ھايات ھەققىدە غەزەل (مۇزاتى)

مۇزاتى

ھايات ھەققىدە غەزەل

مەخمۇت ئاۋۇت(مۇزاتى)

ئامىتى قىسمەتكە ھەمراھ ، بۇ ھايات شۇنداق ئەنە،
تۆرۈلۈپ،ياشاپ جاھاندا، بار كېلىپ كەتمەك يەنە.

بۇ جاھان چەكسىز دېڭىزدۇر، ھايات ئۆزى بىر كېمە،
شۇ دېڭىزدا  بۇ كېمە، يۈرەمدىكىن تېنچ دېمە،

مېھماندۇرسەن بۇ جاھانغا، تۆرىدە ئورنۇڭ سېنىڭ،
مېھنىتىڭدە ئۈنچە تۆكسەڭ، داستىجان مولدۇر ئەنە.

كۆكىدە  پەرۋاز قىلىشمۇ  تەدبىرىڭ،پەمىڭ بىلەن،
گەر بولۇپ شەيتانغا تەسلىم،خارلىنىپ،پىغان يېمە.

شۇڭغىساڭ  سۈزمەك  گۆھەر بوپ، بۇ جاھان دېڭىزىدىن،
تون كىيىپ ئەقلى- كالامدىن، چىدامنى ئوتلا يەنە.

رولنى مەھكەم تۇت،بوشاشما، مەنزىلگە يەتمەي تۇرۇپ،
بول پەخەس كىتۇ-لەھەڭدىن، بار ساڭا خىرىس يەنە.

گاھى تاج،گاھىدا  جەندە، يار قىلار ھايات ساڭا،
گەر تەما قىلساڭ بەختنى، ئۆزى كەلسۇن ئۇ دېمە.

بۇ ھايات چىقتى كىرەشتىن، قاڭقىغان ئوقيا بولۇپ،
كەتسە ئۇ توختاش،  يېنىش يوق، قايتىلاپ كەلسە دېمە.

چاپتۇرار بولساڭ ئەگەردە، بۇ ھايات تۇلپارىنى،
تويۇنۇپ ئىرپان-ئىلىمدىن، كۈچكە تول،ۋاھىم يېمە.

خۇشچىراي باقساڭ جاھانغا، مېھرىدە كۈتكەي سېنى،
يەتكۈزەر ئۇ ئارمىنىڭغا، بولسا سەندە  ئەقىيدە.

ھېچقاچان ئۆتمەيدۇ ئۆمرۈڭ،داشقازاندا قاينىماي،
ئۇندا پىشىپ يېتىلمەكلىك ، ئەلمىساقتىن ئەنئەنە.

كۈتىدۇ بىلسەڭ جاھاندا، سېنى يېڭى مۈشكۈلات،
تەقدىرىڭ ئۇ،نە ئامالدۇر، كېتىمەن كۆرمەي دېمە.

ياشىرىپ  ئاينىيدۇ قانداق، بۇ ھايات ئېتىزلىقىڭ،
سۇغۇرۇپ يۇرەك قېنىڭدا،قىلمىساڭ پەرۋىش يەنە.

نۇر بېرىپ ئۆتسەڭ قۇياشتەك، ئۆلمىگەي نامىڭ سېنىڭ،
ئىز پۈتۈپ كەتسەڭ ھاياتتىن ، قالغۇسى ئارمان نېمە.


باي ناھىيەسىدىن: مەخمۇت ئاۋۇت يازغان  -(ئۆز ئىجادىيىتىم)

گۈلزار

يېقىندىن بۇيان  ئۆزگىچە شېئىرلىرىڭىز بىلەن بايقاش مۇنبىرىنى بېزەپ نۇرلاندۇرۋاتىسىز . بۇنىڭ ئۈچۈن سىزگە كۆپتىن كۆپ رەھمەت ئېيتىمىز . رەھمەت سىزگە .