ئەنگلىيەدىكى مايمۇنلار بىلەن 5 يىل بىللە ياشىغان ئايال « تەيسىن »

    ئەنگلىيە فىلىمى " ئادەمسىمان مايمۇن تايسىن " دا ، ئادەملەرنىڭ بالىسى تەيسىن بوۋاق ۋاقتىدا ئورانگىتان كانا تەرىپىدىن بېقىۋېلىنغان ، تەيسىن چوڭ بولغاندا مايمۇنلارغا ئوخشاش دەرەخكە يامىشىپ ، دەرەختىن - دەرەخكە سەكرەپ يۈرگەن . بىراق سىزمۇ ھەيران قېلىشىڭىز مۇمكىن ، رىئاللىقتىمۇ مۇشۇ تەيسىنگە ئوخشايدىغان ، ئايال " تەيسىن " ئادەممۇ مەۋجۇت .

   ئەنگلىيە" كۈندىلىك پوچتا گېزىتى " نىڭ تور بەت خەۋىرىدە ، ئەنگلىيە يورك ئۆلكىسى Bradford تىكى ئادەتتىكى ئائىلە ئايالى مالىنا . چاپمان تەيسىنغا ئوخشايدىغان بىر ئالاھىدە ھىكايىسى بار . ئۇ كىچىك ۋاقتىدا جەنوبى ئامېرىكىدىكى كولۇمبىيە ئورمانلىقىغا تاشلىۋېتىلگەن بولۇپ ، ئورمانلىقتىكى مايمۇنلار ئۇنى بېقىپ چوڭ قىلغان . ئۇ ئۆزى يازغان " ئىسمسىز قىز " ناملىق ئەسلىمىسى 30- مارتتىن باشلاپ " يەكشەنبىلىك پوچتا گېزىتى " دە بېرىلىدۇ .

   كولۇمبىيەدە تۇغۇلغان مالىنا 1954- يىلى ئائىلىسىدىن تۇتقۇن قىلىنغان ، ئەينى چاغدا ئۇ 4 ياشقا كىرگەن بولۇپ ، كېيىن تۇتقۇن قىلغان ئادەملەر ئۇنى قۇيۇق ئورمانلىققا تاشلىۋەتكەن ، مالىنا ئورمانلىقتا 5 يىل ياشىغان ، ئۇنى بىر توپ مايمۇنلار قوغداپ قالغان بولۇپ ، ئۇ مايمۇنلار يىگەن يىمەكلىك ۋە ئاۋاز چىقىرىشنى ئۆگىنىۋالغان . بىراق ئۇخلىغاندا قۇرۇپ قالغان دەرەخنىڭ كامىرىدا ئۇخلىغان . باشقا مايمۇنلار دەرەخ شېخىدا ئۇخلايتتى .