۈن ئالدىمىزدابىرەر قېتىم  مىننەت قىلىپ باقمىدىڭىز، ھەتتا بىرەر قېتىم تىلغا ئېلىپمۇ قويمىدىڭىز، لېكىن سىز  بىزنى تېخىمۇ باياشات تۇرمۇشقا ئېگە قىلىش ئۈچۈن تىرىشىپ كەلدىڭىز. تا بۈگۈنكىچە سىز بىزدىن ھىچ نەرسە تەلەپ قىلىپ باقمىدىڭىز، بىزنىڭ سىز ئۈچۈن ئەكەلگەن ئەرزىمەس كىچىككىنە سوۋغاتلىرىمىز ئۈچۈن ئۇزۇندىن ئۇزۇن دۇئا قىلىپ، بىزنىڭ بەختىمىزنى، ئامانلىقىمىزنى تىلىدىڭىز. ......داۋامى بار

otmakani

يۈسۈف

ياخشى يىزىلىپتۇ،بارىكاللا،يارايسىز

سەييارە0

داۋامىنى كۇتمىز.
دىيارىمىزدىكى بارلىق ئاتلارنىڭ بايرىمغا مۇبارەك بولسۇن،تىنغا سالامەتلىك،ئىشلىرىغا ئۇتۇق تىللەيمەن.

زەپەر

ھەقىيقەتەن ياخشى يېزىپسىز رەخمەت سىزگە داۋامىنى تىزراق يوللىغايسىز ئۇقۇشقا تەشنامەن

زەپەر

ھەقىيقەتەن ياخشى يېزىپسىز رەخمەت سىزگە داۋامىنى تىزراق يوللىغايسىز ئۇقۇشقا تەشنامەن

بەختىيار(بايقاش

تېمىڭىزنى ئوقۇپ بەكمۇ تەسىرلەندىم...
مۇنبەردىكى بارلىق دادىلار بۈگۈنكى ئاتىلار بايرىمىزغا مۇبــــارەك!!!

خۇمارى

ئاتىلار بايرىمى مۇناسىۋىتى بىلەن  بارلىق قەددى تاغدەك ،مىھرى ئاتەش ئاتىلارغا ئوتلۇق سالىمىمنى يوللايمەن ھەمدە بايقاش ئۈچۈن كىچە-كۇندۇز ئىزدىنىۋاتقان  بارلىق ئاتىلارنىڭ بايرىمىنى تەبرىكلەيمەن، ئاتىلار بايرىمىڭلارغا مۇبارەك بولسۇن!

yarai001

ھەقىيقەتەن ياخشى يېزىپسىز رەخمەت سىزگ

ئارچا

قەلىمىڭىز ھارمىسۇن،ناھايىتى ياخشى يېزىپسىز.