بۇ يىل يانۋاردا 53 شەھەردە ئۆي باھاسى ئۆرلىگەن

     جۇڭگو ئىقتىساد تورى بېيجىڭ 22-فېۋرال تېلېگراممىسى : جۇڭگو ئىستاتىستىكا ئىدارىسى تورى بۈگۈن 2013-يىل 1-ئايلىق 70 چوڭ ، ئوتتۇرا شەھەرنىڭ تۇرالغۇ ئۆي سېتىلىش باھاسى ئۆزگىرىش ئەھۋالىنى ئېلان قىلغان . بۇنىڭ ئىچىدە ، يېڭى سېلىنغان تاۋار ئۆي(كاپالەت خاراكتېرلىك ئۆيلەرنى ئۆز ئىچىگە ئالمايدۇ) باھاسىنى ئالدىنقى ئاي بىلەن سېلىشتۇرغاندا، 70 چوڭ ، ئوتتۇرا شەھەرنىڭ 10 ىدا باھا تۆۋەنلىگەن ، يەتتىسىدە باھا ئالدىنقى ئاي بىلەن ئوخشاش بولغان ، 53 ىسىدە باھا ئۆرلىگەن . سېلىشتۇرما باھا ئۆرلىگەن شەھەرلەر ئىچىدە ، ئۆرلىگەن باھا %2.2 تىن ئېشىپ كەتمىگەن . بۇلتۇرنىڭ ئوخشاش مەزگىلى بىلەن سېلىشتۇرغاندا ، بۇ 70 شەھەرنىڭ 16 سىدە باھا تۆۋەنلىگەن ، بىرىدە باھا بۇلتۇرقى بىلەن ئوخشاش بولغان ، 53 ىدە باھا ئۆرلىگەن .

   نىمكەش ئۆي باھاسىنى ئالدىنقى ئاي بىلەن سېلىشتۇرغاندا ، 70 چوڭ ، ئوتتۇرا شەھەرنىڭ يەتتىسىدە باھا تۆۋەنلىگەن ، 12سىدە باھا تەڭلەشكەن ، 51 ىدە باھا ئۆرلىگەن . سېلىشتۇرما باھا ئۆرلىگەن شەھەرلەر ئىچىدە ، ئۆرلىگەن باھا %1.7 تىن ئېشىپ كەتمىگەن . بۇلتۇرنىڭ ئوخشاش مەزگىلى بىلەن سېلىشتۇرغاندا ، 70 چوڭ ، ئوتتۇرا شەھەرنىڭ 34 ىدە باھا تۆۋەنلىگەن ، 36 سىدە باھا ئۆسكەن .