ھېكمەتلەر

گۈلزار

ھېكمەتلەر

1 .بىلىشىمىز كېرەككى ،ئۈزلۈكسىز يېڭىلاپ تۇرۇلمىغان نەرسە مۇكەممەل بولالمايدۇ ۋە مۇكەممەللىكىنى يوقىتىدۇ.

2 ..سىز ياراتقۇچىنىڭ نادىر ئەسىرى.

3 ..ئەنئەنىدىن ئايرىلغان مىللەت مىللەت سۈپىتىدە مەۋجۇت بولۇپ تۇرالمايدۇ.

4 .مەن يېڭىلىقنى رەت قىلىدىغان ئەنئەنىدىن كۈلىمەن ،ئەنئەنىنى رەت قىلىدىغان يېڭىلىقتىن چۆچۈيمەن.

5 .ئۆز قىممىتىڭىزنى ئاشۇرۇشنىڭ ئەڭ ياخشى ئۇسۇلى دەل ئۆز-ئۆزىمىزنى ھۆرمەتلەش.
ئەگەر بىز ‹‹ھەممىلا ئۇقۇغۇچىدا مۇۋەپپىقىيەت قازىنىش يوشۇرۇن قابىلىيىتى بار››دېگەن ئىشەنچنى تۇرغۇزىدىغان بولساق ،ئۇ چاغدا،ئۇزاققا قالماي ‹‹ناچار ئوقۇغۇچى››دېگەن سۆز مائارىپ سەھنىسىدىن يوقالغان ،ھەر بىر بالا ئۈزلۈكسىز مۇۋەپپەقىيەت قازىنىش ئەمىليىتى ۋە خوشاللىقى داۋامىدا بىلىم ئالغان ،تەرەققىي قىلغان بولاتتى .

7 .مائارىپ بىر ئىلىم، يەنە كېلىپ بىر سەنئەت.ئۇنى بىر ئەندىزە ئىچىدە چۈشەپ قويۇشقا بولمايدۇ.

8 .ئادەمنىڭ روھىي ھالىتى تەقدىرىنى بەلگۈلەيدۇ.

9 .بىر ئادەمنىڭ مەغلۇبىيىتى ئاۋۋال ئۆزىگە يېڭىلىپ قالغانلىقىدىن بولىدۇ.

10 .دىنسىزلىق ــــ جاھاندىكى ئەڭ ئېپلاسلىقتۇر.

11 .‹‹ئېھتىياج›› ـــــ ھەم مۇۋەپپەقىيەتنىڭ ئانىسى،ھەم جىنايەتنىڭ ئاتىسى.

12 .ھەسرەت ئۇلۇغ نەرسە.ئادىمىيلىك ئەنە شۇنىڭدىن بەركەت تاپىدۇ.

13 .ئاجايىپ كۈچلۈك بىر ھەقىقەت بار ،ئۇنىڭ ئىسمى:‹‹ ئۆزۈڭنى كەچۈرمەيدىغان ئىشنى ھەرگىز قىلما››.

14 .دۇنيانى ئۆزگەرتمەكچى بولغان ئادەم ئالدى بىلەن ئۆزىنى ئۆزگەرتشى كېرەك.

15 .ناچار تۇرمۇش ئىچىدىمۇ راھەتلىنىشنى بىلىش ـــــــ ئاقىلانە ئىنسانىي خىسلەت.

16 .ئۆزۈڭنى پۇتلىغان بىرسىنى كەچۈرۈش-كەچۈرمەسلىك پەزىلىتىڭگە باغلىق.

17 .ئاغرىنىش تەقدىرىڭىزنى ئۆزگەرتەلمەيدۇ،پەقەت ۋاقتىڭىزنى ئىسراپ قىلىدۇ .
18 ..كەڭ قورساقلىق بىر ھالقىش،ماھىيەتتە ئۆز روھىنى ئازاد قىلىش.

19.جاھىللار تەپەككۈرىنىڭ ئەڭ ئاخىرقى چېكى ــــ ئاقىللار تەپەككۈرىنىڭ باشلىنىش نۇقتىسىدۇر.

20.ئەدەپ بىلەن بولمىغان ئەقىل ھاقارەتتۇر،ئەقىل بىلەن بولمىغان ئەدەپ ھالاكەتتۇر.

21 .سۈكۈت قىلىش ــــ پەزىلەتنىڭ بەلگىسى،ئەقىلنىڭ مىۋىسى،ئىلىمنىڭ بېزىكى.

22 .بىز ھەممىمىز بىرتۈپ دەرەخنىڭ شاخلىرى،بىر قوشۇننىڭ جەڭچىلىرىبىز.

23 .بۈگۈننىڭ تەدبىرى سەۋەبىدىن ئەتىنىڭ تەدبىرىگە ئېھتىياجى قالمىغان كىشى ئەقىللىقتۇر.

24 .بۈگۈننىڭ تەدبىرى سەۋەبىدىن ئەتىنىڭ تەدبىرىگە ئېھتىياجى قالمىغان كىشى ئەقىللىقتۇر.

25 .بۈگۈننىڭ تەدبىرى سەۋەبىدىن ئەتىنىڭ تەدبىرىگە ئېھتىياجى قالمىغان كىشى ئەقىللىقتۇر.

26 . كۆزدەك بىر-بىرىڭلەرگە يات بولماي،لەۋدەك مەككەم ئىناق بولۇڭلار.

27 .ياخشىلىقنى بىلمەيدىغان بىۋاپا ئادەم ـــــــــ ياخشىلىقنى ئۇنتۇمايدىغان ۋاپادار ئىتتىىن پەستۇر.

28 .ياخشى ئادەم يامانلاردىنمۇ ياخشىلىقنى ئايىماس.

29 .دانا ئادەم قولىدىن كەتكەن نەرسە ھەققىدە سۆزلىمەس.

30 .ئەدەپ ئۇرۇقىنى تىككەن ئادەمنىڭ ھوسۇلى ـــــ جاۋاھىردۇر.

31 .مۇناپىقلىقنىڭ بەلگىسى ئۈچ : سۆزلىسە يالغان سۆزلەيدۇ،ئامانەتكا خىيانەت قىلىدۇ،ۋەدىسىگە ۋاپا قىلمايدۇ.

32.باشقىلارنىڭ ئۆزىنى چۈشەنمەسلىكىدىن رەنجىمەي،ئۆزىنىڭ باشقىلارنى چۈشەنمەسلىكىدىن ئەنسىرەش كېرەك.
33 .پەقەت ئالىيجاناب ئىنسانلا سۆيەلەيدۇ ھەم نەپرەتلىنەلەيدۇ.

34 .كىشىنىڭ يۈزىنى ئوتقا ئاتقۇچى تىلدۇر.
35 .ياخشى ئەخلاق ـــــ جەننەتتۇر، يامان ئەخلاق ـــــ دوزاختۇر.

36 .ئىش ئەقىلنىڭ ئەلچىسى،ئەمگەك-ئۆمۇرنىڭ گۈلچىسى،

37 .كۆز كۆڭۈلگە نۇر چىراغ،قول-پۇت ئۇتۇقنىڭ يولچىسى.

38.ئەقىلنىڭ دەلىلى ـــــ پىكىر،پىكىرنىڭ دەلىلى ــــــ سۈكۈتتۇر.

39.پۈتۈن جاھاننىڭ سەلتەنىتى يەرگە تامچىغان بىر تامچە قانغا ئەرزىمەيدۇ.

40 .يېنىكلىك يادىن چىققان ئوققا ئوخشاشتۇر،سالماقلىق قېلىچقا ئوخشاشتۇر.

41 .مەن ئۆز قەدر-قىممىتىمنى تونىغانلىقىم بىلەن قىممەتلىكمەن.

42 .مىللىي تىل ـــــ شۇ مىللەتنىڭ مەنىۋى ۋەتىنى سۈپىتىدە مۇقەددەس.

43.ئۆز ئانا تىلغا مۇھەببەت قانچىكى كۈچلۈك بولسا ،ئۆز خەلقى ۋە ۋەتىنىگىمۇ سۆيگۈسى شۇنچە كۈچلۈك بولىدۇ.

44.خەلقتىن بىر قەدەم چەتنەپ تۇرۇپ ،ئادالەتتىن بىر ئېغىز سۆز ئاچقىلى بولمايدۇ.

45.توغرا يول ھەمىشە ئۇدۇل كۆرۈنمەس.

46.تىل ئەخلاقى ماھىيەتتە قەلب ئەخلاقىدىن ئىبارەت.
47 .ئۇلۇغ كىشىلەرنىڭ مۇۋەپپەقىيەت قازىنالىغانلىقى ،ئۇلارنىڭ تالانتلىق بولغانلىقىدا ئەمەس،بەلكى ئاڭنىڭ چەكسىز كۈچىنى ھىس قىلالىغانلىقىدا.

48 .سىزدە سۆيگۈ بولمىغان ئىكەن ،ھەقىقىي ياشىغان بولمايسىز.

49 .بېرىش ئېلىشقا قارىغاندا بەختتۇر.مۇھەببەت نەپرەتكە قارىغاندا ئاقىلانىلىكتۇر.

50 .يامانلىققا ياخشىلىق قىلالايدىغان كەڭ قورساق ئادەملەرلا كىشىلىك ھاياتنىڭ ئەڭ يۈكسەك پەللىسىگە يېتەلەيدۇ.


مەنبە : جۇغلانمىلىرىم

سەييارە0

ياخشى ھىكمەتلەر ئىكەن،رەخمەت سىزگە.

بەختىيار(بايقاش

قىممەتلىك ھىكمەتلەر ئىكەن.ئەجرىڭىزگە كۆپ تەشەككۈر!

دىلرۇس

مىڭ تىللاغا بەرگۈسىز، بىر- بىرىدىن ئىسىل ھىكمەتلەركەن،  بۇ ھىكمەتلەرنى ئوقۇپ قەلب ئاسمىنىم پاللىدە يۇرۇپ كەتتى. بەرىكەتلىك قەلىمىڭىزگە كاتتا ئۇتۇق تىلەيمەن!