2013-يىللىق ئوقۇتقۇچىلىق سالاھىيىتىنى بېكىتىش خىزمىتى 4-ئايدا باشلى...

بايقاش

شىنجاڭ ئۇيغۇر ئاپتۇنۇم رايۇنىنىڭ 2013-يىللىق ئوقۇتقۇچىلىق سالاھىيىتىنى بېكىتىش خىزمىتى 4-ئايدا باشلىنىدۇ

جۇڭگو ئۇيغۇرچە رادىيو تورى 3-ئاپرېل بېيجىڭ خەۋىرى:

مۇخبىرنىڭ شىنجاڭ ئۇيغۇر ئاپتونوم رايونلۇق مائارىپ نازارىتىدىن ئىگىلىشىچە، شىنجاڭنىڭ 2013-يىللىق ئوقۇتقۇچىلىق سالاھىيىتىنى بېكىتىش خىزمىتى 4-ئايدا باشلىنىدىكەن.

شىنجاڭدا ھەر يىللىق بېكىتىش خىزمىتىنىڭ تورىنى ئېچىش ۋاقتى بىردەك باھار پەسلىدە 4-ئاينىڭ 1-كۈنىدىن 7-ئاينىڭ 10-كۈنىگىچە، كۈزدە 9-ئاينىڭ 10-كۈنىدىن 11-ئاينىڭ 31-كۈنىگىچە بولىدىكەن.بېكىتىش دائىرىسى دۆلەتنىڭ قانۇندا بەلگىلەنگەن پېنسىيە يېشىغا توشمىغان، « ئوقۇتقۇچىلار قانۇنى» دا بەلگىلەنگەن ئوقۇش تارىخى شارائىتى مۇۋاپىق كېلىدىغان خادىملار بولۇپ، ئۇنىڭ ئىچىدە ھەر دەرىجىلىك، ھەر تۈرلۈك مەكتەپلەرنىڭ ئوقۇتۇش ئورۇنلىرىدا خىزمەت قىلىۋاتقان ئىشتاتلىق مەخسۇس ئوقۇتقۇچىلار، 2013-يىللىق ئادەتتىكى ئالىي مەكتەپلەر پېداگوگىكا مائارىپى تۈرىدىكى، غەيرىي پېداگوگىكا مائارىپى تۈرىدىكى مەكتەپلەرنىڭ بۇ يىلقى ئوقۇش پۈتكۈزىدىغان ئوقۇغۇچىلار ۋە شەرتكە ماس كېلىدىغان ئىجتىمائىي خادىملارنى ئۆز ئىچىگە ئالىدىكەن.

ئىگىلىنىشىچە، ئوتتۇرا، باشلانغۇچ مەكتەپلەر ۋە يەسلى ئوقۇتقۇچىلىرىنىڭ سالاھىيەت ئىمتىھان نەتىجىسى مەملىكەت دائىرىسىدە كۈچكە ئىگە بولىدىكەن. ئومۇمەن، مائارىپ مىنىستىرلىقى ئىمتىھان مەركىزى تارقاتقان «ئوتتۇرا، باشلانغۇچ مەكتەپلەر ۋە يەسلى ئوقۇتقۇچىلىرىنىڭ سالاھىيەت ئىمتىھان لاياقەتلىك ئىسپاتى» بار بولغان ئىلتىماس قىلغۇچىلار ئوقۇتقۇچىلىق سالاھىيىتىنى بېكىتىشكە ئىلتىماس قىلغاندا، يەنە ئاپتونوم رايوننىڭ ئوقۇتقۇچىلىق سالاھىيىتىنى بېكىتىشتە زۆرۈر بولغان ئىمتىھانلارغا قاتناشمىسىمۇ بولىدىكەن. يېزىقچە ئىمتىھاندىكى پەن تۈرلىرىدە لاياقەتلىك بولغانلار ئاپتونوم رايون بېكىتكەن غەيرىي پېداگوگىكا تۈرىدىكى خادىملار مائارىپ ئىلمى، پىسخىكا ئىلمى ئىمتىھانىغا قاتناشمىسىمۇ بولىدىكەن. ئۇلار بىۋاسىتە ئاپتونوم رايون ۋە ھەرقايسى ۋىلايەت، ئوبلاستلار تەشكىللىگەن مائارىپ ئوقۇتۇش ئىقتىدار سىناش ئىمتىھانىغا قاتناشسا بولىدىكەن.

tursunjan

ياخشى خەۋەركەن بۇ  

گۈلزار

ياخشى خەۋەركەن .رەھمەت

زەپەر

ياخشى خەۋەركەن بۇ رەخمەت سىزگە ياخشى ئۇچۇر بىلەن تەمىنلەپسىز . بارلىق ئۇقۇتقۇچىلار نامىدىن سىزگە رەخمەت

مەتتۇردى

ياخشى خەۋەركەن بۇ رەخمەت سىزگە ياخشى ئۇچۇر بىلەن تەمىنلەپسىز . بارلىق ئۇقۇتقۇچىلار نامىدىن سىزگە رەخمەت