باشلىقىم (ساتىرا) (مۇزاتى)

مۇزاتى

باشلىقىم

(ساتىرا)

   

مەخمۇت ئاۋۇت(مۇزاتى)

كۆرۈنۈشتە سىپايە كېلىدىغان باشلىقىم،
يەڭ ئىچىدە نى ئىشنى قىلىدىغان باشلىقىم؛
پايدا-زىيان ئېپىنى بىلىدىغان باشلىقىم،
رەڭۋازلىقتا قىلنى پىل قىلىدىغان باشلىقىم.

ئىدى بىر چاغ ئاق كۆڭۈل، ئۆزى ساپدىل بىر پۇقرا،
ئاقنى ئاق دەر ، ھەرگىزمۇ دىمەيتتى ئۇنى قارا؛
ئۆزگەرگىنى بەرھەقتۇر، بولۇر ئۆزىمۇ ئىقرا،
نەپسى ئۈچۈن ئەل دىلىنى تىلىدىغان باشلىقىم.

بولغاچ ئۇنىڭ«ئوڭ قولى»، يېڭى پىلان تۈزەتتىم،
قەغەز جېڭى قىلىپ ھەم ، پىستانسىز ئوق ئۈزەتتىم؛
ياخشىچاق بولۇپ ئاڭا ، پۇرسەت پەملەپ يۈرەتتىم،
«دوكلات»تىن ئايرىلسا ئۆلىدىغان باشلىقىم.

سوغا-سالام ئېلىشقا كۆنۈپ كەتتى قوللىرىم،
ئۇنى ئۆيگە توشۇشقا راۋانلاشتى يوللىرىم؛
قوينۇمدا ھەم قونچۇمدا كۆپەيدى مال-پۇللىرىم،
ھارام يەپمۇ سىڭدۈرۈپ يۇرۇيدىغان باشلىقىم.

ئۇنىڭ ئۈچۈن شاپاشلاپ ئۆتتى مېنىڭ ياشلىقىم،
قارغۇلارچە ئەگەشتىم تۇتقاچقا بەڭباشلىقىم؛
ئۆزەم ئۈچۈن قايغۇرغاچ ئەلگە يوق ھېسداشلىقىم،
«ئامىتى»دىن تېلىقىپ كۈلىدىغان باشلىقىم.

مەنبە : ئۆز ئىجادىيىتىم

ئامان

يارايسىز بۇرادەر، شېئىرلىرىڭىز ئېسىلغۇ؟!....
قولىڭىزغا دەرت كەلمىسۇن، مۇشۇنداق ئىجادى يازمىلىرىڭىز بىلەن مۇنبەرنى تېخىمۇ ئاۋاتلاشتۇرغايسىز. رەھمەت.

زەپەر

يازغان قۇلىڭىزدا دەت بەرمىگەي . رەخمەت سىزگە

گۈلزار

باڭباش ياشلىقنى ناھايتى ياخشى سۈپەتلەپ بېرىپسىز!
شېئىرىلىڭىزدىن ھۆزۇرلاندۇق رەھمەت .
بۇندىن كېيىنكى ئىجادىيەتلىرىڭىزگە ئۇتۇق تىلەيمەن .
  
  

خەنجەر

پۇخىرانى جايلاشقا، تۇلا ئىكەن چارىسى ،
يېقىلمايدۇ خىزمەتتىن ،بىللە ئىكەن «قارىسى».
ئۇنى يۇمشاق قىلىشقا «سوۋغا -سالام »دارىسى ،
ھارامنى يەپ ئىشتانغا پاتمايدىغان باشلىقىم .

ياخشى باشلىنىش تېخىمۇ نادىر ئەسەرلەنى ئۇقۇشقا مۇيەسسەر قىلغايسىز .رەھمەت

otmakani