خاس ئىسىم بىلەن ئومومى ئىسىمنىڭ پەرقى

گۈلزار

خاس ئىسىم بىلەن ئومومى ئىسىمنىڭ پەرقى

1 . خاس ئىسىملار كۆپىنچە كىشى ئىسىملىرى ، يەر جاي ناملىرى ، ئىدارە - تەشكىلات ، گېزىت - ژۇرنال ، پەن - تېخنىكا ئاتالغۇلىرى ، ھايۋانلارنىڭ مەخسۇس ئىسىملىرى ، تارىخىي ۋەقەلەرنىڭ ناملىرى ، مىللەت ناملىرى ، تىل ناملىرى قاتارلىق مەنىلەرنى ئىپادىلەپ كېلىدۇ .
  ئومومى ئىسىملار بولسا ، بىر تۈردىكى نۇرغۇن يەككە شەيئىي ، ۋەقە - ھادىسە  ۋە چۈشەنچىلەرنىڭ ئابىستراكتلەشرۈلگەن ئوقۇمىنى بىلدۈرىدۇ .
مەسىلەن :
( 1 )  خەنزۇچە ، ئەختەم ، قومۇل گېزىتى ، قومۇل ،پىچان ، لېكسىكا ، جۇڭگو كومىنىستىك پارتىيىسى ... دىگەن ئىسىملار خاس ئىسىملاردۇر .
(2 ) دەريا ، تاغ ، دۆلەت ، ئۇرۇش ، پارتىيە ، كىتاب ، مېھمانخانا ، ئورمان ، تاماق ... دىگەن ئىسىملار ئومومى ئىسىملاردۇر .
2 . خاس ئىسىملارنىڭ مەنىسى ئومومى ئىسىملارنىڭ مەنىسىگە سېلىشتۇرغاندا ئەڭ كونكىرت بولىدۇ . كۆچمە مەنىدە كەلمىگەچكە ، ئوبرازلىق كۈچى ئاجىزراق بولىدۇ . كۆپ مەنىلىكمۇ بولمىغاچقا ئاھاڭداش سۆزلەر گۈرپىسىنى ھاسىل قىلالمايدۇ . ئومومى ئسىم بولسا ، پۈتۈنلەي ئەكسىچە بولىدۇ .
مەسىلەن :
( 1 ) « قومۇل قوغۇنى » - خاس ئىسىم بولۇپ ، پەقەت ئىنتايىن كونكىرېت مەنە ئىپادىلەپ كېلىپ ، باشقا شەيئىلەردىن روشەن پەرق شەكىللەندۈرگەن .
(2 ) « مېۋە »  - ئومومى ئىسىم بولۇپ ، « قومۇل قوغۇنى» غا سېلىشتۇرغاندا ئابىستراكت مەنە ئىپادىلەيدۇ ، « ئەمگەك مېۋىسىنى تېتىماق » دىگەن سۆز بىرىكمىسىدە «مېۋە » كۆچمە مەنىدە كېلىپ . ئىنتايىن ئوبرازلىق تۈس مەنە ئىپادىلەپ كەلگەن .
3 . ئومومى ئىسىملار ئىسىملارنىڭ سان ، شەخس ( تەۋەلىك ) ۋە كېلىش قوشۇمچىلىرى بىلەن تۈرلىنىپ كېلىدۇ . خاس ئىسىملار بولسا ، ( ئايرىملىرىنى ھېسابقا ئالمىغاندا ) ئىسىملارنىڭ سان . شەخس (تەۋەلىك ) قوشۇمچىلىرى بىلەن ئاساسەن تۈرلەنمەيدۇ .كېلىش قوشۇمچىلىرى بىلەن تۈرلىنىدۇ . ئادەتتە ، خاس ئىسىملارغا كۆپلۈك قوشۇمچىلىرى ئۇلانمايدۇ .ئەگەر ئۇلانسا  ، خاس ئىسىمنىڭ كۆپلىكىنى ئەمەس ، بەلكى شۇ ئىسىمغا مۇناسىۋەتلىك بولغان شەيئىلەرنى ۋە جايلارنى بىلدۈرىدۇ .
مەسىلەن :
(1 ) دۆلەت ( ئومومى ئىسىم )_ دۆلەتنى ، دۆلەتتىن ، دۆلىتىمىز ، دۆلەتلەر ، دۆلىتى ...
(2 ) قومۇلنىڭ ئۈزۈمى ( خاس ئىسىم ) _ «قومۇلنىڭ ئۈزۈمىمىز » دىگىلى بولمايدۇ .
(3 ) « قومۇل »( خاس ئىسىم ) _ قومۇللارغا باردۇق .بۇ يەردە قومۇلنىڭ كۆپلىكىنى ئەمەس ، ئۇنىڭ ئىچىدىكى جايلارنى كۆرسىتىپ  كەلگەن .
(4 ) « قومۇل ۋىلايەتلىك 1- ئوتتۇر مەكتەپ»  ( خاس ئىسىم ) _ «قومۇل ۋىلايەتلىك 1- ئوتتۇر مەكتەپلىرىڭلارنى كۆردۇق » دىگىلى بولمايدۇ .  

pari

ياخشىمۇ سىز دوستۇم گۈلزار ؟ خېلى كۈنلەردىن بېرى كۆرۈنمىدىڭىز نىمە بولغاندۇ سىزگە ؟؟
مانا بۈگۈن سىزنىڭ مۇنبەردىكى يازمىڭىز مېنى تولىمۇ سۈيۈندۈردى ، بولۇپمۇ ھازىر يۇقۇرىدىن تۆۋەنگىچە ئۇيغۇر تىلى بىلىملىرىگە سەل قارايدىغان بولۇپ قالدىمۇ قانداق ئىشقىلىپ ئوقۇغۇچىلارمۇ تازا قىزىقمايدۇ .
سىزنىڭ بۇ تېمىڭىز بۇ جەھەتتىكى بوشلۇقنى تولدۇرغۇسى دوستۇم
رەھمەت !

گۈلزار

◤pari◥ يوللىغان ۋاقتى  2013-2-15 20:11
ياخشىمۇ سىز دوستۇم گۈلزار ؟ خېلى كۈنلەردىن بېرى كۆرۈنم ...

ياخشىمۇسىز دوستۇم ؟
مەنمۇ مۇنبەردە كۈندە بار . نەچچە كۈندىن بۇيان مۇنبەردىكى تېمىلارنى رەتلەش ئىشى بىلەن بىر بىرىمىز بىلەن كۆرۈشەلمىدۇق . بۈگۈن بىر ئاز ۋاقىت چىقىپتۇ شۇ .
تېمىنى كۆزدىن كۆچۈرگىنىڭىزگە رەھمەت .  

ئوغلانبەگ

ياخشى تېما يوللاپسىز.مۇنبەرنىڭ ئەسلىگە كەلگەنلىكىدىن ئىنتايىن خۇشال بولدۇم.شۇنداقلا يەنە ئون نەچچە كۈندىن بېرى مۇنبەرگە چىقالمىغانلىقىم ئۈچۈن ئىنتايىن ئەپسۇسلاندىم.

سەييارە0

«خاس ئىسىم بىلەن ئومومى ئىسىمنىڭ پەرقى»توغۇرسىدا بىلىمگە ئىگە قىلغىنىڭىزغا رەخمەت.

سىرداش

ئەدەبىيات ئوقۇتقۇچىلىرىغا پايدىلىنىش ماتىرىيالى، ئۆز ئانا تىلىدا  ساۋادى ئاران چىققان  ‹‹ قوش تىل››  ئوقۇغۇچىلىرى ئۈچۈن ئەنگۈشتەر يوللاپسىز،  رەھمەت سىزگە.

گۈلزار

ئوغلانبەگ يوللىغان ۋاقتى  2013-2-15 20:53
ياخشى تېما يوللاپسىز.مۇنبەرنىڭ ئەسلىگە كەلگەنلىكىدىن  ...

شۇنداق سىزنى نەچچە كۈندىن بېرى كۆرەلمەي مۇنبەرگە ئېلان چىقارماقچى بولغان ئىدۇق .  
ئەمدى يوقاپ كەتمەي كېلىپ تۇرۇڭ .

ئامان

دەرسخانا ئوقۇتۇشىغا مۇناسىۋەتلىك ياخشى تېما يوللاپسىز خانقىز.
خاس ئىسىم بىلەن ئومۇمى ئىسىملارنى پەرقلەندۈرۈش ئۇيغۇر تىلى ئوقۇتۇشىدىكى مۇھىم مەزمۇنلارنىڭ بىرى، بۇ تېمىڭىزدا بۇ نوختىنى ئەمىلى مىساللار ئارقىلىق ئەتراپلىق يۇرۇتۇپ بېرىپسىز، رەھمەت.

ئوغلانبەگ

گۇلزار يوللىغان ۋاقتى  2013-2-16 14:11
شۇنداق سىزنى نەچچە كۈندىن بېرى كۆرەلمەي مۇنبەرگە ئېل ...

قانداق ئېلان چىقارماقچى بولغانتىڭىز؟ ئېلان سۆزىنى بەكمۇ كۆرۈپ باققۇم بار.

دىلرۇس

ئەمەلىي نەپ بېرىدىغان، نادىر تېمىدىن بىرنى يوللاپسىز. ئەجىرىڭىزگە تەشەككۈر!
ئۇيغۇ تىلى ئوقۇتىشى سۇسلىشىۋاتقان پەيتتە بۇ تېما، كەڭ مائرىپچىلارنىڭ دىققىتىنى تارتقۇسى.