باغۋىنىم (مۇزاتى)

مۇزاتى

باغۋىنىم

مەخمۇت ئاۋۇت(مۇزاتى)

مايسىلارنىڭ پەرۋىشكارى،قەلبى گۈلخان باغۋىنىم،
نۇر بېرىپ دىلنى يورۇتقان،تۈندە چولپان باغۋىنىم.

سەن بىلەن يۈتتى نادانلىق،قەدىمىڭ يەتكەچ بۇيان،
ئەجىرىڭدە ساددىلارمۇ، ئەمدى سۇلتان باغۋىنىم.

ئاگرانوم،ئالىم يېتىلدى،تەلىمىڭ،ئەقلىڭ بىلەن،
مېھنىتىڭدىن ھەممە قايىل،تىلدا داستان باغۋىنىم.

شۇ قەلىب مېھرىڭدە ئۆستى،يېڭى مايسا بىخ سۈرۈپ،
يېتىلىپ پەرۋىش-تەرىڭدە،بولدى ئورمان باغۋىنىم.

بەردى مېۋە تۇشمۇ-تۇشتىن، ئاينىشىپ،ئالغاچ ئوزۇق،
بارچە ھېكمەتلەر سېنىڭدە، سېخى ئىنسان باغۋىنىم.

رازىسەن جىسمىڭ كۆيۈپ كۈل بولسىمۇ باغىڭ ئۈچۈن،
ئۇنى گۈلگە پۈركىمەك شۇ،  سەندە  ئارمان باغۋىنىم.

تىلىدۇق بارچە يۈرەكتىن ئاڭا بىز ساقلىق-ئامان،
شۇ بۈيۈك ئارماندا كۆيگەچ جىسمى ۋولقان باغۋىنىم.

مەنبە: ئۆز ئىجادىيىتىم.

]

گۈلزار

ئوقۇتقۇچىنى چۈشىنىش ۋە ھۆرمەتلەش - مائارىپقا كۆڭۈل بولۇشنىڭ ئەڭ ئەقەللى ئىپادىسى ، ئوقۇتقۇچىغا تۇتۇلغان پوزىتسىيە شۇ مىلللەت  ئەزالىرىنىڭ ساپاسىغا تاقىلدىغان  مۇھىم ئۆلچەم .
ئوقۇتقۇچىلارنى چۈشىنىپ   ھەم ھۆرمەتلەپ ئېيتىلغان مەدھىيلىرىڭىزگە تەشەككۈر .    ھارمىغايسىز ئەپەندىم .