ق ھەرپىگە مۇناسىۋەتلىك سۆزلەر

xukran

1-        يىللىق ئېلىپبە دەرس تەييارلىقى
ق  ھەرپىگە مۇناسىۋەتلىك سۆزلەر

        ئوقۇتۇش نىشانى:   
1-        سۆزلەرنى ئوقۇش ۋە يېزىشنى بىلىش،سۆزلەر تەركىبىدىكى بوغۇملار ۋە  سۇزۇق تاۋۇش،ئۈزۈك تاۋۇشلارنى ئايرىيالايدىغان بولۇش.
2-        سۆزلەرنى ھەجىلەپ ئوقۇش ئادىتىنى يىتىلدۈرۈپ، ھەجىلەش ئاساسىدا ھەرىپلەرنى بىر-بىرىگە توغرا ئۇلاپ،سۆز ھاسىل قىلالايدىغان،سۆزلەرنى تۇرمۇشتا توغرا قوللۇنالايدىغان قىلىش.
3-        ئوقۇغۇچىلارنى رىغبەتلەندۈرۈپ، ئۆگۈنۈش قىزغىنلىقىنى قوزغاش،ياخشى ئۆگۈنۈش ئادىتىنى يىتىلدۇرۇش.
        مۇھىم نوقتا:سۆزلەرنى توغرا ئوقۇيالايدىغان ۋە قۇرغا چۈشۈرۈپ چىرايلىق،رەتلىك يازالايدىغان بولۇش.
        قىيىن نوقتا:سۆزلەرنى ئاڭلاپ يادقا  يازالايدىغان بولۇش.
        ئوقۇتۇش ئۇسۇلى:چۈشەندۈرۈش،ئۈلگە كۆرسۈتۈش،يىتەكلەش.
        ئۆگۈنۈش شەكلى:ئۆز-ئارا ئۆگۈنۈش،مۇستەققىل ئۆگۈنۈش.
        ئوقۇتۇش ۋاستىسى: كارتا،رەسىم
        دەرس سائىتى: 2-سائەت
        ئوقۇتۇش جەريانى:
        يېڭى دەرسكە باشلاپ كىرىش:
قېنى قايسىڭلار «ق» ھەرپىگە مۇناسىۋەتلىك سۆزلەرنى ئېيتىپ بېرەلەيسىلەر؟
        يېڭى بىلىمنى يەتكۈزۈش:
1› «ق» ھەرپىنىڭ تۆت خىل شەكلى دوسكىغا چىرايلىق قىلىپ يېزىلىدۇ. ئوقۇتقۇچى ئۈلگە كۆرسۈتۈپ ئوكۇتىدۇ، ئوقۇغۇچىلار ئايرىم-ئايرىم،كىچىك مۇئەللىم بولۇپ ئوقۇپ چىقىدۇ.بارلىق ئوقۇغۇچىلار دەپتىرىگە بىر قېتىم «ق» ھەرپىنىڭ تۆت خىل شەكلىنى تەكرارلاش ئاساسىدا  يېزىپ چىقىدۇ. ئاندىن «ق» ھەرپىگە سۇزۇق تاۋۇش ھەرىپلىرىنى قوشۇپ بۇغۇم تۈزۈشكە،بۇغۇملاردىن پايدىلىنىپ سۆز تۈزۈشكە ئىلھاملاندۇرىلىدۇ.
2› بىر تەرەپتىن ئوقۇغۇچىلار ئوتتۇرغا قويغان «ق» ھەرپىگە مۇناسىۋەتلىك سۆزلەر دوسكىغا يېزىلىدۇ.يەنە بىر تەرەپتىن ئوقۇغۇچىلار ئىختىيارى ئوقۇپ بېقىشقا يىتەكلىنىدۇ.ئوقۇتقۇچى ئۈلگە كۆرسۈتۈپ ئوقۇيدۇ،ئوقۇغۇچىلار ئەگىشىپ ئوقۇتۇلىدۇ،كوللىكتىپ ئوقۇتىلىدۇ،ئايرىم ئوقۇتىلىدۇ.
3›مۇناسىۋەتلىك رەسىملەر دوسكىغا چاپلىنىپ رەسىمنى تونۇپ بېقىشقا،نامىنى ئېيتىپ بېقىشقا،ئۆگەنگەن «ق» ھەرپىنىڭ ھەر خىل شەكىللىرىنى تېپىپ چىقىشقا يىتەكلىنىدۇ.                     
قامچا            قاسقان           قىرىق          قۇلاق
4› ئوقۇغۇچىلار سۆزلەرنى بىر تەرەپتىن ئوقۇپ بىر تەرەپتىن يېزىش مەشقى ئېلىپ بارىدۇ.ئوقۇغۇچىلار خەتنى چىرايلىق توغرا يېزىشقا ئىلھاملاندۇرىلىدۇ.
5› سۆزلەرنى تاللاپ بوغۇمغا ئايرىش،سۆزلەر تەركىبىدىكى سوزۇق تاۋۇش ۋە ئۈزۈك تاۋۇشلار ئايرىش مەشقى ئېلىپ بېرىلىدۇ.
◆مۇستەھكەملەش مەشقى ۋە خۇلاسە
1›بوغۇملارنى ئۆز-ئارا تۇراشتۇرۇپ سۆز ھاسىل قىلىشقا ئىلھاملاندۇرىلىدۇ.
قاي                              تۇراچ
قې                               تىق
قەلەم                            ماق
2› سۆزلەردە قانچە ھەرپ بارلىقىنى ئېيتىپ بېرىڭ.
قارا  (     ) ھەرپ بار.              توساق (     ) ھەرپ بار.
ئاچچىق(     ) ھەرپ بار.                قاش(     ) ھەرپ بار.
◆ دوسكا لاھىيەسى
ق  ھەرپىگە مۇناسىۋەتلىك سۆزلەر
ق         ق         ق        ق
قا        قە       قو       قۇ         قى
قان      قەن     قاغا      قالقان     قوناق     قەلەم  قېرىنقۇلاق   قېرىنداش     قەلەمتۇراچ
 تاپشۇرۇق
   ئۆزەڭلار ياخشى كۆرگەن بەش سۆزنى تاللاپ ھەر بىرىگە بىردىن سۆز بىرىكمىسى تۈزۈپ كېلىڭلار.
 دەرستىن كېيىنكى تەسىرات:

ئۇيغۇرۇم

ياخشى تەييارلانغان دەرىس تەييارلىقى ئىكەن. كۆپ رەھمەت سىزگە !!!!!!!!!!!!!!!!!!!