ھېكمەتلىك سۆزلەر

★parixta★

ھېكمەتلىك سۆزلەر

1.ئىستىقبال پارلاق تۇرسا، ئازراق توسالغۇلارنى دەپلا نېمە ئۈچۈن توختاپ قالىدىكەممىز؟ (لۇشۈن)
2.ھارماي-تالماي كۆرسىتىلگەن تىرىشچانلىقلار ھامان نەتىجىسىز قالمايدۇ. (ئىنگىرېس)
3.تالانتنىڭ بىر پىرسەنتى چېچەنلىك، %99 ى تەردۇر. (ئېدىسون)
4.مەندە مەسىلىنى تېگى-تەكتىگىچە سۈرۈشتۈرۈشتىن باشقا ئىقتىدار يوق.(ئېينىشتېيىن)
5.قۇرۇق گەپنى ئاز قىلىش + توغرا ئۇسۇل + جاپالىق ئەمگەك = مۇۋەپپەقىيەت. (ئېينىشتېيىن)
6.ۋاقىتنى ئىسراپ قىلىش ئۆزىنى ئاستا-ئاستا ئۆلتۈرۈۋالغان بىلەن باراۋەر.(لۇشۈن)
7.ۋاقىتنى قولدىن بېرىپ قويغانغا يېتىدىغان بەختسىزلىك يوق. (تۇرگىنېف)
8.قاچانلا ئۆگەنسىڭىز، مەڭگۈ كېچىككەن بولمايسىز. (گوركى)
9.ئۆگىنشتە ئۆگىتىدىغان ئادەمنىڭ بولۇش-بولماسلىقى مۇھىم ئەمەس، ئاڭلىقلىق ۋە
ئىرادىنىڭ بولۇش-بولماسلىقى ھەممىدىن مۇھىم. (فابۇر)
10.قانائەتلەنمەسلىك يۇقىرىغا ئۆرلەشنىڭ چاقىدۇر. (لۇشۈن)
11.شياۋلىڭ دىڭ داڭاڭ ھېكمەتلىرى:●ئارزۇ-ئارمانلىرىڭىزنى «تىرىشچانلىق» قازىنىغا سېلىڭ، ئاندىن ئۇنى «ئىرادە» ئوتىدا ئاستا-ئاستا تاۋلاڭ. ●بېسم خوشامەتچى شەيتانغىلا ئوخشايدۇ. سىز ئۇنىڭدىن قانچە قورققانسېرى، ئۇ سىزنى شۇنچە بوزەك قىلىدۇ. قانچە بوزەك كەلمىگەنسېرى سىزگە شۇنچە ياخشىچاق بولۇپ، پۈتمەس-تۈگىمەس كۈچ-قۇۋۋەت ئاتا قىلىدۇ. ●كۈن بويى تىرىشىپ - تىرمىشىپ راھەت-پاراغەتتىن نېرى ياشاۋاتقان كىشىلەرلا ئاخىرقى ھېسابتا ھەقىقىي خاتىرجەملىك ۋە خوشاللىققا ئېرىشىدۇ. ●مەغلۇبىيەت كۆرۈنمەس تورغا ئوخشايدۇ. قايتا سىناپ بېقىشنى بىلمەيدىغان كىشىلەر بۇ تورغا ئىلىنىپ قالسا، ھەرگىز چىقالمايدۇ.●كىشىلەر دائىم چارچاش، قىيىنچىلىق، مەغلۇبىيەت، ئىككىلىنىش قاتارلىق سەۋەبلەر تۈپەيلىدىن ئۆزىمۇ سەزمىگەن ھالدا ئارمانلىرىدىن مەھرۇم قالىدۇ.
▲ بىلىم ھەققىدە:
12.بىلىمنى بۈيۈك، ئەقىل-ئىدراكنى ئۇلۇغ دەپ بىل، بۇ ئىككى نەرسە ئىنساننىڭ مەرتىۋىسىنى يۇقىرى كۆتۈرىدۇ.(يۈسۈپخاس ھاجىپ)
13.ئىلىم ئېلىشنى كەسىپ قىل، بولمىسا دۇنيانىڭ قىيىن ئىشلىرىنى ھەل قىلغىلى بولمايدۇ. (ئەلىشىر نەۋائى)
14.ئەقىل-ئىدراك قەيەردە بوسا، ئۇلۇغلۇق شۇ يەردە بولۇر، كىمدە بىلىم بولسا، شۇ بۈيۈكلۈككە ئېرىشىدۇ. (يۈسۈپخاس ھاجىپ)
15.بىلىملىك كىشى قىممەتلىك دىناردۇر. (ئەھمەد يۈكنەكى)
16.بىلىملىك ئادەمدىن قالغان مىراس بىلىمسىز ئادەمدىن قالغان مال-دۇنيادىن كۆپ قىممەتلىك. (دېمۇكرت)
17.بىلىمدىن ئېشىپ چۈشىدىغان ھېچقانداق كۈچ يوق، بىلىم بىلەن قۇراللانغان كىشى يېڭىلمەستۇر. (گوركىي)
18.بىلىملا كۈچ-قۇدرەت بولالايدۇ، بىلىملا ئادەمنى باشقىلارغا چىن قەلبىدىن كۆيىنىدىغان، باشقىلارنىڭ ئەمگىكىگە ھۆرمەت قىلىدىغان، ئۇلۇغ ئەمگەكنىڭ شىرىن مېۋىسىدىن ھەقىقىي لەززەت ئالىدىغان قىلالايدۇ، بىلىملا بىزنى قەتئىي ئىرادىلىك، سەمىمىي، ئىدراكلىك كىشىلەرگە ئايلاندۇرالايدۇ. (گوكىي)
19.بىلىم _ يورۇقلۇق، بىلىمسىزلىك _ قاراڭغۇلۇقتۇر. (تورگىنىف)
20.ئادەمنىڭ تىرىشىش نىشانى قانچە يۇقىرى بولغانسېرى ئۇنىڭ قابىليىتىمۇ شۇنچە يۇقىرى بولىدۇ، ئۇ جەمئىيەتكە شۇنچە كۆپ مەنپەئەت يەتكۈزىدۇ. (گوركىي)
21.ھازىرقى ياشلار ئۈچۈن ھەممىدىن مۇھىمى «گەپ» ئەمەس، ھەرىكەت. (لۇشۈن)
22.تۇرمۇش يېڭى بىلىملەرگە ئىنتىلىش دېمەكتۇر. (مىندىلىف)
23.ئۈمىد ــــ چىداملىقنىڭ ھاسسىسى، سەۋر-تاقەت ــــ ساياھەت سومكىسى، بۇلارنى بىللە ئېلىپ ماڭغانلار دۇنيانى ئايلىنىپ چىقالايدۇ. (روسسو)

★parixta★

كۆپچىلىكنىڭ پايدىلىنىشى ئۈچۈن ھېكمەتلىك سۆزلەردىن پارچىلارنى سۇندۇم.  كۆرۈپ پايدىلىنارسىلەر.

pari

ياخشىمۇ سىز پەرىشتە خانىم ؟ سىزنىڭ تۇنجى تېمىڭىزنىڭ مۇۋاپىقيەتلىك بولغىنىنى تەبرىكلەيمەن.داۋاملىق تىرىڭ .

ياخشى تېما يوللاپسىز ، ناھايىتى ئەھمىيەتلىك ھېكمەتلەركەن داۋاملىق يوللاپ تۇرغايسىز ، رەھمەت سىزگە .

گۈلزار

ياخشىمۇسىز پەرىشتە خانىم ؟
ئالدى بىلەن سىزنىڭ بايقاش مۇنبىرىگە كەلگەنلىكىڭىزنى قىزغىن قارشى ئالىمەن . ھەم   ئېلىپ كەلگەن بۇ قىممەتلىك سوۋغىڭىزغا رەھمەت ئېيتىمەن رەھمەت .
بۇندىن كېيىنمۇ مۇنبەرگە پات - پات كېلىپ ئېسىل تېمىلارنى مۇنبەرداشلارنىڭ ھوزۇرىغا سۇنىشىڭىزنى ئۈمىد  قىلىمەن .

ياشنار

ئېلىپ كەلگەن قىممەتلىك سوۋغىڭىزغا كۆپ رەھمەت، داۋاملىق يېڭى تېمىلارنى يوللاپ تۇرىشىڭىزنى ئۈمۈد قىلىمەن.

سەييارە0

ناھايىتىمۇ ئەھمىيەتلىك ھىكمەتلىك سۆزلەرنى سوۋغا قىپسىز رەخمەت سىزگە.

كۈنقۇت

ناھايىتى ئەھمىيەتلىك  ھېكمەتلەرنى يوللاپسىز، بۇنىڭدىن كېيىنمۇ يوللاپ تۇرىشىڭىزنى ئۈمۈت قىلىمەن، ھارمىغايسىز......

دىلرۇس

ھېكمەت دۇردانىلىرى، بىز ئۈچۈن دائىمىلىق روھ ئۇزۇقىمىز.
مۇشۇنداق ئىسىل سوۋغىلىرىڭىزغا تەشنامىز.