شىنجاڭدا 19 كىشىنىڭ كوللېكتىپ زەھەرلىنىش ۋەقەسى يۈز بەردى

0 2012-09-28 11:17:16 تەڭرىتاغ تورى گۈلمىرە

T|T:خەت رەزمىرى

ئىت ياڭىقىدىن يېمەكلىك ياساپ يېگەنلىكتىن، يېقىندا، شىنجاڭدا 19 كىشىنىڭ كوللېكتىپ زەھەرلىنىش ۋەقەسى يۈز بەردى. 26-سېنتەبىر، ئۈرۈمچى شەھەرلىك كېسەللىكلەرنى كونترول قىلىش مەركىزى مۇتەخەسسىسىنىڭ دېيىشىچە، ئىت ياڭىقىدىن زەھەرلەنگەندە ئېغىر بولغاندا ھاياتىدىن ئايرىلىدىكەن، بىراق بۇنىڭ ئۈنۈملۈك زەھەر قايتۇرۇش ئۇسۇلى بار بولۇپ، زەھەرلەنگەنلىكىنى بايقىغان ھامان دوختۇرغا كۆرۈنۈشى لازىم ئىكەن.

تونۇشتۇرۇلۇشىچە، ئىت ياڭىقى يەنە ئىت ياڭىقى گۈلى، تاغ پىدىگىنى دەپمۇ ئاتىلىدىغان بولۇپ ھەممىلا يېرى زەھەرلىك ئىكەن. مېۋىسى، ئۇرۇقى، ھەتتا يوپۇرمىقىنى يەپ قويسىمۇ زەھەرلىنىشنى كەلتۈرۈپ چىقىرىدىكەن. كىلىنكلىق ئالامەتلىرى ئاساسلىقى ئېغىز قۇرۇش، تېرە توق قىزىل رەڭگە ئۆزگىرىش، بەزىدە يەنە قىزىل تاشما چىقىش؛ باش قىيىش، يۈرەك ھەددىدىن زىيادە رېتىمسىز سېلىش، تارتىشىپ قېلىش قاتارلىقلار بولۇپ، ئېغىر بولغانلىرى نەپەس قىسىلىپ ئۆلۈپ كېتىدىكەن.