ئەتتىرگۈل تارخ بلوگى

دۇنياغا كۆز ئاچقۇزدى سېنى تاڭ پەسلى،
سەن ئىدىڭسەن ئوت يۈرەك ئۇيغۇرنىڭ نەسلى،
تومۇردىكى شۇ قانلار ئۇيغۇرنىڭ ئەسلى،
ئەي ،ئۇيغۇرۇم، ئۇنـتۇما ئۇيغۇرلىقىڭنى!

ئۇزۇن چاچلار خەيرى-خوش،كېسىۋەتتۇققۇ،
مودا  ئەمەس  قارا  چاچ ، بويىۋەتتۇققۇ،
دوپپىلارنى       يىراققا    چۆرىۋەتتۇققۇ،
ئەي ،ئۇيغۇرۇم، ئۇنتـۇما ئۇيغۇرلىقىڭنى!

<ئەسسالام>نى تامامەن ئۇنتۇپلا كەتتۇق،
ئەنئەنىدىن ئوبدانلا چەتنىدۇق ،كەچتۇق،
ئازاد بولۇپ <كونا>دىن مۇرادقا يەتتۇق،
ئەي ،ئۇيغۇرۇم، ئۇنـتۇما ئۇيغۇرلىقىڭنى!

خوشياقمايدۇ مۇقاملار <كونا نەرسە> دەپ،
باشقىلارنىڭ   يېقىملىق   تۇيۇلىدۇ    زەپ،
<چولپان>كەلسە يىراقتىن يۈگۈرىمىز بەك،
ئەي ،ئۇيغۇرۇم، ئۇنيـۇما ئۇيغۇرلىقىڭنى!

ئانا تىلغى تىل تەگدى دەيمەن ئېھتىمال،
ئەبجەشلەشكەن سۆزىمىز بولغۇسى مىسال،
باشقا تىلغا ئاشىق بوپ تاپساقمۇ ۋىسال،
ئەي ،ئۇيغۇرۇم،  ئۇنتـۇما ، ئۇيغۇرلىقىڭنى!

قانات ياساپ يىراققا ئۇچۇپ كەتسەڭمۇ،
سەن بىزلەردىن ئەبەدىي تېنىپ كەتسەڭمۇ،
ماكان تۇتۇپ چەتلەردە ئۆلۈپ كەتسەڭمۇ،
ئەي ،ئۇيغۇرۇم، ئۇنتـۇما ئۇيغۇرلىقىڭنى!