جارۇللا ھېسامىدىن ئۈرۈمچى شەھىرىنىڭ باشلىقلىقىدىن قالدۇرۇلدى

    28-فېۋرال ، ئۈرۈمچى شەھەرلىك 15-نۆۋەتلىك خەلق قۇرۇلتىيى دائىمىي كومىتېتى 8-قېتىملىق يىغىن ئېچىپ ، ئۈرۈمچى شەھەرلىك خەلق ۋەكىللەر قۇرۇلتىيى دائىمىي كومىتېتىنىڭ جارۇللا ھېسامىدىننىڭ ئۈرۈمچى شەھىرىنىڭ باشلىقلىق ۋەزىپىسىدىن ئىستېپا بەرگەنلىكى توغرىسىدىكى قارارىنى ماقۇللىدى .

    يىغىندا ئاپتونوم رايونلۇق 12-نۆۋەتلىك خەلق ۋەكىللەر قۇرۇلتىيى يىغىنىنىڭ 1-يىغىنىنىڭ روھى يەتكۈزۈلدى ۋە ئۆگىنىلدى . ‹‹ئۈرۈمچى شەھەرلىك خەلق قۇرۇلتىيى دائىمىي كومىتېتىنىڭ 2013-يىللىق خىزمەتلىرىنىڭ مۇھىم نۇقتىسى›› مۇھاكىمە قىلىنىپ ماقۇللۇقتىن ئۆتتى . ‹‹ئۈرۈمچى شەھەرلىك خەلق ۋەكىللەر قۇرۇلتىيى دائىمىي كومىتېتىنى تەشكىل قىلغان ئەزالار رېئايە قىلىدىغان تەرتىپلەر (تۈزىتىلگەن لايىھە)›› مۇھاكىمە قىلىنىپ ماقۇللۇقتىن ئۆتتى .

    شەھەرلىك خەلق قۇرۇلتىيى دائىمىي كومىتېتىنىڭ مۇدىرى ئابدۇرېھىم ئابلىز يىغىنغا رىياسەتچىلىك قىلدى . شەھەرلىك خەلق قۇرۇلتىيى دائىمىي كومىتېتى پارتگۇرۇپپىسىنىڭ شۇجىسى ، مۇئاۋىن مۇدىرى سۈي جىپىڭ ، شەھەرلىك خەلق قۇرۇلتىيى دائىمىي كومىتېتىنىڭ مۇئاۋىن مۇدىرلىرىدىن ئەركىن ھەبىبۇللا ، ما شۆفېڭ ، ئەن جېڭيۈ ، مۇھەممەد باباخۇمار ، شەھەرلىك خەلق قۇرۇلتىيى دائىمىي كومىتېتىنىڭ باش كاتىپى سۇڭ جاۋگاڭ يىغىنغا قاتناشتى . مۇئاۋىن شەھەر باشلىقى گاۋ فېڭ ۋە شەھەرلىك ئوتتۇرا خەلق سوت مەھكىمىسى ، شەھەرلىك خەلق تەپتىش مەھكىمىسىنىڭ مەسئۇللىرى يىغىنغا سىرتتىن قاتناشتى . 

ھەمبەھىرلىنىڭ