ئانامنى ئەسلەپ

خۇمارى

ئانامنى ئەسلەپ

خۇمارى

(مىھرىبان ئانامنىڭ ۋاپاتىنىڭ بىر يىللىقىغا بېغىشلايمەن.)

     ئايرىلىش ئازابىدا ئۆرتىنىۋاتقان يۈرۈگۇم ۋىژىلداپ ئېچىشىپ ماڭا زادىلا ئارام بەرمىدى.كۆزۇمنى يۇمۇپ يۈرۈگۇمنىڭ رىتىمىغا ئەگەشتىم .كۆز ئالدىمدا تېخى يېقىندىلا ۋاپات بولغان مىھرىبان ئانامنىڭ ئىللىق سىماسى پەيدا بولدى.كۆزئالدىم نەملەشتى.سىزنى قانغۇچە كۆرىۋالغۇم،ئىللىق باغرىڭىزغا ئۆزۇمنى ئاتقۇم كەلدى.بىراق سىز شۇ ھامان غايىپ بولدىڭىز.‹‹ئانا›› دەپ ۋارقىراپ كىتىپتىمەن ئۆزۇمچە.لىكىن سىزدىن جاۋاپ كەلمىدى .كۆزۈمنى يوغان ئېچىپ جىددىيلىك ئىچىدە ئۇياق-بۇياققا قاراپ كەتتىم. بىراق سىزنىڭ ئىللىق سىمايىڭىز كۆرۈنمەيتتى.مىنى تاشلاپ كەتكىنىڭىزگە زادىلا ئىشەنگۈم كەلمەيتتى.شۇڭلاشقىمىكىن سىزنى ھايەتتەك تەسەۋۇر قىلىپ،چۇشلىرىمدە كۈلۈمسىرىگەن قىياپىتىڭىزنى كۆرىمەن.سىزنى تۇتىۋېلىش ئۈچۈن قولۇمنى سوزىمەن- يۇ،قولۇم يەتمەيلا سىزنى يۇقۇتۇپ قويىمەن.سىزنى بەك سېغىندىم جېنىم ئانا!
     كىچىكىمدە ئۇقۇش ئارزۇسى تۈپەيلى كىچىكلا مەكتەپكە كىرۋالغان ئىدىم.بىراق مەن مەكتەپكە ساننىڭ سىرتىدا قوبۇل قىلىنغاچقا  ساۋاقداشلىرىم مىنى:‹‹ساندا يوق،ساپاندا يوق››دەپ ئاتايتتى.بىر ئايدىن كىيىن:
-مۇئەللىم بەك كىچىك ئىكەنسىز،كىلەر يىلى ئوقۇڭ. ›› دەپ مىنى مەكتەپتىن چىكىندۈردى.ئۆيگە كەلسەم ئانام يوق مەن يىغلىغان پېتى سىزنىڭ ئۆيىڭىزگە كەلدىم.ئانام مىنى كۆرۇپ ھەيران بولغان ھالدا:
-نىمىشقا مەكتەپتىن قاچتىڭىز؟-دەپ سورىدى.
مەن ھۆڭرەپ يىغلاپ تۇرۇپ  :-مۇئەللىم مىنى مەكتەپتىن  ھەيدىۋەتتى ،-دېدىم.
-نىمىشقا؟-دەپ سوردىڭىز جېنىم ئانا.
-مەن گىپىڭزگىمۇ جاۋاپ بەرمەستىن ‹‹مەكتەپتە ئوقۇيمەن ››دەپ يىغلاشقا باشلىدىم.
سىز مىنىڭ يېشىمنى سۇرتۇپ تۇرۇپ ماڭا:
-يىغلىما جېنىم بالام،سىنى ئۆزۇم ئۇقۇتىمەن.ئۆزۇمگە ئوخشاش مۇئەللىم قىلىمەن دېدىڭىز.ۋە شۇ ھامان مىنىڭ قولۇمدىن يىتىلەپ ئېلىپ ماڭدىڭىز.بىز بىر دەمدىلا بىر مەكتەپنىڭ ئالدىغا كىلىپ قالدۇق.
-كۆردۇڭمۇ بالام مانا بۇ مەكتەپ،ئۇلار ئۇقۇتمىسا،بۇلار ئۇقۇتىدۇ،-دېدىڭىز قەتئىي ئىشەنچ بىلەن.
مەن سىزگە ئەگىشىپ مەكتەپ قورۇسىغا كىردىم.سىزنىڭ تۇنۇشتۇرىشىڭىز بىلەن يېڭى سىنىپقا قۇبۇل قىلندىم.شۇ كۇندىن باشلاپ قەلبىمدە ئۇقۇتقۇچى بولۇش ئارزۇسى پەيدا بولدى.
     مەن ئۆز ئائىلەمدىن ئايرىلىپ ، چوڭ ئائىلە مۇھىتىدا ياشىدىم ،ئون بالىڭزغا يەنە بىر بالا قۇشۇلغانلىقىدىن چەكسىز خۇشال ئىدىڭزشۇ ۋاقىتلاردا . مەن سىزنىڭ تەربىيىڭزدە چوڭ بولدۇم.سىز ماڭا قاتتىق تەلەپ قوياتتىڭىز،سۆز-ھەركىتىمگە، يۇرۇش-تۇرۇشۇمغا ھەتتا ئانامنىڭ ئۆيىگە بېرىشىمغىمۇ چەك بىكىتىپ بىرەتتىڭىز.بۇنداق ۋاقىتلاردا سىزدىن رەنجىپ قالاتتىم ۋە سىزگە تۇيدۇرماي يىغلىغان كۇنلىرىممۇ بولغان ئىدى. ئەمدى ئويلىسام سىز ھەقىقەتەن پىداگوگ ئىكەنسىز جېنىم ئانا!
مەن سىزنىڭ تەربىيىڭىزدە چوڭ بولدۇم.سىزنىڭ ۋە مىنىڭ ئارزۇيۇمدىكىدەك ئوقۇتقۇچى بولدۇم.چەكسىز خۇشال  ئىدىم شۇ چاغلاردا.
ھەر كۈنى مەكتەپتىن كىلىپ سىزنىڭ سورىشىڭىز بىلەن بىر كۇنلۇك ئىشلارنى دوكىلات قىلاتتىم،ماختاپ تەنقىتلەپ تۇراتتىڭىز ھەر ۋاقىت.
    ھەر كۇنلۇك دەرسلەرنى ئاۋال سىزگە سۆزلەيتتىم،دىققەت بىلەن ئاڭلاپ كىتەتتىڭىز جېنىم ئانا.
ئويلىسام سىز مىنىڭ ئۇقۇتقۇچۇم بولۇپلا قالماي يەنە ئۇقۇغۇچۇم ئىكەنسىز.مەن سىزدەك رايىش ئۇقۇغۇچىمغا بىر قېتىم ئۆتۈپ بولغان دەرسلەرنى ‹‹ئۇقۇغۇچىللىرىمغا ››سۆزلىگىنىمدە تېخىمۇ جانلىنىپ سۆزلەپ كىتەتتىم.
ئەمدى ئويلىسام ،مەن سىزنىڭ مەكتىپىڭىزدە ئۇقۇپتىمەن ،پىراكتىكا قىلىپتىمەن.
شۇڭا ئاددى بىر مەكتەپتە ئۇقۇغان بولساممۇ ئۇقۇتۇش ھاياتىمدا ئۈممۈتسىز قالمىدىم.چۈنكى مېنىڭ تەجىربىلىك ئۇقۇتقۇچۇم،رايىش ئۇقۇغۇچۇم بارئىدى.
    سىز مىنىڭ سىر دىشىم ئىدىڭىز جېنىم ئانا! ھەر قانداق خۇشاللىق ياكى ئازاپلىرىمنى سىزگىلا ئېيتقۇم كىلەتتى.
ئانام بەزىدە ماڭا:
-مەن سېنىڭ ئۆگەي ئاناڭمۇ،نىمىشقا ماۋۇ ئىشلارنى ماڭا ئېيتمىدىڭ ؟-دەيتتى.
-سەن راست ئۆگەي تۇرساڭ،-دەپ چاقچاق قىلاتتىم ئۇنۇڭغا.لىكىن مىنىڭ قەلبىمدە ھەقىقى ئانام سىز ئىدىڭىز.سىز مەن كۈلسەم كۈلەتتىڭىز،ئازاپلىرىغا تەڭ قايغۇرۇپ بىرەتتىڭىز.
       مەن سىزنىڭ مېھرىڭىزدە چوڭ بولدۇم.ئاكا-ئاچىللىرىمغا ئوخشاش تەدىرجى ئۇچۇرما بولۇپ سىزدىن ئايرىلىپ ،يېڭى ئۆيگە كەتتىم.لىكىن بۇ ۋاقىتلاردا بىزنىڭ قايناق ئۆي چۆلدەرەپ قالغان ئىدى.چوڭ دادام بالدۇرلا تۈگەپ كەتكەچكە ئىككىمىز بىر-بىرىمىزگە تايىنىپ ياشاپ كەلگەن ئىدۇق.مەندىن ئايرىلىپ سىز يالغۇز قالدىڭىز ،ئەمدى سىزگە ھەمراھ كىرەك بولدى.سىزنىڭ ئەزەلدىن باللىرىڭىزغا بېقىنمايدىغان ئادىتىڭىز بار ئىدى.شۇ ڭا يەنەبىر نەۋرىڭىزنى ‹‹بالا ››قىلۋالدىڭىز.لىكىن بۇ بالىمۇ سىزگە ۋاقىتلىق ھەمراھ بولۇپ ئۇقۇشقا كەتتى.بالىلارنى ياخشى ئۇقۇتۇش بەدىلىگە سىزنىڭ ئىرىشكىنىڭىز يالغۇزلۇق بولدى.چۇنكى بالىلارنىڭ ھەممىسىنىڭ خىزمىتى، ئۆيى شەھەردە ئىدى.سىز يەنە يالغۇز قالدىڭىز.سىزگە بەكلا ھەمراھ بولغۇم بار،لىكىن سىز بۇنۇڭغا يول قويمايتتىڭىز.ئۆز ئائىلەمدە بۇرچۇمنى ياخشى ئادا قىلىشقا ئۈندەيتتىڭىز.
       شۇڭا سىز ئۆزىڭىزگە بىر ھەمراھ تاپماقچى بولدىڭىز: ‹‹باللىرىڭىزنىڭ بىز تۇرساق ئانا بۇنداق قىلساق قانداق بولىدۇ؟››دىيىشلىرىگىمۇ پەرۋا قىلماي ياقا يۇرتلۇق 12 ياشلىق بىر قىز بىلەن بىللە تۇردىڭىز.12ياشلىق بىر قىز قانداقمۇ 70 ياشلىق ئانىنىڭ ھالىدىن خەۋەر ئالىسۇن؟ئۇ پەقەت سىزگە ئاددىيلا ھەمراھ،كۈزەتكۈچى بولالايتتى.
قاچانلا كەلسەم ئۆيدە كۈرۈنمەيتتى ئۇ قىز:
-ھېلىقى قىز قېنى؟- دەپ سۇرايتتىم سىزدىن:
ئويناۋاتىدۇ،-دەپ جاۋاپ بىرەتتىڭىز.
-قىززىق ئىكەنسىزغۇ.سىز ئۇنىڭ ئايلىقىغا پۇل بىرىپ ئوينىغىلى ئەكەلگەنمۇ ؟-دەييتىم.
-كىچىككىنە بالا ئوينىماي نىمىش قىلىدۇ،-دەيتتىڭىز ئاددىيلا.
قەلبىڭىز دەريا ئىكەن جېنىم ئانا !بارلىقىڭىزنى باللىرىڭىزغا بېغىشلاپ ،ئەمدى ئۇلارنىڭ خاتىرجەملىكى ئۈچۈن كىچىككىنە بىر قىزغا مۇھتاج بولۇپ ياشاۋاتىسىز.
       كۆزۇم نەملىشىپ سىزگە ئىنچىكىلىك بىلەن قارىدىم.كۈزۇمگە بىردىنلا قېرىپ كەتكەندەك كۇرۇندىڭىز،لىكىن ئويچان كۆزلىرىڭىز شۇنداق نۇرلۇق ئىدى.
ئەپسۇسۇم جىق جېنىم ئانا!نىمىشقا سىزگە كۆپرەك ھەمراھ بولىۋالمىغاندىمەن.سىز كىچىككىنە بىر قىزغا ئانىلىق مېھرىڭىزنى بىرىپ تۆت يىل باقتىڭىز ،بىراق ئۇمۇ سىزنى تاشلاپ كىتىپ قالدى.بەكمۇ غېرىپ ئىكەنسىز جېنىم ئانا!
        ئەمىلىيەتتە سىز 100دىن ئارتۇق ئادەمنىڭ ئانىسى ئىدىڭىز،ئون بالا،كىلىن،كىيۇئوغول،نەۋرە-چەۋرىلەر بولۇپ 100دىن ئاشاتتى.شۇنداق تۇرۇقلۇق سىزنىڭ يالغۇزلىقىڭىزنى تەسەۋۇر قىلساملا يۈرۈگۈم ئازاپتىن ئۆرتىنەتتى.
ھەر كۇنى ئىشىك ئاللدىكى سۇپىدا ئولتۇرۇپ يىراقلارغا نەزەر تاشلايتتىڭىز.
ئەمدى ئويلىسام باللىرىڭىزنىڭ يولىغا قاراۋېتىپتىكەنسىز ئەمەسمۇ جېنىم ئانا. يۈرۈكىڭىز يەنىلا باللىرىڭىزغا تويمايدىكەن.لىكىن سىز ئۇلارنى دائىم كۇرەلمەيسىز.كۇنلىرىڭىز كۇتۇش،تەلمۇرۇش بىلەن ئۆتۇپ كىتىدۇ.شۇنداقتىمۇ ئۇلارغا دۇئا قىلىپ، خاتىرجەملىك ئۇزۇن ئۈمۇر تىلەيسىز،سىز نەقەدەر ئۇلۇغ –ھە!
        كۆزىڭىز يەنىلا يىراققا تەلمۇرىدۇ.ھېيىت-بايرام ،دەم ئېلىش كۇنلىرىدە ئۆيىڭىز بالىلار،  نەۋرە-چۈۋرىلەر بىلەن تۇشۇپ كىتىدۇ.شۇنداق روھلۇق بۇلۇپ كىتەتتىڭىز شۇ چاغلاردا! قېرىغىنىڭىزنى تۇيماي قازان بېشىغا بېرىۋالاتتىڭىز.ئەمدى بىلسەم سىز يالغۇزلۇقنى خالىمايدىكەنسىز ئەمەسمۇ!
     كىيىن سىزنىڭ ئۇنىمىغىنىزغا قارىماي ،ھەممىمىز نۆۋەتلىشىپ قارايدىغان بولدۇق.ھەر كەلگىنىمدە خۇشال ئويناپ كىتىدىغان كۆزلىرىڭىز،كىتىمەن دىگەندە نەملىشىپ قالاتتى.كۆڭلۇمدە يۈكسەك مەجبۇرىيەتنى ئادا قىلغاندەك سىزگە پەرۋا قىلماپتىمەن  جېنىم ئانا.ئەپسۇسۇم جىق جېنىم ئانا ! نىمىشقىمۇ شۇ چاغدا كەينىمگە قايتمىغاندىمەن.
     ئەمدى ئويلىسام ئون بالىنى قانداقمۇ بېقىپ قاتارغا قوشقانسىز- ھە!ھازىرقى كىشلەر بىر-ئىككى بالىنىمۇ باقالمايۋاتىدۇ، ھەتتا بەزى كىشىلەر باللىرىنى رەھىمسىزلەرچە تاشلىۋىتىدۇ.
    بىراق سىزچۇ؟ئون بالىڭىزنىڭ ھەممىسىنى ياراملىق قىلىپ تەربىلەپلا قالماي،نەۋرىللىرىڭىزگە ۋە باشقىلارغىمۇ شەپقەت ياغدۇردىڭىز. سىز بەك ئۇلۇغ ئىكەنسىز جېنىم ئانا!
سىزدىن ئايرىلىپ قالغىنىمغا زادىلا ئىشەنگۈم كەلمەيدۇ.پەرزەنىت ئۇچۇن شۇنچە جان كۆيەر ئانا قانداقمۇ ئۆز بالىلىرىنى ئازاپلايدىغان ئىشنى قىلسۇن!
شۇنداقتىمۇ بۇ رەزىل رىئاللىق.
    مىڭىڭىزگە قان چۇشۇپ دوختۇرخانىدا ئارانلا ئىككى كۈن ياتتىڭىز،دوختۇردىن چىققىچە مەنمۇ ئون بالىڭىزنىڭ قاتارىدا پۇتىڭىزنى تۇتۇپ چىقتىم.سىز شۇنچىلىك ئۇرۇقلاپ كىتىپسىز.ھەممە ئىشنى ئۆز زىمىڭىزگە يۈكلەپ ،قانداقمۇ كۆتۈرۈپ قوپقانسىز-ھە!
     بىردەمدىلا سىزنىڭ خلۋەت ئۆيىڭىزدە بىزنىڭ زور قوشۇن پەيدا بولدى،ھەمىمىز سىز ئۈچۈن ئازاپلىنىپ ياش تۆكتۇق.سىزدىن پەقەت ،پەقەت ئايرىلغىمىز يوق جېنىم ئانا! قارىسام ئۆيۈڭگە پاتماي قاپتىمىز.ھايات ۋاقتىڭدا ئۆيۈڭنى مۇشۇنداق تولدۇرۇپ تۇرساق بوپتىكەن.شۇ ۋاقىتتا قايسى بىر پەيلاسوپنىڭ مۇنۇ سۆزى يادىمدىن كەچتى.‹‹ئەلمىساقتىن قەدرى يوقتۇر يانىدا بارى،ئىنسان ئەزەلدىن يوقنىڭ ئىنتىزارى››پۇشايمىنىم كۆپ جېنىم ئانا! ئەپسۇسلىنىمەن!مىڭ،مىڭ ئەپسۇسلىنىمەن!
بىراق‹‹ كىيىنكى پۇشايمان،ئۆزۇڭگە دۇشمەن››دىگەندەك ھىچ ئىشنى ئورنىغا كەلتۈرگىلى بولمايدۇ.چەكسىز ئازاپلىنىمەن،جۇدالىق ئىلكىدە تىپىرلاپ ياتالمايمەن.
     سىزنى بىر نەچچە قېتىم چۈشەپ قالدىم جېنىم ئانا!چۈشۈمدە سىز شۇنچە غەمسىز ماڭا قاراپ كۇلىۋاتقۇدەكسىز .كۆڭلىڭىزنى چۈشەندىم جېنىم ئانا.سىز ئەزەلدىن باللىرىڭىزدىن ھىممەت تەمە قىلمىغان،مۇكەممەل ئائىلىسى بولۇشنى ئارزۇ قىلغان سىز بىزدىن ھەرگىز ئاغرىنمايسىز.سىزدىن پەخىرلىنىمەن جېنىم ئانا! مەنمۇ سىزدەك ئۇلۇغ ئانا بولسام دەيمەن.بۇ مىنىڭ يەنە بىر ئارزۇيۇم!
    سىز ماڭا  تۇنجى ئارزۇيۇمنى كۆرسەتكەن ئىدىڭىز،ئەمدى ئۆز ھاياتىڭىز بىلەن قەلبىمدە يېڭى بىر ئارزۇنى ئويغىتىۋاتىسىز.رەھمەت سىزگە جېنىم ئانا! بىراق سىزگە قىيمايۋاتىمەن .مەن ھازىر ئۆزۇمنى يالغۇزدەك ھېس قىلدىغان بولۇم قالدىم چۇنكى يېنىمدا سىز يوق .مىنىڭ ئانام تېخى ھايات بىراق،ھەقىقىي ئانام يەنىلا سىز.
    مەن سىز بىلەن مەكتەپكە كىردىم،سىز بىلەن يېڭى ئارزۇلارنى كۆڭلۇمگە پۇكتۇم.
     سىز بىلەن ئۈزىڭىزگە ئوخشاش ياخشى ئۇقۇتقۇچى بولدۇم.
     سىز بىلەن ھاياتقا ئۇممىتۋار قارىغان ئىدىم.
     مانا ئەمدى سىز بىلەن ھايات قىسمىتى،ھەقىقىي ئانا بولۇشنى ئۈگەندىم.
     ئويلىسام سىز مىنىڭ مەكتىپىم،ئۇقۇتقۇچۇم،غايەم،مەنىۋى تۇۋرۇكۇم ئىكەنسىز.سىزدىن ئايرىلىپ قانداق ياشارمەن جېنىم ئانا!   سىزنى سېغىنىۋاتىمەن!ئىللىق باغرىڭىزغا ئۆزۇمنى ئاتقۇم كىلىۋاتىدۇ.
   ماڭا يول كۆرسۇتۇڭ جېنىم ئانا! مەن سىزگە كۆنۇپ قاپتىمەن.چۇشۇمگە بولسىمۇ پات-پات كىرىپ تۇرۇڭ، چۇشۇمدە بولسىمۇ سىزنىڭ مىھرىبان سىمايىڭىزنى كۇرىۋالاي!ھىدلىرىڭىزنى قانغۇچە پۇرىۋالاي!
   مەندىن رازى بولۇڭ جېنىم ئانا!

سەييارە0

               ياتقان يىرى جەننەت بولسۇن.

گۈلزار

ئاشۇ غەمگۈزارىڭىز ، سىردىشىڭىز . ئۇستازىڭىز ھەم كۆيۈمچان ئانىڭىزنىڭ ياتقان يېرى جەننەتتە بولسۇن .
اللا سىزگە سەۋىر ئاتا قىلسۇ ن.

بەختىيار(بايقاش

مەرھۇم ئانىڭىزنىڭ بىر يىللىقىنى ئەسلەپ،يۈرىكىڭىزنىڭ چوڭقۇر قاتلاملىرىدىن ئوغچۇپ چىققان سېغىنىش كۈيلىرى بىلەن يۇغۇرۇلغان ئەسلىمىڭىزنى ئوقۇپ،بەكمۇ تەسىرلەندىم.
来自: Android客户端

ئامان

يۇرۇگۇمنى ئېزىۋەتتىڭىزغۇ خانقىز.
ئانىسىزلارنىڭ كۆڭلىنى يەنىلا ئانىسزلار  چۈشىنىدۇ.
مانا ئىككى يىلدىن ئاشتى، ئانامنىڭ تۇپراق بېشى مېنىڭ كۈندىلىك تاۋاپگاھىم، ئۆزۈم ئۆستۈرگەن ئەتىرگۈللەر سىرداش دوستلىرىم، كۆندۈرگەن قۇچقاچلار ئەرمىكىم بۇلۇپ قالدى. تۇپراق بېشىدىن كۆزۈم قىيمىغان ھالدا قايتىپ كېلىمەنۇ، يەنە بارغۇم كېلىدۇ. نەچچە سائەتلەپ ئولتۇرۇپ كېتىمەن، مېھرىبان ئانام بىلەن غايىۋانە مۇڭدىشىمەن، خۇددى نېرۋىسىدىن كەتكەن ساراڭلاردەك. تۇپراق بېشىنى ئايلىنىپ ھارمايمەن، خۇددى ئۇۋىسى چۇۋۇلغان قۇشقاچنىڭ ئەتراپنى ئايلىنىپ كېتەلمىگىنىدەك. رەھمەتلىك ئانامنىڭ ئاخىرەتلىكى ئۈچۈن گۈزەل تىلەكلەرنى تىلەپ، روھسىز ھالدا ئۆيگە قايتىپ كېلىمەن، ئېسەدىگەن كىچىك بالىدەك. مېھمانخانا ئۆيدە كۆزلىرىدىن چوڭقۇر مېھىر يېغىپ تۇرغان ئىللىق بىر سىماھ مېنى كۈتىۋالىدۇ، خۇددى قۇچىغىنى كەڭ يايغاندەك. مەن چوڭايتىلغان ئەينەك رامكا ئىچىدىكى ئىللىق تەبەسسۇم يېغىپ تۇرغان مېھىرلىك چىرايغا تىكىلىمەن، خۇددى بارلىق گىياھلار قۇياش نۇرىغا بارلىق مەۋجۇداتلار سۇغا تەلمۈرگەندەك. ئانامغا قاراپ سۈكۈتكە پاتىمەن، كۆزلىرىم خىرەلىشىدۇ، خۇددى بىر قەۋەت سۇ پەردىسى ئىچىدە قالغاندەك. سۆيۈملۈك ئوغۇللىرىم ئىككى يېنىمدا، كۆيۈمچان ئايالىم كەينىمدە تۇرۇپ ماڭا جۆر بۇلىدۇ، ئۇلۇغ-كىچىك تىنىشلار ئىچىدە گۈزەل ئىزگۈ تىلەكلەر كۆڭۈللەردە يادلىنىدۇ....
بار ئاۋازىمنى قويۇۋېتىپ ۋاقىرىغۇم كېلىدۇ:

پەرزەنتلەرنىڭ بەختى ۋە خۇشاللىقى ئۈچۈن ئانىلار ياشىسۇن، ئانىلار ئۆلمىسۇن!!!....

خۇمارى

نىمە دىگەن پاساھەتلىك سۆزلەر بۇ !بەك ياخشى يېزىپسىز ،نىمە دىيىشىمنى بىلەلمەي قالدىم.رەھمەت سزگە.مىسكىن قەلبىم تەسەللى تاپقاندەك بولۇپ قالدى.

ئامان

خۇمارى يوللىغان ۋاقتى  2013-6-13 21:52
نىمە دىگەن پاساھەتلىك سۆزلەر بۇ !بەك ياخشى يېزىپسىز ،ن ...

بۇ توقۇلما قىلىنغان تەسەۋۋۇر ئەمەس خانقىز، بەلكى رىيال ئادىتىم ۋە چىن ھىسسىياتىم. ئاخشام سىزنىڭ بۇ تېمىڭىزنى ئوقۇپ بولۇپ، خېلى بىر ۋاقىتقىچە ئۆزۈمنى تۇتۇۋالالمىدىم..... ئاخىرى يۈرۈگۈمدىكى مۇڭ بىلەن يۇغۇرۇلغان ئىزگۈ ھىسلىرىمنى پەقەت مۇشۇنچىلىكلا ئىپادىلىيەلىدىم.
سىزنىڭ مەرھۇم ئانىڭىزغا ئوخشاشلا مېنىڭ ئاناممۇ بىر ئوقۇتقۇچى ئىدى، ئۇنىڭ ۋاپاتى ناھىمىز مائارىپى ئۈچۈن بىر يوقۇتۇش بولدى. ئۇنىڭ تۇرمۇش ۋە خىزمەتتىكى ئاق كۆڭۈل ۋە تەلەپچانلىقى، ئاددى-ساددا ۋە قەيسەرلىكى، ئەستايىدىل ۋە مەسئۇلىيەتچانلىقى مېنى داۋاملىق ياشاشقا، قىلىۋاتقان ئىشلىرىمدا نەتىجە يارىتىشقا ئۈندەپ كەلمەكتە.

دىلرۇس

ئەسلىمىڭىزنى يىغلاپ تۇرۇپ ئوقۇپ چىقتىم. شۇ تاپتا كۆزىمدە لىققىدە ياش، كۆزۈمدىلا ئەمەس يۈرۈكۈمدىمۇ لىققىدە ياش. مەنمۇ ئانامدىن كىچىك قلغان، ئانا مېھرىگە تويمىغان، ئانا مېرھىرىگە قانمىغان ئانىسىزلاردىن.
بىر قولىدا بۆشۈكنى بىر قولىدا دۇنيانى تەۋرەتىدىغان ئۇلۇغ ئانىلىرىمىزنىڭ روھى ئەبەدىي بىز بىلان بىللە!
ئەسلىمىڭىزدىكى ئايرىلىش ئازابى ئىچىگە يۈشۈرۈنغان، مەسۈمەلەرنىڭ يۈرەك تىۋىشلىرى ئازاب بىلەنلا ئەمەس، ئۇلارنىڭ ئائىلە، جەمئىيەت، مىللەت، دۆلەت ئالدىدىكى قەرزى ۋە پەرىزلىرىمۇ ئۆتكۈر قەلىمىڭىزدە ئالتۇن ئۈزۈككە ياقۇت كۆز قويغاندەك تولىمۇ ماھارەت بىلەن يۈغۈرلۇپتۇ.
بەرىكەتلىك قەلىمىڭىزگە ئۇتۇقلار يار بولسۇن!

otmakani

otmakani