بالىلارغا دائىر بىشارەتلەر---بوۋاق تىلى
بوۋاقلار سۆزلىيەلمەيدۇ، ئەمما خىلمۇ - خىل يېغلاش ئۇسۇلى ئارقىلىق تەلەپ - ئارزۇسىنى ئىپادىلەيدۇ. دېمەك، بوۋاقلارنىڭ يىغىسى ئۇلارنىڭ تىلىدۇر. تەھىرلىگۇچى:بەشتاش
بوۋاقلاردا كۆپ ئۇچرايدىغان تىللار تۆۋەندىكىلەردىن ئىبارەت. كۆزىنى يۇمىۋېلىپ يېغلاش: بۇ قورسىقى ئېچىپ كەتكەنلىكىنىڭ بولۇشىنى تەلەپ قىلىش ئىپادىسى بارمىقىنى شوراپ تىپىرلاپ يىغلاش: قورسىقى ئاچقانلىقىنىڭ ۋە ئۇسسىغانلىقنىڭ ئىپادىسى. قىقىراپ يىغلاش: بۇ، چۆچىگەنلىكىنىڭ، بىرەر نەرسىدىن قورقۇپ ئانىسىنىڭ ئۆزىنى باغرىغا بېسىشىنى تەلەپ قىلغانلىقىنىڭ ياكى قارا باسقانلىقىنىڭ ئىپادىسى. كۆزىدىن ياش چىقارماي يىغلاش ۋە پۇت - قولىنى قالايمىقان ھەرىكەتلەندۈرۈش: بۇ، زېرىكىش ھېس قىلىپ، باشقىلارنىڭ ئۆزىگە ھەمرا ئىپادىسى. غىڭشىپ يىغلاپ ئۇخلىغىلى ئۇنىماسلىق: بۇ، سۈيدۈك لاتىسى ياكى ئىشتىنى ھۆل بولۇپ قالغانلىقنىڭ ياكى ئۇيقۇسى كەلمىگەنلىكىنىڭ ئىپادىسى. بىردەم يىغلاپ، بىردەم توختاش: بۇ بەدىنىنىڭ بىرەر يېرى تۇرۇپ - تۇرۇپ ئاغرىغانلىقنىڭ ئىپادىسى. ئۇخلاشتىن بۇرۇن يىغلاش:بۇ تۇتۇ قۇرت غىدىقلىغانلىقنىڭ ئىپادىسى. ئېمىۋېتىپ توساتتىن يىغلاپ كېتىش: بۇ بىرەر ئېغىر كېسەللىكنىڭ بىشارىتى. باش ۋە پۇت - قوللىرىنى قالايمىقان ھەرىكەتلەندۈرۈپ يىغلاش: بۇ ھۆل تەمرەتكە پەيدا بولغانلىقىنىڭ، سەزگۈرلىكى ئېشىپ كەتكەنلىكىنىڭ ياكى كىيىم بەدىنىنى غىدىقلىغانلىقىنىڭ ئىپادىسى. ئېمىۋېتىپ توساتتىن چىشلىۋېلىش: بۇ چىش چىقىشقا باشلىغانلىقىنىڭ ئىپادىسى
|
