ئوتتۇرا مەكتەپ ئوقۇغۇچىلىرىنىڭ ئالىي مەكتەپ ئىمتاھانىغا تەييارل...

★parixta★

                       2013–يىللىق ئالىي مەكتەپ ئىمتاھانىغا تەييارلىق
                               قىلىشتىكى 10 خىل ئۈنۈملۈك ئۇسول.

1  .دەرس تەكرارلاشتا بەش خىل ئۆگىنىش ئۇسولى ئىنتايىن مۇھىم.
تەكرارلاش ئېلىپ بارغاندا كۆز بىلەن ئۆگىنىش ،يېزىپ ئۆگىنىش،سۆزلەپ ئۆگىنىش،ئاڭلاپ ئۆگىنىش،پۈتۈن زېھنىنى قويۇپ ئۆگىنىش كېرەك .پۈتۈن ئېس يادى بىلەن بېرىلىپ  ئۆگەنگەندە ئەستە ساقلاش يۇقۇرى بولىدۇ. تەتقىقاتلاردا كۆرسىتىلىشىچە كۆرۈپ ئۈگەنگەندە ئۈنۈمى 20 ٪.ئاڭلاپ ئۈگەنسە ئۈنۈمى 15٪ ،ئەگەر كۆرۈپ ،يېزىپ ،ئاڭلاپ ئۆگىنىش بىلەن تەپەككۈرنى بىرلەشتۈرۈپ ئۆگەنسە ئۆگىنىش ئۈنۈمى 50 ٪ بولىدۇ.شۇڭا بۇ خىل ئۇسول تەكرارلاش ئۈنۈمىنى ئاشۇرۇشتىكى مۇھىم ھالقا.شۇڭا ئوقۇغۇچىلارنىڭ قىزغىن ئىشتىياق بىلەن بېرىلىپ ئۆگىنىش ئىقتىدارىنى يېتىلدۈرۈش كېرەك.
2.  بەلگىلىك ۋاقىت ئىچىدە مۇقىم بىر خىل مەزموننى ئۆگىنىش ئادىتىنى يېتىلدۈرۈش كېرەك.
مۇناسىۋەتلىك ماتىرياللاردا كۆرسىتىلىشىچە بىر ئادەم مۇقىم بىر ۋاقىت ئىچىدە مەلۇم بىر خىل ئىشنى  قىلسا ،ئادەمدە ئەڭ ياخشى فىزولوگىيىلىك ۋە پىسىىكىلىق ھالەت شەكىللىندۇ.بۇ قانۇنيەتنى دەرس تەكرارلاشتا قوللىنىش ئۈچۈن چوقۇم مەلۇم ۋاقىت ئىچىدە مۇقىم بىر خىل مەزموننى ئۆگىنىش ئادىتىنى يېتىلدۈرۈش كېرەك.
3. چۈشىنىش ئاساسىدا تەكرارلاش ئېلىپ بېرىش كېرەك.
     ئەمىليەتنىڭ ئىسپاتلىشىچە چۈشەنگەن بىلىمنى ئەستە تۇتۇش،ئوڭاي ھەم ئاسان ئۇنتۇلمايدۇ.دىمەك چۈشىنىش بولسا ئەستە تۇتۇشنىڭ ئالدىنقى شەرتى ۋە ئاساسىي .تەكرارلاشنى ياخشى قىلىش ئۈچۈن چوقۇم ئالدى بىلەن بىلىمنى چۈشىنىش كېرەك.شۇڭا دەرس ۋاقتىدا پۈتۈن دىققىتىنى يىغىپ دەرس ئاڭلاش،چۈشەنمىگەن مەسىلىنى دەل ۋاقتىدا ھەل قىلىش،ھەرگىزمۇ ئارقىغا سۆرىمەسلىك.
4.ئۆز ۋاقتىدا تەكرارلاش.
  پىسخولوگىيە ئالىملىرىنىڭ تەتقىق قىلىپ بايقىشىچە ئادەملەرنىڭ ئۈگەنگەن يېڭى بىلىمىگە نىسبەتەن بىر سائەتتىن كېيىن كاللىسىدا پەقەت 4 4 ٪ ساقلىنىپ قالىدۇ.،ئىككى كۈندىن كېيىن بولسا 28 ٪ قىسمى ساقلىنىپ قالىدۇ.ئالتە كۈندىن كېيىن 25٪ ساقلىنىپ قالىدۇ بۇنىڭدىن كۆرىۋېلىشقا بولىدۇكى بىلىمنى يېڭى ئۈگەنگەندە ئۇنتۇش ئەڭ تېز،ۋاقىت ئۇزارغانسېرى ئەستە قالغان مەزمون ئاز بولسىمۇ ئەمما ئۇنتۇش ئاستىلايدۇ.شۇڭا كۈندىلىك دەرسنى ۋاقتى ۋاقتىدا تەكرارلاپ تۇرۇش كېرەك.
5.دائىم تەكرارلاشتا تەكرارلاش قېتىم سانى ئاۋال زىچ،كېيىن شالاڭ بولۇش،يېڭىدىن ئۈگەنگەن بىلىمنى ئۇنتۇش تېز، كۆپ شۇڭا تەكرارلاش قېتىم سانى كۆپ ،ۋاقىت ئارلىقى قىسقا بولۇش،بىلىمنىڭ مۇستەھكەملىنىشىگە ئەگشىپ ۋاقىت ئارلىقى ئۇزىرايدۇ.مەلۇم مەزگىلگە بارغاندا بىلىم پۇختىلىنىپ تەكرارلىمىسىمۇ ئۇنتۇلۇپ قالمايدۇ.
6. تەكرارلاشتا ئۈچ ئىشنى ياخشى قىلىش
1. ئەسلەش –دەرستىن كېيىن مۇئەللىم سۆزلىگەن مەزموننى بىر قېتىم ئەسلەش،شۇنىڭدا شۇ كۈنى ئاڭلىغان دەرسنىڭ ئۈنۈمىنى تەكشۈرۈپ ئەستە تۇتۇش ئىقتىدارىنى يۇقۇرى كۆتۈرگىلى بولىدۇ.قاراتمىلىق ئۆگىنىشنى  كۈچەيتىش كاللا ئىشلىتىشكە ماھىر بولۇش ئادىتىنى يېتىلدۈرگىلى بولىدۇ.
2.دەرسلىك كىتاپنى كۆرۈش، مۇھىمى ئەسلىيەلمىگەن مەزموننى كۆرۈش،دەرسنىڭ ئاساسىي مەزمونىنى يىغىنچاقلىغان ،بۆلەكلەرنى ئەسكەرتمىلەرنى كۆرۈش ئەستە تۇتۇشقا پايدىلىق.
3.پايدىلىنىش ماتىرياللىرىنى كۆرۈش،مۇھىم مەزمون تېمىلارنى كۆرۈش،بۇنىڭدا بىلىمنى ئەتراپلىق ۋە چوڭقۇر ئىگەللىگىلى بولىدۇ.
7.ئۆز ۋاقتىدا سېستېمىلىق تەكرارلاش
ھەر ھەپتىدە، بىر ئايلىق ياكى ھەر بىر بۆلەكنى ئۆگىنىپ بولغاندا ھەرقايسى دەرسلەرنىڭ مەزمونىنى رەتلەپ ،تۈرگە ئايرىپ سېستېمىلىق ئۆگىنىش بۇنى ئادەتتە ‹‹چاچ تاراش ئۇسولى›› دەيمىز. شۇنىڭدا ۋاقىت ئۆتكەنسېرى، بىز ئۆگەنگەن بىلىملەر كاللىمىزدا ئېنىق تۇرىدۇ.
8.تەكرارلاشتا ئۆزگەرمەس پىلان بولۇش،تەكرار ۋاقىت ئورۇنلاشتۇرۇشىغا دىققەت قىلىش كېرەك.
ھەر كۈنلۈك ،ھەر بىر دەرسكە قارىتا ئېنىق ئورۇنلاشتۇرۇش بولۇش،ۋاقىت ئورۇنلاشتۇرغاندا ھەر قايسى پەنلەرنىڭ مۇناسىۋىتىنى ياخشى بىر تەرەپ قىلىش كېرەك.
  9.تەكرارلاشتا ئۆزىنىڭ ئەمىليىتىگە ماس نىشان بەلگىلەش  كېرەك.
  10.ۋاقىتتىن ئەڭ زور دەرىجىدە پايدىلىنىش،بولۇپمۇ ئادەتتىكى بوش ،قىسقا ۋاقىتلاردىنمۇ پايدىلىنىش، ھەرقايسى پەنلەرنىڭ ئاساسىي مەزمونىنى كىچىك كارتىلارغا يېزىۋېلىپ، ياندا ئېلىپ يۈرۈپ ھەر ۋاقىت تەكرارلاش ،پۇختىلاش ئېلىپ بېرىش.
   
تەييارلىغۇچى :پەرىشتە

pari

ياخشىمۇ سىز پەرىشتەم ؟
ياخشى تېما يوللاپسىز ، داۋاملىق يوللاپ تۇرغايسىز . ھارماڭ دوستۇم .

گۈلزار

ياخشىمۇسىز پەرىشتەم ؟
ئالدى بىلەن سىزنىڭ مۇنبەرگە كېلىپ سېپىمىزگە قوشۇلغانلىقىڭىزنى قىزغىن قارشى ئالىمەن. ھەم سىز بىلەن دوست بولۇپ قالغانلىقىمدىن  بەكمۇ پەخىرلىنىمەن .
پايدىلنىش قىممىتى بولغان سوۋغات ئېلىپ كەپسىز دوستۇم . رەھمەت .

asrar

ئالىي مەكتەپ ئىمتىھانىمۇ يىقىنلاپكىلىۋاتىدۇ،بۇ تېمىڭىز ئوقۇتقۇچى -ئوقۇغۇچىلار ئۈچۈن دەل  ۋاقتىدا يوللانغان پايدىلىنىش قىممىتى بار ياخشى ماتېريال  بۇپتۇ...

دىلرۇس

ياخشى تېما. ئەجىرىڭىزگە بارىكاللا!