قانداق قىلغاندا ئوقۇتقۇچىلارنىڭ كەسپى ئەخلاق ساپاسىنى ئۆستۈرگىل...

سۈزۈك

قانداق قىلغاندا ئوقۇتقۇچىلارنىڭ كەسپى ئەخلاق ساپاسىنى ئۆستۈرگىلى بولىدۇ؟
مەتياسىن مەمىتىمىن
(كىرىيەناھىيە لايسۇ مەكتەپ سىياسى تەلىم- تەربىيە مۇدىرى)
     ئوقۇتقۇچى- مەكتەپ مائارىپىدىكى ئەڭ مۇھىم ئامىل بۇلۇپ،تەلىم- تەربىيە ، ئوقۇتۇش ئىشلىرىنى قانات يايدۇرۇپ، ئوقۇغۇچىلارنى مائارىپىمىز مەقسەت قىلغان تۈرلۈك ساپا، ئىقتىدار ۋە بىلىم جەھەتلەردىن ھەقىقى يىتىشتۈرۈشتە، يۇقىرى بىلىم ساپاسىغا ، جانلىق ئوقۇتۇش مىتودىغا ، ياخشى كەسپى ئەخلاق ساپاسىغا ئىگە بولغان ئوقۇتقۇچىلار قوشۇنىنىڭ بۇلۇشى ئىنتايىن زۆرۈر. شۇنىڭ ئۈچۈن، ئوقۇتقۇچى كۈندىلىك تۇرمۇشتىكى ھەركەت ئىپادىسى جەھەتتە ھەممە يەردە ئۆزىگە قاتتىق تەلەپ قۇيۇشى ، ئۆزى ئۈلگە بۇلۇپ بېرىشى، يۈرۈش-تۇرۇشتىن سۆز- ھەركەتكىچە، قەلبتىن تاشقى قىياپەتكىچە بولغان ھەر قايسى تەرەپلەردە ئوقۇتقۇچىدا بۇلۇشقا تىگىشلىك سالاپەت ۋە روھنى يىتىلدۈرۈپ، ئوقۇغۇچىلارنىڭ ئۈلگىسى ، جەمئىيەتنىڭ نەمۇنىسىغا ئايلىنىشى كېرەك. مەيلى مەكتەپ ئىچىدە،  ياكى مەكتەپ سىرتىدا بولسۇن، چوقۇم بىر ئوقۇتقۇچىدا بۇلۇشقا تېگىشلىك كەسپى ئوبرازنى يارىتىش كېرەك.
ھەر قانداق ئوقۇتقۇچى ياخشى كەسپى ئەخلاق ساپاسىغا ئىگە لاياقەتلىك ئوقۇتقۇچى بۇلۇپ چىقىشتا، تۆۋەندىكى تەلەپلەرنىڭ ھۆددىسىدىن چىقالايدىغان بۇلۇشى كېرەك.
1. ئىش ئورنىنى سۈيۈپ ، كەسىپنى قەدىرلەش كېرەك . مائارىپ ئىشلىرىنى قىزغىن سۆيۈش-ئوقۇتقۇچىلارنىڭ خىزمەتنى ياخشى ئىشلەشتىكى ئىدىيۋى ھىسياتىنىڭ ئالدىنىقى شەرتى. ئىش ئورنىنى سۈيۈپ ، كەسىپنى ھۆرمەتلەش-ئوقۇتقۇچىلارنىڭ ۋەتەننى قىزغىن سۆيۈش، سوتسىيالىزىمنى قىزغىن سۆيۈشنىڭ كونكىرت ئىپادىسى.كەسپىنى سۆيمىگەن كىشى، ۋەتەننى قانداقمۇ سۆيسۇن؟ كەسىپكە سادىق بولمىغان ئوقۇتقۇچنىڭ ۋەتەننى قىزغىن سۆيۈشتىن ئىبارەت يۈكسەكلىككە يىتىشى ئىنتايىن قىيىنغا توختايدۇ.
2. ئوقۇغۇچىلارنى قىزغىن سۆيۈش، ئۇلارغا بولغان مىھىر- مۇھەببىتىنى ئىپادىلەشكە ماھىر بۇلۇش، بارلىق ئوقۇغۇچىلارغا باراۋەر، دۇرۇس، ھەققانىي تەلەپ قۇيۇش، ھەممىسىگە بىردەك كۆڭۈل بۈلۈش، ئۇلارغا بولغان ھەربىر سۆز ھەركىتى، ئىنكاسى، مۇئامىلىسىنىڭ ئۇلارنىڭ غورورى، ئىززەت- ھۆرمىتىگە زىيان يەتكۈزمەسلىكىگە دىققەت قىلىش كېرەك.
3. ئوقۇغۇچىلار بىلەن دوستانە مۇناسىۋەت ئورنىتىشغا، ھىسيات ئالماشتۇرۇشقا ماھىر بۇلۇش، ئۇلارنىڭ تۈرلۈك گەپ- سۆز، ھەركەتلىرىدىن ئۆزىگە خاس پىسخىك ئالاھىدىلىكى، قىزىقىشى، ئارتۇقچىلىقىنى بايقىيالايدىغان ئىقتىدار ھازىرلىغان بۇلۇش، ھەر كىمنى ئۆز ئالاھىدىلىكىگە ماس ھالدا ئىلھاملاندۇرالايدىغان بۇلۇشى كېرەك.
4. ئۆزى  ئۆتۈۋاتقان پەن، شۇنداقلا ھەر قايسى پەن بىلىملىرى جەھەتتىن مول، جانلىق بىلىم ۋە ئىجادى تەپەككۇر ئىقتىدارى ، توغرا، جەلپ قىلارلىق ئىپادىلەش ماھارىتىگە ئىگە بۇلۇش، بۇنىڭ ئۈچۈن، ئوقۇتقۇچىلاردا ئۈزلۈكسىز ئۈگىنىش، ئۈگنىشكە مۇئامىلە قىلىشتا تولۇپ تاشقان قىزغىنلىق بۇلۇش،كۈچ سەرپ قىلىشنى خالاش، مەڭگۈ قانائەتلەنمەسلىك ، مەڭگۈ توختاپ قالماسلىق روھى بۇلۇشى كېرەك.
5. ئوقۇ-ئوقۇتۇش پائالىيىتى ئوقۇتقۇچى بىلەن ئوقۇتقۇچى ، ئوقۇتقۇچى بىلەن ئوقۇغۇچى ئوتتۇرىسىدىكى كوللىكتىپ پائالىيەت. ئوقۇتقۇچىلار كوللىكتىپىنىڭ ئىناق ئىتتىپاقلىشىشى-ئوقۇتقۇچىلار كوللىكتىپىنىڭ ‹‹بىرىكمە كۈچى››نى جارى قىلدۇرۇشنىڭ ئاساسى، مەكتەپ ئىچىدە ئادەم تەربىيلەش مۇھىتىنى ياخشىلاشنىڭ ئاچقۇچلۇق ئامىلى. شۇڭا ھەر بىر ئوقۇتقۇچى كوللىكتىپنىڭ شان- شەرىپىنى قوغدايدىغان، ئۆزئارا ئۆگىنىپ، ئۆزئارا ھۆرمەتلەپ، ئۆزئارا ياردەم بىرىدىغان ياخشى ئەخلاقى پەزىلەتنى يىتىلدۈرۈشى كېرەك.
6. ئوقۇغۇچىلارنى ياخشى تەربىيلەپ ، ئۇلارنى لاياقەتلىك ئىختىساس ئىگىلىرىدىن قىلىپ يېتىشتۈرۈش ئۈچۈن ئائىلە ۋە جەمئىيەتنىڭ ماسلىشىشىنى قولغا كالتۈرۈش ئىنتايىن مۇھىم.شۇڭا ئوقۇتقۇچى مەكتەپ، ئائىلە، جەمئىيەتتىن ئىبارەت ئۈچ تەرەپ بىرلەشكەن تەلىم- تەربىيە داۋامىدا يېتەكلەش رولىنى تۇلۇق جارى قىلدۇرۇپ، بۇ ئۈچ تەرەپ مۇناسىۋىتىنى ياخشى بىر تەرەپ قىلالايدىغان بۇلۇشى كېرەك.
7. پاك- دىيانەتلىك ھالدا ئوقۇتۇش بىلەن شۇغۇللىنىش كېرەك. بۇ- ئوقۇتقۇچىلىق پائالىيىتى بىلەن شەخسى مەنپەئەت ئوتتۇرىسىدىكى مۇناسىۋەتنى تەڭشەيدىغان ئەخلاق ئۆلچىمى. ھەربىر ئوقۇتقۇچى ئالىيجاناپ ئەخلاقى پەزىلەتنى ساقلاپ،خىزمەت قولايلىقىدىن پايدىلىنىڭ ئۆز نەپسىگە چوغ تارتماي، جەمئىيەتتىكى ناچار كەيپىياتلارغا ئاڭلىق قارشى تۇرالايدىغان بۇلۇشى كېرەك.
8. مائارىپ خىزمەتچىلىرىنىڭ بارلىق خىزمىتى باشقىلارغا ئۈلگە بۇلۇش ئۈچۈندۇر. شۇڭا ئوقۇتقۇچى ئۆزىدە ئالىيجاناپ ئىدىيۋى پەزىلەت يىتىلدۈرۈپ،سۆز-ھەركىتى، يۈرۈش- تۇرۇشتا مەدەنىي بۇلۇپ، بۇ جەھەتتە ئۆزىگە قاتتىق تەلەپ قۇيۇپ، تەلىم –تەربىيە خىزمىتىگە قارىتا سەۋرچان، ئېغىر-بېسىق ،ئېھتىياتچان، ئەستايىدىل، مۇلايىم، خۇشخۇي، ئۈمىدۋار خاراكتىر ، مىجەز يىتىلدۈرگەن بۇلۇشى، كىشىلىك تۇرمۇش قارىشى ۋە دۇنيا قاراش جەھەتتە ئىلغار قاراش ۋە نۇقتىنەزەر شەكىللەندۈرۈپ، ئۆزىنىڭ ئالىيجاناپ ئەخلاقى پەزىلىتى ئارقىلىق ئوقۇغۇچىلارغا تەسىر كۆرسىتەلەيدىغان بۇلۇشى كېرەك.
       ئوقۇتقۇچىلار ئىنسان روھىنىڭ ئىنژىنىرى، ئوقۇتقۇچىلارنىڭ كەسپى ئەخلاق ساپاسىنىڭ يۇقىرى تۆۋەن بۇلۇشى، يۈز مىليونلىغان ياش- ئۆسمۈر ئوقۇغۇچىلارنىڭ ساغلام ئۆسۈپ يېتىلىشى بىلەن مۇناسىۋەتلىك. شۇڭا ئوقۇتقۇچىلىرىمىز يۇقارقىدەك تەلەپلەرنى قاندۇرالىغۇدەك كەسپى ئەخلاق ساپاسىغا ئىگە بولغاندىلا، ئالىيجاناپ ئەخلاقى-پەزىلەتكە ئىگە ئوقۇتقۇچى بۇلۇپ ،مەكتەپ ، جەمئىيەت ۋە ئائىلىلەرنىڭ ھەقىقى ئۈلگىسى بولالايدۇ.

زەپەر

ياخشى  ماقالىكەن  ئۇقۇتقۇچى ئادەم تەربىيلىگۈچى  شۇڭا ئالدى بىلەن ئۈزىنىڭ كەسپىي ئەخلاق ساپاسىنى ھەقىيقى ئۆستۈرۈش . ئۇقۇغۇچىلار  ئالدىدا كەسپىي ئەخلاققا يات ئىشلانى قىلىشتىن ساقلىنىش تۇلىمۇ زۈرۈل دەپ ئويلايمەن . كەسپىي ئەخلاق دىگەن بۇ ئىنتايىن چوڭ ئۇقۇم . دائىرسى كەڭ . شۇڭا ئۇقۇتقۇچى بولغان ھەر بىر ئادەم ئۈزىنىڭ كەسپىي ئەخلاقىنى ياخشى ساقلاپ ئۇقۇغۇچىلارغا ئۆلگە بۇلۇش كىرەك . پايدىلىنىش قىممىتى يۇقىرىكەن

مەتتۇردى

مەتياسىن مۇئەللىم ياخشىمۇسىز؟بۇتىمىڭىز نىڭ مەزمۇنى ھەقىيقەتەن ياخشىكەن.