بۇ يازمىنى ئاخىرىدا گۈلزار تەھرىرلىگەن. ۋاقتى 2013-5-5 18:08
غەنىمەت
(ساتىرا)
مەخمۇت ئاۋۇت (مۇزاتى)
چوڭ ئەمەلدار بوپ قالغىنىم غەنىمەت،
ئەپكەلگەننى نەق ئالغىنىم غەنىمەت؛
تۈزۈت قىلماي كوم سالغىنىم غەنىمەت،
كەلدى پۇرسەت يەۋالغىنىم غەنىمەت.
ئۆي تەقسىملەش،خىزمەت يۆتكەش ئىشىدا،
بار چۆپقىتىم ھەممە ئېچىق بېشىدا؛
شەپە بېرىپ مەن ساقلايمەن تېشىدا،
ئىش بىجىرىپ نەپ ئالغىنىم غەنىمەت.
ئىش قىلىشتا ئادىمىگە قارايمەن،
قىز-چوكاننىڭ قاش-كۆزىنى مارايمەن؛
يارىسا كىم، مەنمۇ ئاڭا يارايمەن،
كۆڭۈلنى خوش قىۋالغىنىم غەنىمەت.
ھوقۇقۇمنى ئىشلىتىمەن ئۆزۈمگە،
«ئىش ئۇقماسلار»سەت كورۇنەر كۆزۈمگە؛
ئەدەپلەيمەن كىم كۆنمىسە سۆزۈمگە،
ئەمەل باردا دەۋالغىنىم غەنىمەت.
چۈنكى پۇلغا سېتىۋالغاچ ئەمەلنى،
ئۆزگىلەرگە تۆلىتىمەن بەدەلنى؛
رەڭۋازلىقتا ئوينىتىمەن قەلەمنى،
ئەلنى مايىل قىۋالغىنىم غەنىمەت.
يۇقۇرىدىن كەلسە مەبلەغ تالايمەن،
پۇللا بولسا ھەتتا يالاق يالايمەن؛
ئەلنى بېسىپ يۇقۇرىنى ئالدايمەن،
چىشىم باردا يەۋالغىنىم غەنىمەت.
مۇپەتتىشنى ئەمەل بىلەن تورايمەن،
ئەلنى شۈلۈپ،يىلىگىنى شورايمەن؛
ئىشلىرىمنى نىقاپلايمەن،ئورايمەن،
چېنىپ قالسا يوقالغىنىم غەنىمەت.
ئۇلۇم پۇختا مەنسىپىمدىن غېمىم يوق،
تاۋاق تۆمۈر-نېنىم پۈتۈن كۆڭلۈم توق؛
نەپ ئېلىشتا ئىشىك-دەرىزەم ئوچۇق،
ئامىتىم بار ، تومدۇر يېنىم غەنىمەت.
ھارامدى يەپ سالدىم قۇرساق باداڭدەك،
تەرسىز كەلگەن پۇلنى چاچتىم غازاڭدەك؛
خەقنىڭ غېمىن يەپ يۈرمەسمەن ساراڭدەك،
كۆپەيسىلا مال-دۇنيارىم غەنىمەت.
خىتاپ:
چىرىكلىشىپ بۇلغىما ئىچ-تېشىڭنى،
ھارام يىسەڭ چىقار تېشىپ تۆشۈڭنى؛
كۆتۈرەرسەن ئەلدە قانداق بېشىڭنى،
تۇيۇق يولدىن بەس، يانغىنىڭ غەنىمەت.
مەنبە: ئۆز ئىجادىيىتىم. | 
قىزغىنلىق
تىللا
تۆھپە
شۆھرەت
يوللىغان ۋاقتى 2013-4-24 16:11:53
يوللىغان ۋاقتى 2013-5-5 18:14:32