ئالىم خالىق ئاپەت رايونىدىكىلەرگە پولو ئېتىپ بەردى

0 2013-04-27 10:40:31 شىنجاڭ گېزىتى گۈلمىرە

T|T:خەت رەزمىرى

24-ئاپرېل ، بىز قاتنىشى قولايسىز ، ئاپەت ئېغىرراق بولغان تەيپىڭ بازىرى چۈنگۇاڭ كەنتى ۋە ۋېيتا كەنتىگە بېرىشقا تەييارلاندۇق ، بۇ ئىككى كەنتكە بارىدىغان يوللار خەتەرلىك ، بەزىدە تاغدىن تاشلار غۇلاپ چۈشۈپ تۇرۇۋاتقاچقا ، ھۆكۈمەت تارقىتىپ بەرگەن ماددىي ئەشيالاردىن باشقا ، بۇ ئىككى كەنت ئاندا-ساندا ماددىي ئەشيالار بىلەن تەمىنلىنەتتى .

يولغا چىقىشتىن ئىلگىرى ، شوپۇر يولنىڭ ناچارلىقىنى نەچچە رەت تەكىتلىدى ، لېكىن بىز بۇ 30 توننىدىن ئارتۇق ماددىي ئەشيانى ئاپەت ئەڭ ئېغىر بولغان رايونغا ۋاقتىدا يەتكۈزىشىمىز كېرەك . بىز ئەگرى-بۈگرى تاغ يوللىرىنى بېسىپ ، ئاخىرى ، ئاپەت ئەڭ ئېغىر بولغان چۈنگۇاڭ كەنتىگە يېتىپ كەلدۇق . ئالىم خالىق كەنتكە كىرىپلا قازان ئېسىپ ، ئۆ قولى بىلەن گۈرۈچ يۇيۇپ ، سەۋزە توغراپ ، توخۇ بۇغۇزلاپ پولوغا تۇتۇش قىلدى ، بىز كەنتتىكىلەرگە ماددىي ئەشيالارنى تارقاتتۇق ، ئىككى سائەتتىن ئارتۇقراق ۋاقىتتىن كېيىن پولو پىشتى .

بىر 80 ياشلىق موماي پولو يەۋېتىپ مۇنداق دېدى : ئەگەر سىلەر كەلمىگەن بولساڭلار ، مەن بۇ ئۆمرۈمدە پولو دېگەن بۇ تاماقنى يېيەلمەسكەنمەن .كەنتتىن ئايرىلىدىغان ۋاقىتتا ئالىم خالىق بىلەن ۋەن گۇاڭجىن ئۆز يانلىرىدىن 20 مىڭ يۈەن چىقىرىپ كەنتتىكىلەرگە تارقىتىپ بەردى .