مېنى (مۇزاتى)

مۇزاتى

مېنى

مەخمۇت ئاۋۇت(مۇزاتى)
       
ھېس قىلارمەن كۆپ خىجىللىق،ئۇچۇرساڭ ماختاپ مېنى،
ھەق بولاتتى  ئۆتسە سەۋەن، كەتمىسەڭ ئاقلاپ مېنى.

بىزگە قالغان كەڭ قۇرساقلىق، ئەجدادىىمىزدىن مىراس،
رەنجىمەيمەن ئازغىنىمدا،كەتسەڭ گەر تىللاپ  مېنى.

مەندىكى يوق خىسلەت بىلەن، تاشنى تاياققا تاڭغىچە،
چىن ھەقىقەت ئەلگىكىدە ئايرىغىن، تاسقاپ مېنى.

  ئۇچۇرۇپ، ماختاپ مېنى سەن، باشلىما ھاڭ لىۋىگە،
ئۇندا مەن  رەقىپ بىلۇرسەن، يىقىتساڭ پۇتلاپ مېنى.

بۇ ھاياتتا ھېچ بىر كىشى، نۇقساندىن خالى ئەمەس،
تۈزىتەرمەن بولساڭ ئەينەك، قول بېرىپ، ئويلاپ مېنى.

دوست بىلەرمەن سېنى دىلدىن،ئەگىرىمنى تۈزەتسەڭ،
پاك ياشاپ ئەلدە ئۆتۈشكە، ئاچ  قۇچاق، قوللاپ مېنى.

تەلۋىلەرنىڭ ھەيۋىسىدىن، كەتمىدىم ئانچە چۆچۈپ،
تۇرغاچ خەلقىم قوينىن ئېچىپ،ئۆز بىلىپ،قوغداپ مېنى.


مەنبە: ئۆز ئىجادىيىتىم.

pari

تىلى ئاددى چۈشۈنىشلىك ، مول تىل بايلىقىغا ئىگە بولغان ئېسىل شېئىركەن . رەھمەت ھارمىغايسىز ئۇستاز .

مۇزاتى

◤pari◥ يوللىغان ۋاقتى  2013-4-22 23:19
تىلى ئاددى چۈشۈنىشلىك ، مول تىل بايلىقىغا ئىگە بولغان  ...

ئىنكاسىڭىز ۋە يۇقۇرى باھايىڭىزغا رەخمەت!