تېنىڭىزدىكى كېسەللىك بېشارەتلىرىنى بىلىۋېلىڭ

مەرىپەت

                               تېنىڭىزدىكى كېسەللىك بېشارەتلىرىنى بىلىۋېلىڭ

  دەۋرلىك چارچاش مەلۇم بىرخىل كېسەللىك پەيدا بولۇشنىڭ بېشارىتىدۇر. ئەگەر سىز چارچاش بىلەن بىر ۋاقىتتا تۆۋەندىكى ئالامەتلەرنىڭ بارلىقىنى ھېس قىلسىڭىز ئەڭ ياخشىسى ، دوختۇرغا كۆرۈنۈڭ.

  1.تۆۋەن قىزىتما، باش قېيىش، بەزلەرنىڭ ئىششىپ قېلىشى قاتارلىقلار ۋىرۇسلۇق يۇقۇملىنىشنىڭ بېشارىتى، يەنى تارقىلىشچان زۇكام، جىگەر ياللۇغى ، تاق يادرولۇق ھۈجەيرىلەر كۆپىيىش كېسىلى  بولۇشى مۇمكىن.

  2. قاتتىق ئۇساش دىئابېت كېسىلىنىڭ بېشارىتى بولۇشى مۇمكىن.

  3. باش ئاغرىش، باش قېيىش، تاتلىق يېمەكلىكلەرنى يىگۈسى كېلىش ، يۈرەك سېلىش تېزلىشىش، روھىي تۇراقسىزلىق قاتارلىقلار قان شېكىرى تۆۋەنلىك كېسىلىنىڭ بېشارىتى بولۇشى مۇمكىن.

  4. بەدەن ئېغىرلىقى ئېشىپ كېتىش، يۈز، قول، پۇت ئىششىش ، تېرە قۇرغاقلىشىش، سوغۇققا چىدامسىز بولۇپ قېلىش، مۇسكۇللار سىرقىراپ ئاغرىش قاتارلىقلار قالقانبەز خىزمىتى سۇسلىشىش كېسىلىنىڭ بېشارىتى بولۇشى مۇمكىن.

  5. بەدەن ئېغىرلىقى تۆۋەنلەپ كېتىش، ئوڭاي ھاياجانلىنىش ، يۈرەك سېلىش تېزلىشىش، ئۇيقۇسىزلىق، ھەددىدىن كۆپ تەرلەش ، پۇتۇن بەدەن مۇسكۇللىرى ھالسىزلىنىش قاتارلىقلار قالقانبەز خىزمىتى كۈچىيىپ كېتىش كېسىلىنىڭ بېشارىتى بولۇشى مۇمكىن.

  6. قاتتىق خورەك تارتىش، چۈش كۆرگەندە نەپەس قىسىلىش، ئويغانغاندىن كېيىن مەيدە سىقىلىش قاتارلىقلار، نەپەس يولى توسۇلۇپ قېلىشتىن پەيدا بولىدىغان تۇنجۇقۇپ قېلىشنىڭ بېشارىتى بولۇشى مۇمكىن.

  7. يۈرەك سېلىش، كۆكرەك ئاغرىش، نەپەس قىسىلىش، چۈشنىپ بولمايدىغان ساراسىمگە چۈشۈش قاتارلىقلار يۈرەكتە كېسەل بارلىقىنىڭ بېشارىتى بولۇشى مۇمكىن.

  8. سەۋەبسىز يىغلاپ كېتىش، ئۆزىگە بولغان ئىشەنچىنى يوقىتىش قاتارلىقلار بەدەندىكى خىمىيىلىك ماددىلارنىڭ تەڭپۇڭسىزلىقى سەۋەبىدىن پەيدا بولىدىغان دەردمەنلىكنىڭ بېشارىتى بولۇشى مۇمكىن.

گۈلزار

ھەممىمىز دىققەت قىلىشقا تىگىشلىك كىسەللىك بىشارەتلىرى ئىكەن .رەھمەت سىزگە دوستۇم .

سەييارە0

بىلىۋېلىشقا تىگىشلىك ياخشى بىلىملەر بىلەن تەمىنلەپسىز،رەخمەت سىزگە.

ئالماس

ساغلاملىق ئۈچۈن تۇلىمۇ ياخشى سوۋغا ئېلىپ كەپسىز .رەخمەت سىزگە.

زەپەر

مەرىپەت ياخشىمۇ سىز ساغلاملىققا ئائىت بولغان نادىر تىمىلارنى يوللاپ مۇنبەر ئەزالىرنىڭ ساغلاملىقىغا تۇلۇق كاپالەتلىك قىلىشىڭىزنى ، ھەم ئۇلارغا بۇندىن كىيىنمۇ ساغلام بولغان روھى ئۇزۇق ئاتا قىلىش ئۈچۈن داۋاملىق كۈچ چىقىرشىڭىزنى ئۈمۈد قىلىمەن

مەرىپەت

زەپەر يوللىغان ۋاقتى  2013-5-11 10:45
مەرىپەت ياخشىمۇ سىز ساغلاملىققا ئائىت بولغان نادىر تى ...

مەن دوختۇر بولغاندىكىن شۇنداق  قىلمىساممۇ بولماس...
يېقىندىن بۇيان ئىشلار بەك كۆپىيىپ كېتىۋاتىدۇ، ئامال بار مۇنبەرگە كىرىپ تۇرىۋاتىمەن، بۇندىن كېيىنمۇ  ۋاقىت بولسىلا پايدىلىق بولغان تېمىلارنى يوللاشقا تىرشىمەن.