چىلاننىڭ شىپالىق رولى

مەرىپەت

                                                                   چىلاننىڭ شىپالىق رولى

       چىلان تەركىبىدە ۋىتامىن ئىنتايىن مول. چەت ئەلنىڭ بىر تۈرلۈك كىلىنكا تەتقىقاتىدا كۆرسىتىلىشىچە، چوڭ چىلاننى ئۈزۈلدۈرمەي  ئىستېمال قىلىپ بەرگەن بىمارلار سالامەتلىكىنىڭ ئەسلىگە كېلىشى ۋىتامىن تولۇقلاش دورىلىرىنى ئىستېمال قىلغان بىمارلارغا قارىغاندا ئۈچ ھەسسىدىن كۆپرەك تېز بولغان. بۇنىڭ بىلەن چىلان ‹‹ تەبىئىي ۋىتامىن كومىلىچى›› دېگەن شەرەپكە نائىل بولغان.
      جۇڭگۇنىڭ دورىلىق ئۈسۈملۈكلەر تۇغرىسىدىكى كىتابلىرىدىمۇ ‹‹ چىلان - تەمى تاتلىق، تەبىئىتى  مۆتىدىل، تالنى قۇۋۋەتلەپ، ئاشقازاننى ياخشىلايدۇ. نەپەسنى راۋانلاشتۇرۇپ ، قان تولۇقلايدۇ. نېرۋىنى تىنچلاندۇرىدۇ. دورىلارنىڭ ئەكىس تەسىرىنى پەسەيتىش رولى بار›› دەپ شەرھىلىنىدۇ. ھازىرقى زامان تېببىي ئىلمى تەكشۈرۈش ئارقىلىق ، چىلان تەركىبىدە ئاقسىل، ياغ، قەنت، ئورگانىك كىسلاتا، ۋىتامىن A ، ۋىتامىن C ، ئاز مىقتاردا كالتسىي ۋە كۆپ خىل ئامىنو كىسلاتا قاتارلىق مول ئوزۇقلۇق تەركىبلىرىنىڭ بارلىقىنى دەلىللىدى.
     چىلاننى ئۈزۈلدۈرمەي ئىستېمال قىلىپ  بەرگەندە، بەدەننىڭ ئىممۇنىتېت  كۈچىنى ئاشۇرۇپ، سۆڭەك ماددىسى شالاڭشىپ كېتىشنىڭ ئالدىنى ئالغىلى بولىدۇ. تۇغۇتلۇق ئاياللار داۋاملىق چىلان يەپ بەرسە، قان تولۇقلاش مەقسىتىگە يېتەلەيدۇ. يۇقىرى قان بېسىمى بىمارلىرى چىلان ئىستېمال قىلىپ بەرگەندە، قان بېسىمىنى چۈشۈرۈشكە ئوبدان مەنپەئەت قىلىدۇ.

     مەنبە: ھاياتلىق ژورنىلى

بەختىيار(بايقاش

ساغلاملىق توغرسىدىكى ھەر بىر تېمىڭىزنى ياقتۇرۇپ ئوقۇيمەن،رەھمەت سىزگە!

دىلرۇس

ساغلاملىقىمىز ئۈچۈن ئېلىپ كەلگەن مەلھىمىڭىزگە رەھمەت، بۇ ئۆزىمىزدىلا بار ياخشى دورىكەن ئەمەسمۇ؟ «گۆھەر ياتىدۇ سايدا، تونىمىساڭ نېمە پايدا» دەپ بىكار ئېيتمىغاندە بوۋىلىرىمىز.