بوۋاق بالىلاردا كالتسىي كەملىكنىڭ قانداق ئىپادىلىرى بار؟
بوۋاق بالىلار ئۆسۈپ يېتىلىشىنىڭ ئەڭ يۇقىرى پەللىسىدە تۇرۇۋاتقاچقا، كالتسىينىڭ بەدىنىگە كىرىش مىقدارى يېتەرلىك بولمىسا ئۇلارغا نىسبەتەن ئىنتايىن ئېغىر تەسىرلەرنى پەيدا قىلىدۇ. ئەگەر قىسقا مەزگىل ئىچىدە كالتسىينىڭ بەدەنگە كىرىش مىقدارى يېتەرلىك بولمىسا ياكى باشقا بىر سەۋەبلەر قاندىكى كالتسىينىڭ تەكشىلىكىنى تۆۋەنلىتىۋەتسە، ئۇلارنىڭ نېرۋا ئويغىنىشچانلىقىنى زور دەرىجىدە ئۆرلىتىپ، پۇت - قول تارتىشىشنى كەلتۈرۈپ چىقىرىدۇ. ئەگەر كالتسىينىڭ بەدەنگە كىرىش مىقدارى ئۇزۇن مەزگىل يېتەرلىك بولمىسا، شۇنداقلا ۋىتامىن D مۇ كەمچىل بولسا، بوۋاقلارنىڭ ئۆسۈپ يېتىلىش سۈرئىتى ئاستىلاش، كۆمۈرچەكنىڭ تۈزۈلۈشى غەيرىي بولۇشنى كەلتۈرۈپ چىقىرىدۇ. ھەتتا، سۆڭەكنىڭ شەكلى ئۆزگىرىش، چىشنىڭ يېتىلىشى ياخشى بولماسلىق قاتارلىق ئالامەتلەر كۆرۈلىدۇ ھەم راخىت كېسىلىنى كەلتۈرۈپ چىقىرىدۇ. بوۋاقلىق مەزگىلىدىكى بالىلارغا نىسبەتەن ئېيتقاندا ئانا سۈتى ياكى كالا سۈتىدىن كۆپ قىسىم كالتسىي ئېلېمېنتىغا ئېرىشكەندىن سىرت، يەنە بەلگىلىك كالتسىي تابلېتكىسىنى يېگۈزۈش ئارقىلىق ئۇلارنىڭ ئۆسۈپ يېتىلىشىدىكى ئېھتىياجىنى قاندۇرۇش كېرەك.
|
