سېغىنىش (مۇزاتى)

مۇزاتى

سېغىنىش

(بىر ئاشىق تىلىدىن)

مەخمۇت ئاۋۇت(مۇزاتى)

ۋىسالىڭغا تەشنا يۈرەكنى،
مۇجىماقتا سېغىنىش،ھىجران؛
ئېغىپ يۈرەك،تۇرار ئېچىشىپ،
ياكى ئۇنى چاقتىمۇ چايان.

ئارلىق يىراق،كۆڭۈل تۇتۈشتۇر،
دىلدا گۈلخان مۇھاببەت شۇتاپ؛
قىينار بۇدەم سېغىنىش ئوتى،
ئەيلەر شۇڭا يۈرەكنى بىتاپ.

كورۈشتۈرسە تەقدىر بىزنى گەر،
چۈشەر كۆزدىن ئۈنچە  سېرىلىپ؛
ھاياجاندىن ئېرىپ بارچە تەن،
كېتەرمۇ يا يۈرەك يېرىلىپ.

تىپىرلايدۇ ئوخچىغان ھېسلار،
گۈل ئاشىقى بۇلبۇلدەك شۇتاپ؛
ۋىسالئۈچۈن  قىينالغاچ يۈرەك،
بىر تەڭرىگە قىلىدۇ خىتاپ.

بەك سېغىنغاچ يىگانە يۈرەك،
ئاھسىرايدۇ مۇڭلارغا تولۇپ؛
نىسىپ قىلىپ دىدارىڭنى بىر،
ئېلىپ كەتكىن ئازاپنى يۇلۇپ.

جەم بولساق گەر ئاخىر بىر كۈنى،
چاڭقاق دىللار قالمامتى تىنجىپ؛
تالەي كۈلۈپ باققاچقا شۇندا،
ياشىمامتۇق مۇراتقا يېتىپ.


  مەنبە: ئۆز ئىجادىيىتىم.