دوختۇرخانىلاردىمۇ ئۇيغۇرتىلىنى قوللىنىشقا تامامەن بولىدۇ

سۈزۈك

دوختۇرخانىلاردىمۇ ئۇيغۇرتىلىنى قوللىنىشقا تامامەن بولىدۇ .

ئەسلى تېمىسى:شىنجاڭدىكى بىردىنبىر ئۇيغۇر يېزىقى قوللىنىدىغان دوختۇرخانا


ئاپامنىڭ مېڭە يىگىلەش كىسىلىگە گىرىپتار بولۇپ بىر قولى تۇتماس بولۇپ قالغان ئىدى،بىز شۇنداق تىرىشچانلىق كۆرسىتىپ ئاپارمىغان دوختۇرخانىلار قالمىدى،لېكىن كېسىلىدە يەنىلا ياخشىلىنىش بولمىدى،ئاپام ئىزچىل داۋالىنىۋاتقان ئاپتونوم رايونلۇق خەلق دوختۇرخانىسىدا ئاپام بىلەن بىر ياتاقتا داۋالىنىۋاتقان بىر بىمار ئۆزىنىڭ خوتەن ۋىلايەتلىك مىللى تېبابەت دوختۇرخانىسىدا داۋالانماقچى ئىكەنلىگىنى ،خوتەنلىك تۇغقىنىنىڭ شۇ يەرگە كىلىپ داۋالىنىش مەسلىھەتىنى بەرگەنلىگىنى ئېيتتى.
بىزنىڭ كۆز ئالدىمىز دەرھال يۇرۇپ كەتتى ،توۋا ....تۆگە ئۇستىدە يۇرۇپ تۆگە ئىزدىگەندەك ئىش بوپتۇ،دېدى ئاپام،بۇرۇندىن باشلاپ داداممۇ دەيتتى ،مۇشۇ قول پۇت تۇتماسلىق كىسىلىگە مىللى تېبابەت دورىلىرى بەك ئۈنۈم بىرىدۇ دەپ،نىمىشقا بالدۇر ئىسىمگە كەلمىگەندۇ؟؟؟؟
شۇنداق قىلىپ بىز ھېلىقى ياتاقدىشىمىزغا يول باشلاپ ھايال ئۆتمەيلا خوتەنگە قاراپ يول ئالدۇق. خوتەنگە كىلىپ ئەتىسىلا مىللى تىبابەت دوختۇرخانىسىغا  باردۇق....
خوتەندە تۇرۇپمۇ بۇ دوختۇرخانىنىڭ ئالدىدىن نەچچە ئۆتۇپمۇ  دىققەت قىلماپتىكەنمەن،كىرىشىمىزگىلا خۇددى بىر گۈزەل باغچىغا كىرىپ قالغاندەك ھىسىياتقا كىلىپ قالدىم.
دوختۇرخانا ھويلىسىدىكى ھۈپپىدە ئېچىلىپ كەتكەن ئەتتىرگۈللەر،بۇلۇڭ -پۇچقاقلارغىچە پاكىزە تازىلانغان قورۇ ئىچى،خاس مىللى ئۇسلۇپتا سېلىنغان ،ئۇيغۇر بىناكارلىقىنى نامايەن قىلىپ قەد كۆتۇرۇپ تۇرغان بىنالار ....مىنىڭ ئالاھىدە دىققىتىمنى تارتتى،ئۇنۋىرسال بىناغا كىرىشىمىز بىلەنلا ئالدىمىزغا كۈلۈمسىرەپ تۇرغان يول باشلىغۇچى قىز كەلدى ۋە بىزدىن ئەھۋال سوراپ بارىدىغان بۆلۈمىمىزگە ئەكىرىپ قويدى،بىنانىڭ ئىچىمۇ ئادەم كۆپلىكىگە باقماي شۇنچە پاكىزە ،دوختۇر سېستىرالارمۇ شۇنچە خۇشچىراي ئىدى...
ئاپامنى بىر پېشقەدەم دوختۇر ناھايىتى ئەستايىدىل كۆردى ،مەن ئۇنىڭ كېسەل تارىخى دەپتىرى ،ۋە بالىنىسقا ئېلىنىش ئۇقتۇرۇشى قەغىزىگە دوختۇرنىڭ ئۇيغۇرچە خەت يېزىۋاتقانلىقىنى كۆرۇپ سەل ھەيران بولدۇم....كېيىن بىز بىرقانچە تەكشۇرۇش ئۆيلىرىگە كىردۇق ،تەكشۈرۈش ئۇقتۇرۇشى،تەكشۈرۈش دوكىلادى،لابىرانىتلىق ئانالىز دوكىلاتى،ھەتتا تەكشۈرۈش نەتىجىسىگە  ھەممىسى  ئانا يېزىقىمىزدا يېزىلغان ئىدى،ئۇنى كۆرگەن ھەر بىر ئۇيغۇر ئۆزىنىڭ كىسەللىك ئەھۋالىنى قىينالمايلا بىلەتتى ،بۇنى كۆرۇپ شۇنچىلىك خۇشال بولۇپ كەتتىم،تورلاردىن ۋە بەزى ماتېرىياللاردىن داۋاملىق ئۇچرىتىپ تۇرىدىغىنىمىز ،داۋاملىق ئۇيغۇر يېزىقىنىڭ ۋاقتى ئۆتتى دىگەندەك تېتىقسىز گەپلەر ئىدى ،بۇ يەردە بۇ ئەھۋالنى كۆرۈپ ئۇيغۇر يېزىقىنىڭ ئۇنداق ۋاقتى ئۆتكەن يېزىق ئەمەسلىگىنى ئۇنلۇك ئاۋازدا توۋلاپ ئۇلارغا بىلدۇرۇپ قويغۇم كەلدى،چۈنكى ئۇ قوللىنىشچان تىببى ساھەدىمۇ ئۆز رولىنى تولۇق جارى قىلدۇرۋېتىپتۇ،ھېچىكىم قولايسىزلىق ھېس قىلماپتۇ،ھېچكىم ئاغرىنماپتۇ....
دوختۇرخانىدا يېتىش جەريانىدا،كىسەللىك تارىخى،دورا رىستىپى،ھەتتا داۋالاش باسقۇچلىرىغىچە ئۇيغۇر يېزىقى قوللىنىدىغانلىقىنى بىلدىم ۋە بۇنىڭدىن شۇنچىلىك ئىپتىخارلىق ھېس قىلدىم...
ئاپامنىڭ كېسىلىمۇ كۈندىن -كۈنگە ياخشىلىنىپ نەرسە- كېرەكلەرنى تۇتالايدىغان،ھەتتا ئۆزى تۇتۇپ تاماق يىيەلەيدىغان بولدى....
مانا بۈگۈن ئاپام ئېتىپ بەرگەن مەززىلىك لەڭمەننى يەپ ئولتۇرماقتىمەن،خىيالىمدا ئۇ دوختۇرخانىنىڭ ،خۇددى چىرايلىق باغچىلاردەك ھويلىسى ،ئۇيغۇر بىناكارلىقىنى نامايەن قىلغان بىنالىرى،خۈش تەبىئەتلىك دوختۇر سېستىرالار،چولپاندەك چاقناپ نۇر چېچىۋاتقان ئۇيغۇر يېزىقى .....
مەن مىللى خاسلىقىنى ساقلاپ كەلگەن خوتەن ۋىلايەتلىك ئۇيغۇر تىبابەت دوختۇرخانىسى،مۇشۇنداق بىر دوختۇرخانىنى قۇرۇپ چىقىش ئۈچۈن ئۆزىنىڭ يۈرەك قېنىنى سەرىپ قىلىۋاتقان دوختۇرخانا باشلىغى،بىمارلار ئۈچۈن يېڭى ھاياتلىق ئاتا قىلىپ ئۇلارغا خوشاللىق ئاتا قىلىش ئۈچۈن توختاۋىسىز ئىزدىنىۋاتقان ئاق خالاتلىق پەرىشتىلەرگە ئاپىرىن ئېيتماي تۇرالمىدىم....
مەنبە:قاشتىشى مۇنبىرى

سەييارە0

ھوكۇمەت ئىگدارلىقىدىكى دوختۇرغانلاردا  كىسەل تارىخى دەپتىرى ،بالىنىسقا ئېلىنىش ئۇقتۇرۇشى قەغىزى قاتارلىق بىمارلارنىڭ قۇلغا تىگدىغان بارلىق قەغەزلەردە ئۇيغۇرچە خەت يوق دىيەرلىك.ھۆكۇمەت مۇشۇ ئىشقا كۆڭۇل بولسە بۇلاتتى،دوختۇرخاندا داۋالىنۋاتقان كوپ قىسىم بىمارلار دىھقان-چارۋېچىلار ئۇلار سىستىرالارنىڭ دىگننى ئاڭلايدۇ،قالغان ئىشلار بىر قانچە ئون كۇن دوختۇرخاندا ياتقان بىمارلار ئۇقمايلا چىقىپ كىتدۇ.ھەتتا ئۇزگە قايسى خىل دۇرنى ئىشلەتكىننى،قايسى دۇرا پايدا قىلغىننىمۇ ئۇقمايدۇ.

دىلرۇس

سۇزۇكنىڭ يازمىلىرىنى ئوقۇۋىتىپ، بۈگۈن ئۆز بېشىمدىن كەچكەن مۇنداق بىر كۆلۈڭسىز ئىش دەررۇ كۆز ئالدىمدىن ئۆتتى. 5- ئاينىڭ 21- كۈنىدىن 6- ئاينىڭ 3- كۈنىگىچە ئوغۇلۇمنى ناھيەلىك خەق دوختۇرخانىسىدا داۋالاتتىم. ئوغۇلۇم نېمە كېسەل بىلەن كېسەلخانىدا يېتىپ داۋالاندى؟ بۇ سۇئالغا، بالامغا مەسئۇل بولغان ئۇيغۇر دوختۇر «بالىڭىزدىكى بۇ كېسەلنى ئۇيغۇچە نېمە دەيدىغانلىقىنى بىلمەيدىكەنمەن» دەپ جاۋاب بېرىۋىدى، تۇرۇپلا قالدىم. كېيىن لۇغەت كۆرۈپ ئۇنىڭ ئۇيغۇچە مەنىسىنى ئۇقتۇم. مانا ئارىدىن 11 كۈن ئۆتكەن بۈگۈنكى كۈندە، ئوغۇلۇمنىڭ كېسەللىك ئارخىپى لازىم بولۇپ قېلىپ، دوختۇرخانىغا بارسام، «كېسەللىك تارىخى ئېلىش ئىلتىماسى يازىسەن دېدى»، نەق مەيداندىلا ئۇيغۇچە قىلىپ ئىلتىماستىن بىرنى يازسام، «خەنزۇچە يازمىساڭ بولمايدۇ» دېۋىدى ئاچچىقىمدا، «ئۇنداق بولسا قولۇمغا ئۇيغۇچە يېزىق ئۆتمەيدۇ» دەپ ئىككىلىك خەت يېزىپ بەرگىن دېدىم. شۇنداق دەتالاش ئىچىدە يېرىم كۈنۈم كېسەللىك ئارخىپىنى كۆپەيتىش بۆلىمىدە ئۆتتى. مەن بىلەن دەتالاش قىلغۇچى ئۇيغۇر ئىدى. ئاچچىقىمغا پايلىماي دوختۇرخانا باشلىقىنىڭ يېنىغا كىردىم. ئۇمۇ ئۆز خادىمىنىڭ گېپىنى يورغۇلۇتۇپ تۇرىۋالدى... ئاخىردا «ئۇيغۇر يېزىقىدا يېزىلغان ئىلتىماس ئۆتمەيدۇ، دېگەن بەلگىلىمەڭنى چىقار» دەپ غەۋغا قىلىپ يۈرۈپ، ئوغۇلۇمنىڭ كېسەللىك ئارخىپىنى ئالدىم. بۇ يەردە دېمەكچىمەنكى، ئۇيغۇر يېزىقى دوختۇرخانا قاتارلىق ھەرقانداق ئورۇنلاردا ئۆز رولىنى جارى قىلدۇرالايدۇ. چۈنكى ئۇ ئۇيغۇر يېزىقى، بىز ئۇيغۇرلارنىڭ يېزىقى!

دىلكەش

ھەممە دوختۇرخانلاردا قوللانسا ياخشى بولاتتى  .

ئىلغار

مەنمۇ ھەرقانداق ئالاقىدە دۇختۇرخانا،پوچتىخانا،ۋە ئىدارە ئورگانلاردا ئۆز تىلىمىزنى ئىشلەتسەك دەيمەن

يانتاق

توغىرا دەيسىز قېرىندىشىم!،مەنمۇ مۇشۇ بىر يىلدىن بېرى ھەرقانداق جەدىۋەللەرگە ئىمزا قويۇشتا ئىسىمىمنى ئۇيغۇرچە يېزىۋاتىمەن.