ئەدەبىيات ئوقۇتۇش سېپىدىكى تۆھپىكار باغۋەن- مەتنىياز قاسىم

بايقاش

ئاپتۇنۇم رايۇن دەرىجىلىك تىل-ئەدەبىيات ئوقۇتۇش ماھىرى مەتنىياز قاسىمنىڭ ئىش-ئىزلىرى

        « مەن مەسئۇل بولغان ۋە دەرس بىرىۋاتقان سىنىپنىڭ تىل-ئەدەبىيات نەتىنجىسىنى ۋىلايەت بويىچە ئالدىنقى قاتاردا تۇرغۇزىمەن، بۇ جەرياندا تاغدەك قىيىنچىلىققا دۇچ كەلسەممۇ قايتمايمەن.» مانا بۇ ئاپتۇنۇم رايۇن دەرىجىلىك  ئوتتۇرا مەكتەپ تىل-ئەدەبىيات ئوقۇتۇش ماھىرى بۇلۇپ  باھالانغان، دەرس بەرگەن سىنىپنىڭ ئالى مەكتەپ ئىمتىھانىدىكى نەتىنجىسى ۋىلايەت  بۇيىچە ئۇدا سەككىز يىل بىرىنچى بۇلۇپ كېلىۋاتقان ياش، تەلەپچان ئوقۇتقۇچى مەتنىياز قاسىمنىڭ ئىنتىلگەن نىشانىى.  
      مەتنىياز قاسىم 1972-يىلى2-ئاينىڭ 11-كۈنى كېرىيە ناھىيەسىدە تىجارەتچى ئا ئىلىدە تۇغۇلغان. 1991-يىلى قەشقەر پىداگوگىكا ئىنىستىتوتى تىل-ئەدەبىيات فاكولتىتىنىڭ تولۇق كۇرۇس بويىچە تىل- ئەدەبىيات كەسپىگە قوبۇل قىلىنىغان. 1996-يىلى ئالى مەكتەپنى تاماملاپ،شۇ يىلى ئانا يۇرتى كېرىيە ناھىيە توغرىغاز يېزىلىق ئوتتۇرا مەكتەپكە تەقسىم قىلىنغان.ئۇ ئوقۇتۇش خىزمىتىگە كىرىشىپ  ئۇزاق ئۆتمەيلا،تىرىشچانلىقى ۋە كەسىپچانلىقى بىلەن مەكتەپ رەھبەرلىكى ۋە ئالاقىدار ئورۇنلارنىڭ دىققىتىنى تارتقان. 1999-يىلى تەكلىپ بىلەن كېرىيە ناھىلىك تولۇق ئوتتۇرا مەكتەپكە يۆتكەلگەن.ئۇ ئۆزىنىڭ يۈرەك قېنىنى ياش ئەۋلادلارنى تەربىيەلەشكە سەرپ قىلىپ،مائارىپ سېستىمىسىدىكى ھارماس تۇلپاردەك ھەر ۋاقىت ھەممىنىڭ ئالدىدا چېپىپ،خىزمەتداشلىرى ۋە كەسىپداشلىرىغا ئۈلگە بۇلۇپ،ھەممىنىڭ ئىتىراپ قىلىشىغا ئىرىشكەن.«ئەجىرنىڭ تىگى ئالتۇن» دىگەندەك ئۇنىڭ بۇ تىرىشچانلىقلىرى بىكارغا كەتمىگەن.2005-يىلى كېرىيە تۇلۇق ئوتتۇرا مەكتىپى ۋىلايەت بۇيىچە ئارقىدا قېلىشتەك قالپاقنى چۆرۈپ تاشلاپ،ۋىلايەت بۇيىچە بىرىنچى بولغان.ئۇ دەرس بەرگەن ئۇقۇغۇچىلارنىڭ شۇ يىللىق تىل-ئەدەبىيات نەتىنجىسىمۇ ۋىلايەت بۇيىچە بىرىنچى بولغان. شۇنىڭدىن بۇيان،ئۇ دەرىس بەرگەن سىنىپلارنىڭ ئالى مەكتەپ ئىمتىھانىدىكى تىل-ئەدەبىيات نەتىنجىسى ئۇدا بىرىنچىلىكنى ساقلاپ كەلمەكتە.
       ئۇ 2007-يىلى 4-ئايدا ئاپتۇنۇم رايۇنلۇق 2- قېتىملىق ئوتتۇرا-باشلانغۇچ مەكتەپ «ئوقۇتۇش ماھىرلىرى»نى تاللاش مۇسابىقىسىگە قاتنىشىپ،ئاپتۇنۇم رايۇن بۇيىچە«ئوتتۇرا مەكتەپ تىل-ئەدەبىيات ئوقۇتۇش ماھىرى»دىگەن شەرەپلىك نامغا ئىرىشكەن. ئۇ يەتتە قېتىم« ئىلغار سىنىپ مۇدۇرى»، سەككىز قېتىم«مۇنەۋۋەر ئوقۇتقۇچى»،بەش قېتىم« ئوقۇتۇش سۈپىتىنى ئۆستۈرۈشتىكى ئىلغار شەخىس»،ناھىيە بويىچە «ئىلغار مائارىپچى»،«يۇلتۇز دەرىجىلىك سىنىپ مۇدۇرى»،«مائارىپ ساھەسىدىكى ئون مۇنەۋۋەر ئوقۇتقۇچى»دىگەن شەرەپلىك ناملارغا ئىرىشكەن.2011-ۋە2012-يىلى ئۇدا ئىككى يىل ئۇ مەسئۇل بولغان سىنپتىكى ئوقۇغۇچىلار پۈتۈن سىنىپ كوللىكتىپى بويىچە نوقتىلىق ئالى مەكتەپلەرگە ئۆتۈپ،بۇ تۆھپىكار باغۋەننىڭ نامى ئاتا-ئانىلارنىڭ قەلبىگە ئورناپ كەتكەن.بۇ كەسىپچان ئوقۇتقۇچى ئۆزىنىڭ كەسپىدە بەلگىلىك نەتىنجە يارىتىپلا قالماستىن،يەنە ئىلمى تەتقىقات ۋە يېزىقچىلىق بىلەن شۇغۇللۇنۇپ،«ئىلمى سىنىپ باشقۇرۇشتىكى 21 تۈرلۈك تەدبىر»قاتارلىك ماقالىلىرىنى ۋىلايەت ۋە ئاپتۇنۇم رايۇن دەرىجىلىك ژورناللاردا ئىلان قىلىپ،كەڭ مائارىپچىلارنىڭ مۇئەييەنلەشتۈرىشىگە ئىرىشكەن.

بايقاش مائارىپ تورى ئىشخانىسى
2013-يىلى 3-ئاينىڭ 15-كۈنى

گۈلزار

ب ۇ تۆھپىكار باغۋەننىڭ ئىش ئىزلىرى ئادەمنى ھەقىقەتەن قايىل قىلىدىكەن ، مائارىپ سېپىمىزدە مانا بۇ باغۋەندەك ھارماس تۇلپارلار بولغاچقا ئەجداتلىرىمىز ۋە ئەۋلاتلىرىمىز كەلگۈسىمىزگە ئىشەنچ ۋە  ئۈمۈد بىلەن  قارىماقتا . رەھمەت .
بۇ ھارماس تۇلپارنىڭ  تېنىغا سالامەتلىك ، تۇرمۇشىغا بەخت ،، كۈنلىرىگە شادلىق ، ئىشلىرىغا ئۇتۇق تىلەيمەن .

◤pari◥

مۇشۇنداق ھارماس باغۋەنلىرىمىز ئۇزۇن ئۆمۈر كۆرگەي

بەختىيار(بايقاش

مىللىي مائارىپىمىز سېپىدىن ‹‹ مەتنىياز قاسىم›› ئاكىغا ئوخشاش ھارماس تۆھپىكارلار  كۆپلەپ مەيدانغا كەلگۈسى!!!
بۇ ئاكىمىزنىڭ بۇنىڭىدىن خىزمەتلىرىگە ئۇتۇق ۋە ئائىلسىگە بەخت،ئەزىز تېنىگە سالامەتلىك تىلەيمەن!

زەپەر

ھەممەيلەت ئۆز ئۆرنىمىزدىكى مائارىپ سېپىدىكى تۆھپىكار باغۋەنلەرنىڭ ئىش ئىزلىرىنى تۇنۇشتۇرۇشقا تىرشايلى . مەنمۇ ئۆز ناھىمىزدىكى تۆھپىكارلارنى نۇرۇز بايرىمى ھارپىسىدا يوللاشقا ماتىريال توپلاۋاتىمەن . مۇشۇ تەلەپ بۇيىچە يولللىساق  بولغۇدەي

ئەزىزى

تۆھپىكار باغۋەنلەرنى كۆپرەك تەشۋىق قىلايلى. ئۇلارنىڭ ئەجىرىنى قانچە مەدھىيلىسەكمۇ ئەرزىيدۇ.

ئۇيغۇرۇم

ياخشى تىمىكەن!        ئوقۇتقۇچى- دىلنى يۇرۇتقۇچى شۇنداقلا ئىنسان روھىنىڭ ئىنجىنىرى.
         ‹‹مەتنىياز قاسىم›› مۇئەللىمگەئوخشاش  پەزىلەت سولتانلىرى ئوقۇتقۇچىنىڭ ھەقىقى ماھىيتىنى نامايەن قىلىپ كەلمەكتە، بىراق ئاز بىرقىسىم ھۆكۈمەتنىڭ مائاشىنى دەپلا ئۆزىنىڭ كىم ئىكەنلىكىنى ئۇنتۇپ قالىدىغان، ئاددى بىر باغۋەنچىلىك بۇلالمايدىغان تەييارتاپ ئوقۇتقۇچىللىرىمىزنىمۇ  ھازىرقى مائارىپ سېپىمىزدە مەۋجۇت ئەمەس دىيەلمەيمىز.
        شۇڭا بىز مۇشۇنداق تەربىيىۋى ئېسىل تىمىلارنى كۆپلەپ بايقاش مۇنبىرىگە توپلىساق ۋە ئۇنى مەنىۋىيەت ئاسمىنىدا چولپان قىلىپ كەڭ مائارىپ سېستىمىسىدىكى كونا يىڭى باغۋەنلىرىمىزگە تەشۋىق قىلساق، بۇ ئارقىلىق مىللىي مائارىپىمىز ۋە بىز ئوقۇتقۇچىلار نىڭ شۇنداقلا كەلگۇسىدىكى ئۈمىد چولپانلىرىمىزنىڭ كەلگۈسى تېخىمۇ پارلاق بولغۇسى.

               -تىمىڭىزغا كۆپ رەھمەت مائارىپ قۇشۇنىمىزنىڭ كەلگۈسى ئۈچۈن ھارمغايسىز ....................

توغراق

          مۇشۇنداق قورقماس پەرۋىشكارلىرىمىزنىڭ كۆپلەپ چىقىشىنى ،توختاپ قالماي داۋاملىق ئالغا ئىلىگىرلىشىنى ئۆمىد قىلىمەن . -تىمىڭىزغا  رەھمەت مائارىپ قۇشۇنىمىزنىڭ كەلگۈسى ئۈچۈن ھارمغايسىز ،داۋاملىق ئىزدەنگەيىسىز

ئارچا

مۇشۇنداق باغۋەنلىرىمىز كۆپەيسە مىللى مائارىپىمىزنىڭ كەلگۈسىدىن ئەنسىرىمەيتتۇق.