پاك ياشا (مۇزاتى)

مۇزاتى

پاك ياشا

مەخمۇت ئاۋۇت(مۇزاتى)

بولۇپ رەھبەر ئاتالدىڭ،
بۇلغانمىغىن، پاك ياشا،
ياقسۇن ئەلگە ھەر ئىشىڭ،
بۇلغانمىغىن،پاك ياشا.

كۆزلىمەي ساپ مەنپەتنى،
قىلىپ دۇرۇس نىيەتنى،
تۇتۇپ ئادىل مەنسەپنى،
بۇلغانمىغىن، پاك ياشا.

سېنى ئاۋام سايلىدى،
باشپاناھى چاغلىدى،
ساڭا ئۈمىد باغلىدى،
بۇلغانمىغىن،پاك ياشا.

بولغىن ئەلگە خۇش-سىلىق،
چىقارمىغىن خۇي-قىلىق،
ئاۋام سۇدۇر سەن بېلىق،
بۇلغانمىغىن، پاك ياشا.

باشچىسەن ئەل قەلبىدە،
تەقدىرىڭ ئەل ئىلكىدە،
يۈرمە نەپسىڭ كەينىدە،
بۇلغانمىغىن، پاك ياشا.

رەھبەرسەن-ئەل چاكىرى،
يۈتسۇن ئەمەل كىبىرى،
چۈنكى سەن ئەلنىڭ بىرى،
بۇلغانمىغىن،پاك ياشا.

مەنبە: ئۆز ئىجادىيىتىم.

گۈلزار

   بىر ئادەم دۇرۇس بولسا ، ئۇنى ھەر قانداق بېسىم ئازابلىيالمايدۇ . بىر ئادەمنىڭ قولىدا ھەقىقەت چىرىغى بولسا ، ئۇنى قاراڭغۇلۇقمۇ يۇتۇپ كېتەلمەيدۇ .
                                                                                              _جىبران
  دىمەك  پاكلىق ئارقىلىق ھايات نۇرىنى تېخىمۇ نۇرلاندۇرۇش  ھەممىدىن مۇھىم .
رەھمەت ئەپەندىم، شېئىرلىڭىز مۇنبەرنى تېخىمۇ ئاۋاتلاشتۇرۋاتىدۇ . ئىجادىيەتلىرىڭىزگە ئۇتۇق تىلەيمەن .