نەپ بىرەيلى ئەلگىمۇ

خۇمارى

بايقاشقا ئەزا بولۇپ كىرىگەندىن كىيىن بايقاشنىڭ مائارىپ گۈلزارلىقى، ياخشى بولغان ماتېرىيال ئامبىرى ئىكەنلىكى ، رايۇنىمىزدا مۇشۇنداق بىر تور بىكەتنىڭ بولغانلىقىدىن سۈيۈندۈم. لېكىن بايقاشتا جاپا چىكىپ ماتېرىيال يوللاپ مائارىپ ئىشلىرى ئۈچۈن ئۆزىنى تەقدىم قىلىدىغانلارنىڭ ناھايىتى ئاز بىر قىسىم كىشىلەر ئىكەنلىكىنى، كۆپ قىسىم تورداشلىرىمىزنىڭ «بەرسەڭ يەيمەن، بەرمىسەڭ ئۆلىمەن» دەپ، ئاددىسى باشقىلارنىڭ ئەمگىكىگە ھۆرمەت قىلىش تۇيغۇسى كەمچىل ئىكەنلىكىنى، ھەقسىز ئىشلىتىشكە تەمىنلەنسە رەھمەت دىيىشكىمۇ يارىمايدىغان بىر قسىم كىشىلەرنىڭ بارلىقىنى ھېس قىلدىم. شۇ بىر قىسىم كىشىلەر ئۈچۈن بۇ شىېئرنى سۇندۇم. ئويلىنىپ باققايسىلەر!

نەپ بىرەيلى ئەلگىمۇ

كۆچەت  تىكسە  بەزىلەر  سايىداشنى بىلىمىز ،
ئۇندا يايراپ كۈڭۇللەر خۇشال بولۇپ كۇلىمىز،
كۆكلەپ كەتسە شۇ كۆچەت ئىچى تارلىق قىلىمىز،
پۇتلاپ  ئاشۇ  كۈچەتنى  پەسلى  خازان  قىلىمىز.

يول  باشلىسا ئالدىدا تەخسىكەش دەپ بىلىمىز،
كىيىن  قالسا ھۇرۇن دەپ مازاق قىلىپ كۈلىمىز،
ھىچ  ئىش قىلماي ئېغىزدا شەھەر ئېلىپ يۈرىمىز،
بۇنداق ئۆتسە ئۆمرىمىز گۈل مەس غازاڭ تىرىمىز.

مەي  باغلىسا  مىۋىلەر  ئېغىز  يالاپ  كىتىمىز،
بىر ئامال قىپ ئۈزسەم دەپ تىپىرلاپلا يۈرىمىز،
مەنپەئەت چۈن ئۆزگىدىن پۇل سوراپ يالۋۇرىمىز،
يىتىۋالساق نىشانغا رەھمەت دىمەي كىتىمىز.

قاشادالسا  تاملىرى  بويۇن سوزۇپ كىتىمىز ،
كىرىش ئۈچۈن ئىچىگە ھىيلە-نەيرەڭ قىلىمىز ،
بىر ئايلىنىپ شۇ باغنى مەستخۇش بولۇپ يۈرىمىز ،
رۇخسەتسىزلا  مىۋىنى  ئوغۇرلاپمۇ  كىتىمىز.

تىككەندە شۇ كۇچەتنى نەدە ئىدۇق ھەممىمىز ،
ئەمدى نىمە دەپ ئىشلىمەي مېغىزىنى چاقىمىز ،
نەدىن كەلدى بۇ ئىللەت زادى قانداق بالا بىز،
‹‹ئېلىپ،بەنى››بىلمىسەك ئاھانەتكە قالىمىز.

مەجنۇنتالمۇ  جېنىدا  تازىم  قىلار   ئېرىققا،
چۇمۇلىلەر بىر دان ئۈچۈن پەرۋا قىلماس يېرىققا ،
بىزدە ئەقىل نە كەتتى كۆندۇق تەييار تاپلىققا،
تەرلەپ كىشى چاپنىدا ئىرىشەمدۇق ئاتاققا.

جاپا چەكمەي ھالاۋەت كۆرۇش شۇنچە ئاسانمۇ؟
ھېرىپ -چارچاپ باغ قىلىپ ھۇزۇرلانسا يامانمۇ؟
ئايرىلىدۇ  ئاخىرى  بۇغداي، تېرىق ، سامانمۇ،
يامان ئىللەت يۇقۇلۇپ ئۆزگىرەرمىز قاچانمۇ؟

ئۇنۇتمايلى سۇ ئىچسەك قۇدۇق قازغان كىشىنى،
تەقدىرلەيلى خوش بولسۇن قىلغان ھەر بىر ئىشىنى ،
تەييارتاپلىق نۇمۇستۇر تۇتۇڭ ئىشنىڭ پېشىنى،
ھالال ياشاپ مەرتلىكتە ياڭرىتايلى ناخشىنى!

خۇمارى

كەچۈرۈڭلار مەن تىما بىزەشنى بىلمەيدىكەنمەن بىزەيمەن دەپ بۇزۇپ قۇيۇپتىمەن ئەمەسمۇ ماڭا ياردەم قىلساڭلارچۇ.

بەختىيار(بايقاش

قالتىس يېزىلغان ئىجادىي شېئىر ئىكەن،رەھمەت سىزگە! ئوقۇپ قويۇڭ،ئويلىنىپ بېقىڭ،ئەمدى ئويغۇنۇڭ!!!

ئامان

يارايسىز خانقىز، بۇ شېئىرىڭىز ئارقىلىق بايقاش مۇنبىرىمىزدىكى بىر قىسىم تورداشلىرىمىزدا ساقلىنىپ كېلىۋاتقان مەسىلىلەرنى ناھايىتى ئەتراپلىق يورۇيۇپ بېرىپسىز. ‹‹ سۇ ئىچكەندە قۇدۇق قازغۇچىنى ئۇنتۇپ قالما! ››_ بۇ ئەجداتلىرىمىزدىن قالغان مەڭگۈ ۋاختى ئۆتمەيدىغان ھەقىقەت!
ئۆز ئارا كۆيۈنۈش، ئۆز ئارا ياردەم بېرىش ئاساسىدا ئورتاق ئىلگىرلەش _ بايقاش مۇنبىرىمىزنىڭ ئاساسلىق شۇئارى. بۇ شۇئارنى ئەمىلى ھەركەتكە ئايلاندۇرۇش مۇنبىرىمىزدىكى بارلىق كونا-يېڭى تورداش دوستلارنىڭ تىرىشچانلىقىغا باغلىق!
تېمىڭىزنى بىزەپ قويدۇم، قېنى كۆرۈپ بېقىڭ.

گۈلزار

خۇمارىم ،بۈگۈن يەنە بىر ئېسىل شېئىر ئېلىپ كېلىپسىز . بۇ شېئىرىڭىز بايقاشلىقلارنى ئويغۇتۇپ ، باشقىلارنىڭ ئەمگىكىگە تەشەككۈرىنى بىلدۈرۈشكە تۈرتكە بولسىكەن  دەيمەن . رەھمەت گۈلۈم .

泉的男孩

مە شىېرىڭىزنى ئوقۇپ تەسىرلەندىم.چۇنكى مەنمۇ ئانچە ماتىريال يوللىمايمەن.

زەھرا

خۇمارى ،مەن سىزنىڭ شېئىرى  شەكلىدە يېزىلغان بەزى  ئىنكاسلىرىڭىزنى ئوقۇپ، بۇ جەھەتتە ئىقتىدارى بار ئىكەن ،دەپ ئويلىغان ئىدىم . دەرۋەقە خاسلىقىڭىزنى نامايان قىپسىز .
ئىبىرەتلىك ھەم مەنىلىك يېزىلغان شېئىر بوپتۇ .داۋاملىق تىرشىڭ ،سەرخىل ئىجادىيەتلىرىڭىزنى بايقاشتا ھەر ۋاقىت كۆرۈشنى ئارزۇ قىلىمەن.

ئىلغار

خۇمارى يوللىغان ۋاقتى  2013-6-14 20:05
كەچۈرۈڭلار مەن تىما بىزەشنى بىلمەيدىكەنمەن بىزەيمەن د ...

تەربىيەۋى ئەھميىتى يۇقۇرى اخشى  شېئىركەن ،ياخشى يېزەپسىز رەخمەت سىزگە

نۇرجان123

مەن سىزنىڭ بۇ شئىرىڭىزنى ئوقۇپ ھەقىقەتەن قاتىق تەسىرلەندىم

دىلرۇس

«ئەلدىن ئەلگە نەپ » دەيدىغان گەپ بار بىزدە. باشقىلارنىڭكىنى يەۋەرسەڭ يۈزىمىز قىزىرىدۇ، تىلىمىز قىسقىرايدۇ. ھەممىمىز كۆرگەن- بىلگىنىمىزنى ئوتتۇرغا تاشلىساق، كەملىرىنى تولۇقلىساق، بۇ تور بەت بىزنىڭ بىلىم كانىمىزغا ئايلىنىدۇ. خۇمارىنىڭ تەشەببۇسى ئەمەليەتتە بىزنىڭ ئوتاق تەشەببۇسىمىز.
مەن سىزنىڭ يازمىلىرىڭىزغا خۇمار ئىدىم خۇمارى، ئويغاق تەپەككۈرىڭىز ۋە جاننى يايرىتىدىغان شىئېرىڭىزغا ھەشقاللا!