مۇشەررەف سوت مەھكىمىسىدىن قېچىپ كەتتى

1 2013-04-19 15:45:24 شىنخۇا تورى گۈلمىرە

T|T:خەت رەزمىرى

مۇشەررەف قوغدىغۇچىلىرىنىڭ مۇھاپىزىتى ئاستىدا ئاپتوموبىلغا ئولتۇرۇپ سوت مەھكىمىسىدىن ئايرىلماقتا

18 -ئاپرېل ، پاكىستاندا دىراماتىك بىر ئىش يۈز بەردى : سابىق زۇڭتۇڭ مۇشەررەف سوت مەھكىمىسىگە كېپىللىككە بېرىش بۇيرۇقىنى ئۇزارتىشنى ئىلتىماس قىلغىلى بارغاندا ، ئەكسىچە ، تۇتۇش بۇيرۇقىنى تاپشۇرۇۋالغان ، بۇنىڭغا تەن بەرگۈسى كەلمىگەن مۇشەررەف قوغدىغۇچىلىرىنىڭ مۇھاپىزىتى ئاستىدا ساقچىلارنىڭ مۇھاسىرىسىنى بۆسۈپ ئۆتۈپ ، سوت مەھكىمىسىدىن ئېتىلىپ چىقىپ ، ئالدىراپ-تېنەپ قېچىپ كەتكەن .

بۇ مۇشەررەفنىڭ سىياسىي ھاياتىدا ئۇچرىغان ئەڭ چوڭ ئوڭۇشسىزلىقى . ئالدىنقى ئايدا ، ئۇ تالىباننىڭ ‹‹ يوشۇرۇن ئۆلتۈرۈش ›› تەھدىتلىرىگە قارىماستىن ، پاكىستانغا قايتىپ كەلگەن ، بىراق ، ئۇنىڭ تۆت رايونغا سۇنغان زۇڭتۇڭ سايلىمىغا قاتنىشىش ئىلتىماسى رەت قىلىنىپ ، زۇڭتۇڭ سايلىمىغا قاتنىشىشتەك شېرىن چۈشى بەربات بولۇپ، سىياسىي ھاياتىمۇ يار لېۋىگە بېرىپ قالغان.