توققۇز ياشلىق بالا ئوبامانىڭ سىياقىغا كىرىۋېلىپ، ئاقسارايدا مۇھىم سۆز قىلدى

شۇ كۈنى، كىچىك زوڭتوڭ ئاقسارايدىكى ئاخبارات ئۆيىدە

   يەر شارى تورى 2 – ئاپرېل خەۋىرى: ئامېرىكا رادىئو شىركىتى (ABC) خەۋىرى: 4 – ئاينىڭ 1 – كۈنى، ئاقساراي «كىچىك زوڭتوڭ» نوۋاكنىڭ ياردىمىدە، ئامېرىكىدىكى تورداشلارغا ئالداش بايرىمىدا بىر چاقچاق قىلدى.
   خەۋەرلەرگە قارىغاندا، ئاقساراي 1 – چىسلا تۋېتتىردا زوڭتوڭنىڭ «مۇھىم تېلېۋىزىيە نۇتقى» سۆزلەيدىغانلىقىنى جاكارلىدى، بىراق، تورداشلار Youtube  تا سىن كۆرۈۋاتقان ۋاقىتتا، سەھنىدە پەيدا بولغىنى بىر توققۇز ياشلىق ئوغۇل بالا ئىكەن. «كىچىك زوڭتوڭ» سۇپىغا يۆلىنىپ تۇرۇپ: «قارىغاندا سىلەر بىرەرسىنى ساقلاۋاتقاندەك قىلىسىلەر، كۆپچىلىكنىڭ ئالداش بايرىمىغا مۇبارەك بولسۇن، مەن بولسام كىچىك زوڭتوڭ، ھەممە كىشىنىڭ خوشال خورام ئۆتۈشىنى تىلەيمەن».
خەۋەردە يەنە مۇنداق دىيىلدى: بۇ سىن ئاقساراينىڭ ئالداش بايرىمى مۇناسىۋىتى بىلەن قىلغان چاقچىقى بولۇپ، بۇ «چاقچاقچى بالا ئوباما» نىڭ ھەقىقىي ئىسمى نوۋاك، ئاقساراي پاسخا بايرىمىدىكى رەڭلىك تۇخۇم پائالىيىتىنىڭ ئالاھىدە تەكلىپلىك مېھمىنى ئىكەن.