 |
بالىلاردىكى تۈن سەيلىسى كېسەللىكى ۋە ئۇنىڭ ئالدىنى ئېلىش مۇخبىرنىڭ ئۈرۈمچى شەھەرلىك بالىلار دوختۇرخانىسىنىڭ ۋىراچى يەن ۋۇدىن ئىگىلىشىچە، تۈن سەيلىسى كېسەللىكى بالىلارنىڭ چوڭ مېڭىسىنىڭ تولۇق يېتىلمىگەنلىكى، مېڭە پوستلاق قەۋىتى كونترول قىلىش ئىقتىدارىنىڭ يېتەرسىزلىكى بىلەن مۇناسىۋەتلىك ئىكەن. بۇ خىل ئەھۋال ياشنىڭ چوڭىيىشىغا ئەگىشىپ بارغانسېرى ياخشىلىنىدىكەن. ئەمما ئاز بىر قىسىم بالىلاردا مېڭە يۇقۇملىنىش، پالەچ ۋە مېڭە سىرتى يارىلىنىش قاتارلىق كېسەللىكلەر كۆرۈلىدىكەن. كېسەللىك قوزغالغاندا بىمار ئۇخلاۋېتىپ تۇيۇقسىز ئورنىدىن تۇرۇپ ئۆيدىكى نەرسىلەرنى سىلاپ ، بەزىلىرىنى ئۆرۈپ، توختىماستىن ماڭىدىكەن. يەنە تېخى سىرتلارغا چىقىپ كېتىپمۇ قالىدىكەن، ئويغانغاندا ھېچ ئىشنى ئەسلىيەلمەيدىكەن. بۇ خىل كېسەللىكنىڭ قوزغىلىشى تۇراقسىز ئىكەن. تۈن سەيلىسى كېسەللىكى تەكرار قوزغالسا، دوختۇرنىڭ كۆرسەتمىسى بويىچە تىنىچلاندۇرۇش دورىسى ئىچىپ، فىزىئولوگىيەلىك ئۇخلاش ۋاقتىنى ئۇزارتىش ئۇسۇلىنى قوللانسا بولىدىكەن. ئەگەر ئورگانىزم خاراكتېرلىك بولۇپ قالسا، كېسەلنى ۋاقتىدا داۋالىتىش كېرەك ئىكەن. بۇ كېسەللىكنىڭ ئالدىنى ئېلىشتا، بالىلارنىڭ تۇرمۇشى ۋە ئۇخلاش ۋاقتىنى مۇۋاپىق ئورۇنلاشتۇرۇپ، ئۇخلاشنىڭ ئالدىدا بالىنى جىددىيلەشتۈرىدىغان تېلېۋىزىيە پىروگراممىلىرىنى كۆرسەتمەسلىك، بالىلارغا ئاچچىقلانماسلىق، كۈندۈزى بالىلارنىڭ ئارام ئېلىشىغا كاپالەتلىك قىلىش كېرەك ئىكەن.
|
