چەتئەل تاراتقۇسىنىڭ 2-ئاينىڭ 18-كۈنىدىكى خەۋىرىگە ئاساسەن, سونى ئۆز ئائىلىسىدىكى خېلى ئالقىشقا ئېرىشكەن Xperia Tablet Z تەكشى تاختىلىق كومپىيوتىرنىڭ ئورۇن باسارىنى تېپىپ بولدى, ئۇ بولسىمۇ يېقىندىلا ئاشكارلانغان Xperia Tablet Z2. بۇندىن بۇرۇنقى تەكشى تاختىلىق كومپىيوتىرغا سېلىشتۇرغاندا, Xperia Tablet Z2 نىڭ سىرتقى شەكلىدە ئانچە چوڭ ئۆزگىرىش يوق, ئېكرانىنىڭ چوڭ كىچىكلىكى يەنىلا 10.1 ديۇم, پەقەتلا قېلىنلىقى ئەسلىدىكى 6.9mm دىن قىسقارتىلىپ 6.4mm قىلىنغان.
  Xperia Tablet Z2 نىڭ ئۆزگىرىشىنىڭ ھەممىسى ئىچكى قىسىمغا يوشۇرۇنغان. ئۇنىڭغا سەپلەنگىنى ئاساسىي چاستوتىسى 2.3GHz بولغان گاۋتۇڭ باتۇر ئەجدىھا 800 بىر تەرەپ قىلغۇچ, شۇنىڭ بىلەن بىر ۋاقىتتا ئايلىنىش ئىچكى سىغىمىمۇ 3G غا كۆتۈرۈلگەن. بۇنىڭدىن سىرت, سونى بۇرۇنقى يۇمشاق دېتال قاتتىق دېتالغا يېتىشەلمەسلىكتەك كونا كەمچىلىكىنى ئۆزگەرتىپ, Xperia Tablet Z2 زاۋۇتتىن چىققاندىلا ئەڭ يېڭى Android 4.4.2 KitKat سېستىمىسىنى ئىشلىتىدۇ.
  مەزكۇر يانفوننىڭ قاچان ئېلان قىلىنىدىغانلىقىنى ھېچكىم بىلمەيدۇ, بىراق MWC 2014 يېقىندىلا باشلىنىدىغان بولغاچقا, ئەگەر شۇ ۋاقتىدا سونى بۇ يېڭى تەكشى تاختىلىق كومپىيوتىرنى چىقارسا, كۆپچىلىكمۇ ھەيران قالمايدىغۇ دەيمەن.