بولساڭ (مۇزاتى)

مۇزاتى

                                                                     بولساڭ

                                                             مەخمۇت ئاۋۇت (مۇزاتى)


                                                چۈشەرسەن ئەل نەزىرىدىن، ئەجىرسىز لاپ ئاتار بولساڭ،
                                                تاپارسەن شۇندا يۈز-ئابروي، ئەل قەلبىگە ياقار  بولساڭ،
                                                ئەجىر-مېھنەتكە تەرىڭ تۆك، ھاياتتا شان قۇچار بولساڭ،
                                                دىلىڭغا پۈكمىگىن شۇملۇق،تېنىچ-ئەمىن ياشار بولساڭ،
                                                كۆڭۈللەر تۆرىدۇر ئورنۇڭ، چۆللەردە  باغ ياسار بولساڭ.

                                                ھايات مەنزىللىرىڭ ئارا، شاللىنارسەن ھېرىپ قالساڭ،
                                                تەمتىرەيسەن ئاچاللاردا، نىشانەڭدىن ئېزىپ قالساڭ،
                                                ھاياتنىڭ ئۆزى بىر داستان، تەرىپلە چىن يېزىپ قالساڭ،
                                                كېيىنكىلەر ئالۇر ئىبرەت، تەجىربەڭنى نىسىپ قىلساڭ،
                                              ھايات تۇلپىرى مىنگىن-چاپ،زەپەر يولى ئاچار بولساڭ.

                                              ئارمانلىرىڭ ۋىسال تاپقاي، قانائەتتىن چېنىپ تۇرساڭ،
                                              ھايات مەشئىلى ئۆچمەيدۇ،يۈرىكىڭ چوغ يېنىپ تۇرساڭ،
                                              بولۇر ھەمراھ ساڭا ئامەت، ئىلىمدىن نۇر ئېلىپ تۇرساڭ،
                                              بولۇر ھەمدە رىسقىڭمۇ كەڭ،ئەجىر-مېھنەت قىلىپ تۇرساڭ،
                                             كۈلۈپ  باققاي ساڭا  ئالەم،  داۋانلاردىن ئاشار بولساڭ.

                                             ئاۋام ئۈچۈن ھاياتلىقتا ، يورۇق بەرگەن چىراق بولغىن،
                                             ئەلنى ھەردەم قېرىنداش بىل،ساختىلىقتىن يىراق بولغىن،
                                            چۈشسەڭ گەر چېلىشلارغا، شىجائەتتىن تويۇن-تولغىن،
                                            چىدام-غەيرەتنى قىلىپ يار،مۈشكۈلنى يەڭ، ھالاك قىلغىن،
                                            چىقىپ نامىڭ تارار ھەريان،  رىقابەتتە ئۇتار بولساڭ.

مەنبە : ئۆز ئىجادىيىتىم.

زەپەر

ئىجادىيتىڭىزگە ئۇتۇق تىلەيمەن رەخمەت سىزگە

pari

ئىجادىيىتىڭىزگە ئۈتۈق تىلەيمەن ، رەھمەت .