سەن كېلىپ (مۇزاتى)

مۇزاتى

سەن كېلىپ

مەخمۇت ئاۋۇت(مۇزاتى)


تۈنمۇ تاڭدەك كەتتى يورۇپ،گۈل نىگارىم سەن كېلىپ،
تەنلىرىم ئېرىدى شامدەك، دىلدا بارىم سەن كېلىپ.



كەتكەندىڭ شۇنچە  يىراققا، دىلىمنى قىيناپ،تىلىپ،
ئارمىنىم كۈلدى قا-قاقلاپ، قەدىردانىم سەن كېلىپ.



سېغىنىپ كەلگىن دىدىم مەن، سۈرىتىڭگە تەلمۈرۈپ،
دىلدىكى داغلار يۇيۇلدى، نىجادكارىم سەن كېلىپ.



گەركەلمىسەڭ يىغلامدىمەن،بىگۇمان بولمامدىمەن،
يۈرۈگۈم ئىزىغا چۈشتى، ۋاپادارىم سەن كېلىپ.



دەرگۈمان بەكمۇ يامانكەن،ئالدى دىلغا شەك سېلىپ،
قىل دەپىن بارچە گۇماننى، دىل سۆيەرىم سەن كېلىپ.



رەقىبىم ئەزگەن يۈرەكنى، شەك سېلىپ،گۆرۈڭ قېزىپ،
توزىدى بارچە گۇمانىم،غەمگۇزارىم سەن كېلىپ.



قالغانتى يالقۇن كۆز يۇمۇپ،بولمىغاچ يانىمدا سەن،
كونا چوغقا ئوت تۇتاشتى،دىل قارارىم سەن كېلىپ.



سەن ئۇيان ماڭغان چېغىڭدا،«يۈرۈگۈم سەندە»دېگەن،
قوش يۈرەك جەم بولدى ئاخىر، قەدىناسىم سەن كېلىپ.

مەنبە: ئۆز ئىجادىيىتىم.

گۈلزار

ھەر بىر شىئېرىڭىزدا  ئۆزگىچە ھېسىيات ، ئۆزگىچە تەپەككۈر  ئىپادىلىنىپ تۇرىدىكەن .
رەھمەت سىزگە

مەرىپەت

اللاھ ھەركىمنى مۇرات-مەقسەتلىرىگە يېتىشكە نىسىپ قىلسۇن...