ئەتتىرگۈل تارخ بلوگى

ﻣﺎﺋﺎﺭﯨﭙﺘﺎ ﻣﯘﯞﻩﭘﭙﻪﻗﯩﻴﻪﺕ ﻗﺎﺯﯨﻨﯩﺸﻨﯩﯔﺳﯩﺮﻯ - ﺋﻮﻗﯘﺗﻘﯘﭼﯩﻐﺎ ﻫﯚﺭﻣﻪﺕ ﺗﯘﺭﻏﯘﺯﯗﺷﺘﯘﺭ.      -  ﺋﯧﻤﯩﺮﺳﻮﻥ (ﺋﺎﻣﯩﺮﯨﻜﺎ)
ﺋﻮﻗﯘﺗﻘﯘﭼﻰ - ﻫﯚﺭﻣﻪﺗﻠﯩﻚ ﻧﺎﻡ. ﺷﯘﯕﯩﻤﯘ ﺑﯘ ﻧﺎﻡ ﺗﻮﻏﺮﯨﺴﯩﺪﺍ ﻣﻪﺩﻫﯩﻴﻪ ﻳﺎﺯﻣﯩﻐﺎﻥ، ﻫﯧﻜﻤﻪﺕ ﭘﯘﺗﻤﯩﮕﻪﻥ ﻣﯘﺗﻪﭘﻪﻛﻜﯘﺭﻻﺭ ﺑﻮﻟﻤﯩﺴﺎ ﻛﯧﺮﻩﻙ. ﭼﯘﻧﻜﻰ ﺋﻮﻗﯘﺗﻘﯘﭼﻰ ﺋﯩﻨﺴﺎﻥ ﻗﻪﻟﺒﯩﮕﻪ ﺗﯘﻧﺠﻰ ﻣﻪﺭﯨﭙﻪﺕ ﻧﯘﺭﯨﻨﻰ ﺋﯧﻠﯩﭗ ﻛﯩﺮﮔﯜﭼﻰ ﻣﻪﺷﺌﻪﻝ! ﺋﯘ ﺋﯩﻨﺴﺎﻧﯩﻴﻪﺕ ﻣﻪﺩﻩﻧﯩﻴﻪﺕ ﺗﺎﺭﯨﺨﯩﻨﯩﯔ ﺋﺎﺳﻤﯩﻨﻨﻰ ﻳﻮﺭﯗﺗﻘﯘﭼﻰ ﻗﯘﻳﺎﺵ! ﻣﯩﻠﻠﻪﺗﻨﯩﯔ ﺑﺎﻏﯟﯨﻨﻰ، ﺩﯙﻟﻪﺗﻨﯩﯔ ﻣﯘﺭﻩﺑﺒﻰ، "ﺋﯩﻨﺴﺎﻧﯩﻴﻪﺕ ﺭﻭﻫﯩﻨﯩﯔ ئىنژىنېرى!"
ﺋﻮﻗﯘﺗﻘﯘﭼﻰ - ﻳﺎﺵ ﺋﻪﯞﻻﺩﻻﺭﻧﯩﯔ ﺋﯩﻠﯩﻢ - ﭘﻪﻥ ﺩﯗﻧﻴﺎﺳﯩﺪﯨﻜﻰ ﺗﯘﻧﺠﻰ ﻫﺎﻣﯩﻴﺴﻰ ! ﺋﯘ، ﺑﯩﻠﯩﻢ ﺧﻪﺯﯨﻨﯩﺴﯩﻨﯩﯔ ﺋﺎﻟﺘﯘﻥ ﺋﯩﺸﻜﯩﻨﻰ ﺋﺎﭼﻘﯘﭼﻰ، ﺋﻪﻗﯩﻞ ﺩﯗﺭﺩﺍﻧﯩﻠﯩﺮﯨﻨﻰ ﭼﺎﭼﻘﯘﭼﻰ. ﻫﯧﻜﻤﻪﺕ ﻗﺎﻣﯘﺳﯩﻨﯩﯔ ﻣﻪﻧﯩﻠﯩﺮﯨﻨﻰ ﻳﻪﺷﻜﯜﭼﻰ، ﺗﺎﺭﯨﺦ ﺑﯩﻠﻪﻥ ﻣﺎﻛﺎﻥ، ﺗﯩﻠﺴﯩﻢ ﺑﯩﻠﻪﻥ ﺯﺍﻣﺎﻥ ﺋﺎﺭﯨﺴﯩﺪﺍ ﭘﻪﺭﯞﺍﺯ ﻗﯩﻠﯩﭗ، ﻣﯘﺗﻪﭘﻪﻛﻜﯘﺭﻻﺭ ﺑﯩﻠﻪﻥ ﺳﯚﻫﺒﻪﺗﻠﻪﺷﻜﯜﭼﻰ، ﻫﻪﻗﯩﻘﻪﺕ ﻣﻪﺭﯞﺍﻳﯩﺘﻠﯩﺮﯨﻨﻰ ﺗﻪﺷﻜﯜﭼﻰ ﺯﻩﻛﻰ ﺋﯘﺳﺘﺎﺯ - ﭘﯩﺪﺍﻛﺎﺭ ﺟﻪﯕﭽﻰ، ﻣﯧﻬﺮﯨﺒﺎﻥ، ﺳﺎﭖ ﻗﻪﻟﺐ ﺋﯩﮕﯩﺴﻰ .
ﺋﯘﻟﯘﻍ ﺋﻮﻗﯘﺗﻘﯘﭼﻰ - ﺋﯘﺳﺘﺎﺯﻻﺭﺳﯩﺰ ﺋﯘﻟﯘﻍ ﻣﻪﺭﯨﭙﻪﺕ ﺋﻪﺯﯨﻤﻪﺗﻠﯩﺮﻯ ﯞﺍﻳﯩﻐﺎ ﻳﻪﺗﻤﯩﮕﻪﻥ ﺑﻮﻻﺗﺘﻰ . ﺋﻪﭘﻼﺗﻮﻧﻨﯩﯔ ﺋﻮﻗﯘﺗﻘﯘﭼﯩﺴﻰ ﺳﻮﻗﺮﺍﺕ، ﺋﺎﺭﯨﺴﺘﯘﺗﯩﻠﻨﯩﯔ ﺋﯘﺳﺘﺎﺯﻯ ﺋﻪﭘﻼﺗﻮﻥ، ﺋﯩﺴﻜﻪﻧﺪﻩﺭ ﺯﯗﻟﻘﻪﺭﻧﻪﻳﯩﻨﻨﯩﯔ ﺋﯘﺳﺘﺎﺯﻯ ﺋﺎﺭﯨﺴﺘﻮﺗﯩﻞ ﺑﻮﻟﻐﯩﻨﯩﺪﻩﻙ، ﺋﺎﺑﺪﯗﺭﺍﺧﻤﺎﻥ ﺟﺎﻣﯩﻲ ﺋﻪﻟﺸﯩﺮ ﻧﻪﯞﺍﺋﯩﻨﯩﯔ ﻳﯧﺘﻪﻛﭽﯩﺴﻰ، ﺳﻪﺩﺩﯨﺪﻥ ﻗﻪﺷﻘﻪﺭﻯ ﺟﺎﻣﯩﻨﯩﯔ ﺋﯘﺳﺘﺎﺯﻯ ﺋﯩﺪﻯ.
ﺋﯩﻨﺴﺎﻧﯩﻴﻪﺕ ﺗﺎﺭﯨﺨﯩﺪﯨﻜﻰ ﺑﻪﺯﻯ ﻣﻪﺷﻬﯘﺭ ﻣﯘﺗﻪﭘﭙﻪﻛﻜﯘﺭﻻﺭ ﻫﻪﺗﺘﺎ ﺋﻮﻗﯘﺗﻘﯘﭼﯩﻠﯩﻖ ﻛﻪﺳﭙﻰ ﺑﯩﻠﻪﻧﻤﯘ ﺷﯘﻏﯘﻟﻼﻧﻐﺎﻥ. ﻣﻪﺳﻠﻪﻥ: ﻫﯩﭙﻮﮔﺮﺍﺕ، ﻓﺎﺭﺍﺑﻰ، ﺋﯩﺒﯩﻦ ﺳﯩﻨﺎ، ﺗﺎ ﺗﺎ ﺗﯘﯕﺎ، ﺷﯜﺋﻪﻧﺰﺍﯓ، ﮔﯧﮕﯩﻞ، ﻛﻮﯕﺰﻯ، ﻗﯩﺪﯨﺮﺧﺎﻥ، ﻫﯜﯞﻩﻳﺪﺍ، ﺋﺎﺑﺪﯗﻗﺎﺩﯨﺮ ﺩﺍﻣﻮﻟﻼ، ﻣﻪﻣﺘﯩﻠﻰ ﺋﻪﭘﻪﻧﺪﻯ ﻗﺎﺗﺎﺭﻟﯩﻘﻼﺭ ﺷﯘﻧﯩﯔ ﺟﯘﻣﻠﯩﺴﯩﺪﯨﻨﺪﯗﺭ.
ﺋﻮﻗﯘﺗﻘﯘﭼﯩﻨﯩﯔ ﻫﯘﺟﯘﺩﯨﺪﺍ ﺋﯩﻜﻜﻰ ﻣﯘﻫﻪﺑﺒﻪﺕ ﺭﯨﺸﺘﯩﺴﻰ ﻳﻪﻧﻰ ﻛﻪﺳﯩﭙﻜﻪ ﺑﯧﻐﯩﺸﻼﻧﻐﺎﻥ ﻣﯘﻫﻪﺑﺒﻪﺕ ﺑﯩﻠﻪﻥ ﺋﯩﻠﯩﻤﮕﻪ ﺑﻮﻟﻐﺎﻥ ﻣﯘﻫﻪﺑﺒﻪﺕ ﮔﯩﺮﻩﻟﻪﺷﻜﻪﻥ ﺑﻮﻟﯩﺪﯗ. ﺋﯘ، ﺋﻮﺷﯧﻨﯩﺴﻜﯩﻲ ﺋﯧﻴﯩﺘﻘﺎﻧﺪﻩﻙ "ﻣﻪﻧﺴﻪﭘﺪﺍﺭ ﺗﯚﺭﻩ ﺋﻪﻣﻪﺱ، ﻣﻪﻧﺴﻪﺑﺪﺍﺭ ﺗﯚﺭﻩ- ﺋﻮﻗﯘﺗﻘﯘﭼﻰ ﺋﻪﻣﻪﺱ ".
ﺋﻪﻣﻤﺎ، ﺗﺎ ﻫﺎﺯﯨﺮﻏﯩﭽﻪ ﻧﯧﻤﻪ ﺋﯘﭼﯘﻧﺪﯗﺭ ﺋﻮﻗﯘﺗﻘﯘﭼﻰ، ﺟﻪﻣﺌﯩﻴﻪﺕ ﻳﯧﺘﻪﻛﭽﯩﻠﯩﺮﻯ، ﺋﻪﻫﻠﻰ- ﺟﺎﻣﺎﺋﻪﺕ، ﺋﻮﻗﯘﺗﻘﯘﭼﯩﻼﺭﻧﯩﯔ ﭘﻪﺭﺯﻩﻧﺘﻠﯩﺮﻯ، ﺗﯘﻏﻘﺎﻥ- ﺩﻭﺳﯩﺘﻠﯩﺮﻯ ﺋﻮﻗﯘﺗﻘﯘﭼﯩﺪﯨﻦ ﺋﯩﺒﺎﺭﻩﺕ ﺑﯘ ﻫﯚﺭﻣﻪﺗﻠﯩﻚ ﻧﺎﻣﻨﻰ، ﺋﻮﻗﯘﺗﻘﯘﭼﯩﺪﻩﻙ ﺑﯘ ﺗﺎﺭﯨﺨﻰ ﻛﯜﭼﻨﻰ، ﺋﻮﻗﯘﺗﻘﯘﭼﯩﻠﯩﻘﻨﯩﯔ ﻣﻪﻧﯩﯟﻯ ﺷﻪﺭﺗﻠﯩﺮﯨﻨﻰ ﺑﯩﺮﺩﻩﻙ ﻫﯧﺲ ﻗﯩﻠﻐﺎﻥ، ﭼﯜﺷﻪﻧﮕﻪﻥ، ﻗﻪﺩﯨﺮﻟﯩﮕﻪﻥ ﺋﻪﻣﻪﺱ. ﻧﻪﺗﯩﺠﯩﺪﻩ ﻣﺎﺋﺎﺭﯨﭙﺘﺎ ﺑﯩﺮ ﻗﺎﺗﺎﺭ ﻛﯚﯕﯜﻟﻨﻰ ﻏﻪﺵ ﻗﯩﻠﯩﺪﯨﻐﺎﻥ ﻣﻪﺳﯩﻠﻠﻪﺭ ﺳﺎﻗﻼﻧﻤﺎﻗﺘﺎ.


ﺋﯩﻜﻜﻰ ﺋﯘﻟﯘﻍ ﻫﺎﻣﯩﻴﯩﻨﯩﯔ ﺑﯩﺮﻯ ﺋﺎﻧﺎ، ﻳﻪﻧﻪ ﺑﯩﺮﻯ ﺋﻮﻗﯘﺗﻘﯘﭼﯩﺪﯨﻦ ﺋﯩﺒﺎﺭﻩﺕ. ﺋﯘﻻﺭﻧﻰ ﺑﯩﻠﻤﻪﻙ ﻫﻪﺭ ﻗﺎﻧﺪﺍﻕ ﺑﯩﻠﯩﺸﻨﯩﯔ ﻣﯘﻗﻪﺩﺩﯨﻤﯩﺴﻰ ﯞﻩ ﺷﻪﺭﺗﻰ، ﺋﯘﻻﺭﻧﻰﻗﻪﺩﯨﺮﻟﯩﻤﻪﻙ ﻫﻪﺭ ﻗﺎﻧﺪﺍﻕ ﻣﯘﻫﻪﺑﺒﻪﺕ ﯞﻩ ﻛﺎﻣﺎﻟﻪﺗﻨﯩﯔ ﺑﻮﺳﻮﻏﯩﺴﻰ! ﺋﻮﺧﺸﺎﺷﻼ، ﺋﯘﻻﺭﻧﻰ ﺧﺎﺭﻻﺵ ﺑﺎﺭﻟﯩﻖ ﺧﺎﺭﻟﯩﻨﯩﺸﻨﯩﯔ ﺳﻪﯞﻩﺑﻰ ﯞﻩ ﺑﺎﺷﻠﯩﻨﯩﺸﻰ !
ﺋﺎﻧﺎ - ﺑﺎﺭﻟﯩﻖ ﺧﯩﺴﻠﻪﺗﻠﻪﺭﻧﻰ ﺋﯚﺯﯨﮕﻪ ﻣﯘﺟﻪﺳﺴﻪﻣﻠﯩﮕﻪﻥ ﭘﻮﺋﯧﺰﯨﻴﯩﻠﯩﻚ ﺋﯩﺒﺎﺭﻩ. ﺋﻪﻧﮕﯩﻠﻴﯩﻠﯩﻚ ﻳﺎﺯﻏﯘﭼﻰ ﺗﯧﻜﻜﯩﺮﯨﻨﯩﯔ ﺳﯚﺯﻯ ﺑﯩﻠﻪﻥ ﺋﯧﻴﯩﺘﻘﺎﻧﺪﺍ «ﭘﻪﺭﺯﻩﻧﺖ ﺩﯨﻠﻰ ﯞﻩ ﺗﯩﻠﯩﺪﯨﻜﻰ ﺗﻪﯕﺮﻯ». ﺷﯘﯕﺎ  ﺋﯘ ﻫﻪﻣﻤﻪﻳﻠﻪﻥ ﺑﺎﺵ ﺋﯧﮕﯩﺪﯨﻐﺎﻥ ﺋﯘﻟﯘﻍ ﻣﯧﻬﯩﺮ - ﻣﯘﻫﻪﺑﺒﻪﺕ ﻣﯘﺋﻪﻛﻜﯩﻠﻰ، ﺗﯘﻧﺠﻰ ﺗﻪﻟﯩﻢ - ﺗﻪﺭﺑﯩﻴﻪ ﻣﯘﺭﻩﺑﺒﻰ. ﺑﺎﻟﺰﺍﻙ ﺋﯧﻴﯩﺘﻘﺎﻧﺪﻩﻙ "ﻣﯩﻠﻠﻪﺗﻨﯩﯔ ﻛﯧﻠﻪﭼﯩﻜﻰ ﺋﺎﻧﯩﻼﺭ ﻗﻮﻟﯩﺪﺍ".
ﺋﻮﻗﯘﺗﻘﯘﭼﻰ ﺑﻮﻟﺴﺎ ﺋﯩﻨﺴﺎﻧﻨﻰ ﺷﻪﻛﯩﻠﻠﻪﻧﺪﯗﺭﮔﯜﭼﻰ ﻳﻪﻧﻪ ﺑﯩﺮ ﺋﯘﻟﯘﻍ ﺳﯩﻤﺎ. ﺋﯘ ﺋﯩﺴﺘﻪﻙ ﺋﻮﻳﻐﺎﺗﻘﯘﭼﻰ، ﺗﻪﭘﻪﻛﻜﯘﺭﻏﺎ ﻳﯧﺘﻪﻛﻠﯩﮕﯜﭼﻰ، ﺋﻪﻗﯩﻞ ﺋﯩﺰﻟﯩﮕﯜﭼﻰ ﯞﻩ ﻛﺎﻣﺎﻟﻪﺕ ﻳﻮﻟﯩﻐﺎ ﺑﺎﺷﻠﯩﻐﯘﭼﻰ، ﺋﻮﻗﯘﺗﻘﯘﭼﯩﻨﯩﯔ ﭘﯩﺪﺍﻛﺎﺭ ﻗﻪﻟﺒﻰ، ﺗﻪﭘﻪﻛﻜﯘﺭ ﺧﻪﺯﯨﻨﯩﺴﯩﺌﻰ ﺋﺎﻧﯩﻨﯩﯔ ﺋﯚﺯ ﭘﻪﺭﺯﻩﻧﺘﯩﮕﻪ ﺑﻪﺧﯩﺶ ﻗﯩﻠﻐﺎﻥ ﺋﺎﻧﯩﻠﯩﻖ ﭘﻪﺭﯞﯨﺸﻰ ﯞﻩ ﺋﺎﻧﯩﻠﯩﻖ ﺗﻪﺭﺑﯩﻴﺴﯩﻨﯩﯔ ﻳﯧﯖﻰﻗﺎﺗﻼﻣﺪﯨﻜﻰ ﺩﺍﯞﺍﻣﻰ ﺑﻮﻟﯘﭖ، ﺑﯘ ﺋﯩﻜﻜﻰ ﺋﯘﻟﯘﻍ ﺗﻪﺭﺑﯩﻴﭽﯩﻨﯩﯔ ﻳﯜﺭﯨﻜﻰ ﺑﯩﺮ.
ﺋﻪﻣﻤﺎ ﻧﯧﻤﻪ ﺋﯜﭼﯜﻧﺪﯗﺭ ﻫﻪﻣﻤﻪ ﭘﻪﺭﺯﻩﻧﯩﺖ، ﻫﻪﻣﻤﻪ ﺷﺎﮔﯩﺮﺕ، ﻫﻪﻣﻤﻪ ﺟﺎﻣﺎﺋﻪﺕ ﺑﯘ ﺋﯩﻜﻜﻰ ﺯﺍﺗﻨﯩﯔ ﺑﯩﺮ - ﺑﯩﺮﯨﮕﻪ ﺗﻪﺗﻘﺎﺱ ﻗﻪﺩﯨﺮ ﻗﯩﻤﻤﯩﺘﯩﻨﻰ ﯞﻩ ﻫﯚﺭﻣﯩﺘﯩﻨﻰ ﺩﯦﮕﻪﻧﺪﻩﻙ ﭼﯜﺷﻪﻧﻤﻪﻳﺪﯗ. ﺋﻮﺧﺸﺎﺷﻼ ﻫﻪﻣﻤﻪ ﺋﺎﻧﯩﻼﺭ ﯞﻩ ﺋﺎﻧﺎ ﺑﻮﻟﻐﯘﺳﻰ ﻗﯩﺰﻻﺭ، ﻫﻪﻣدە ﺋﻮﻗﯘﺗﻘﯘﭼﻰ ﯞﻩ ﺋﻮﻗﯘﺗﻘﯘﭼﻰ ﺑﻮﻟﻐﯘﭼﻰ ﺋﻮﻗﯘﻏﯘﭼﯩﻼﺭ ﻣﯩﻠﻠﻪﺗﻨﯩﯔ ﻣﻪﻧﯩﯟﻯ ﺳﺎﭘﺎﺳﯩﻨﻰ ﺑﻪﻟﮕﯩﻠﻪﻳﺪﯨﻐﺎﻥ ﺋﯩﻜﻜﻰ ﻫﺎﻟﻘﺎ - ﺋﺎﻧﺎ ﯞﻩ ﺋﻮﻗﯘﺗﻘﯘﭼﯩﻨﯩﯔ ﺋﯚﺯﻯ ﻗﺎﻧﺪﺍﻕ ﺋﺎﯓ ﯞﻩ ﻗﺎﻧﺪﺍﻕ ﺳﯘﭘﻪﺗﻜﻪ ﺋﯩﮕﻪ ﺑﻮﻟﯘﺷﻰ ﻻﺯﯨﻤﻠﯩﻘﻨﻰ ﺩﯦﮕﻪﻧﺪﻩﻙ ﭼﯜﺷﻪﻧﻤﻪﻳﺪﯗ. ﺑﯩﻠﯩﺶ ﻛﯧﺮﻩﻛﻜﻰ ﺑﯘ ﺑﯩﺮ ﭘﺎﺟﯩﺌﻪﻟﯩﻚ ﻫﺎﺩﯨﺴﻪ !
ﺑﯩﺰﺩﻩ «ﺯﯦﻬﯩﻦ ﺳﯩﻨﺎﺵ » ﺩﻩﭖ ﺋﺎﺗﺎﻟﻐﺎﻥ ﺋﻪﻧﺌﻪﻧﻪ ﺑﻮﻳﯩﭽﻪ «ﺗﺎﭘﻘﯩﺮﻟﯩﻖ» ﺩﯦﻴﯩﻠﯩﺪﯨﻐﺎﻥ ﻣﯘﺳﺎﺑﯩﻘﯩﻠﻪﺭﺩﻩ ﻣﻪﺷﻬﯘﺭ ﻛﯩﻨﯘ ﭼﻮﻟﭙﺎﻧﻠﯩﺮﻯ ﯞﻩ ﻧﺎﺧﺸﺎ - ﺋﯘﺳﺴﯘﻝ ﭼﻮﻟﭙﺎﻧﻠﯩﺮﯨﻨﯩﯔ ﻧﺎﻣﻰ ﺗﯩﻠﻐﺎ ﺋﯧﻠﯩﻨﯩﺪﯗ، ﺋﯘﻻﺭﻧﯩﯔ ﻫﺎﻳﺎﺕ ﭘﺎﺋﺎﻟﯩﻴﻪﺗﻠﯩﺮﯨﻨﻰ ﻫﻪﻣﻤﻪﻳﻠﻪﻥ ﺑﯩﻠﯩﺪﯗ - ﻳﯘ، ﻣﻪﺷﻬﯘﺭ ﻣﯘﺋﻪﻟﻠﯩﻤﻠﻪﺭ، ﺋﺎﻟﯩﻤﻼﺭ، ﻛﻪﺷﭙﯩﻴﺎﺗﭽﯩﻼﺭ، ﺋﻪﺩﯨﺒﻠﻪﺭﻧﯩﯔ ﻧﺎﻣﻠﯩﺮﻯ ﻛﻪﻣﺪﯨﻦ - ﻛﻪﻡ ﺗﯩﻠﻐﺎ ﺋﯧﻠﯩﻨﯩﺪﯗ، ﻫﻪﺗﺘﺎ ﺋﯧﻠﯩﻨﻤﺎﻳﺪﯗ، ﺋﯘﻻﺭﻧﯩﯔ ﻫﺎﻳﺎﺕ ﭘﺎﺋﺎﻟﯩﻴﻪﺗﻠﯩﺮﻯ ﯞﻩ ﻗﺎﺯﺍﻧﻐﺎﻥ ﺋﯘﺗﯘﻗﻠﯩﺮﯨﺪﯨﻦ ﻧﺎﻫﺎﻳﯩﺘﻰ ﻛﯚﭖ ﻛﯩﺸﻠﻪﺭ ﺧﻪﯞﻩﺭﺳﯩﺰ. ﺑﯘﻧﯩﯔ ﺳﻪﯞﻩﺑﻰ ﺋﻮﻗﯘﺗﻘﯘﭼﻰ ﺋﻮﺑﺮﺍﺯﯨﻨﯩﯔ ﺋﯘﻟﯘﻍ ﻣﯘﺭﻩﺑﺒﻪ ﺩﻩﺭﯨﺠﯩﮕﻪ ﻛﯚﺗﯜﺭﻟﯜﭖ ﺗﻪﺷﯟﯨﻖ ﻗﯩﻠﯩﻨﻤﯩﻐﺎﻧﻠﯩﻘﯩﺪﯨﻦ ﺑﻮﻟﻐﺎﻥ. ﺑﯘ ﻧﺎﻫﺎﻳﯩﺘﻰ ﻧﺎﺯﯗﻙ «ﺑﻮﺵ ﻗﺎﻟﻐﺎﻥ» ﺋﯘﻟﻠﯘﻕ ﺧﯩﺰﻣﻪﺗﺘﯘﺭ .


ﺋﻮﻗﯘﺗﻘﯘﭼﯩﻼﺭ ﺗﺎﺭﯨﺨﺘﯩﻦ ﺑﯧﺮﻯ ﺋﯩﻨﺴﺎﻧﯩﻴﻪﺕ ﻣﻪﺩﻩﻧﯩﻴﺘﻰ ﺋﯜﭼﯜﻥ ﺷﯘﻧﭽﻪ ﻛﯚﭖ ﺋﻪﺟﯩﺮ ﺳﯩﯖﺪﯛﺭﯛﭖ ﻛﯧﻠﯩﺸﺘﻰ. ﺋﯘﻻﺭ ﺧﯘﺩﺩﻯ ﻗﯩﺰﯨﻞ ﻗﺎﻥ ﺩﺍﻧﭽﯩﻠﯩﺮﯨﺪﻩﻙ ﺋﯩﻨﺴﺎﻧﯩﻴﻪﺕ ﮔﻪﯞﺩﯨﺴﯩﻨﯩﯔ ﻫﻪﻣﻤﻪ ﻗﯩﺴﻤﯩﻐﺎ ﺗﺎﺭﻗﺎﻟﻐﺎﻥ، ﺋﯘﻻﺭ ﻛﯚﺗﯜﺭﮔﻪﻥ ﻣﻪﺭﯨﭙﻪﺕ ﻣﻪﺷﺌﯧﻠﻰ ﻳﯩﺮﺍﻕ ﭼﯚﻝ- ﺟﻪﺯﯨﺮﻩ، ﺗﺎﻍ- ﺟﯩﻠﻐﯩﻼﺭﺩﯨﻦ ﺗﺎﺭﺗﯩﭗ ﺋﺎﯞﺍﺕ ﺷﻪﻫﻪﺭﻟﻪﺭﮔﯩﭽﻪ ﻫﻪﻣﻤﯩﻼﺭ ﻳﻪﺭﻧﻰ ﻳﻮﺭﯗﺗﻤﺎﻗﺘﺎ. ﺋﯘﺯﺍﻕ ﻳﯩﻠﻠﯩﻖ ﺗﯘﺭﻣﯘﺵ ﺋﻪﻣﻪﻟﯩﻴﺘﻰ ﺟﻪﺭﻳﺎﻧﯩﺪﺍ ﻛﯚﺭﮔﻪﻧﻠﯩﺮﯨﻤﯩﺰ ﺑﻮﻳﯩﭽﻪ ﺋﯧﻴﯩﺘﻘﺎﻧﺪﺍ ﺋﻮﻣﯘﻣﻪﻥ ﺋﻮﻗﯘﺗﻘﯘﭼﯩﻼﺭ ﺑﯩﺮ ﻗﺎﻧﭽﻪ ﻗﯘﺭﻻ ﻛﯩﻴﻤﯩﻨﻰ ﻳﯘﻳﯘﭖ، ﺗﺎﺯﯨﻼﭖ ﻛﯩﻴﯩﭗ، ﻛﯩﭽﯩﻜﻜﯩﻨﻪ ﺋﺎﺋﯩﻠﯩﺴﯩﻨﻰ ﻗﺎﺗﺘﯩﻖ ﺗﯧﺠﻪﺷﻠﯩﻚ ﺑﯩﻠﻪﻥ ﺑﺎﺷﻘﯘﺭﯗﭖ، ﻛﯩﺸﻠﻪﺭﮔﻪ ﻳﻮﻝ ﺑﯩﺮﯨﭗ ،ﻳﻮﻝ ﺗﺎﻻﺷﻤﺎﻱ، ﻗﻮﻝ ﺑﯧﺮﯨﭗ، ﻗﻮﻝ ﺗﺎﻻﺷﻤﺎﻱ ﻳﺎﺷﺎﭖ ﻛﻪﻟﺪﻯ. ﺋﯘﻻﺭﻧﯩﯔ ﺋﯚﻳﻠﯩﺮﯨﮕﻪ ﻛﯩﺮﮔﻪﻧﺪﻩ ﻛﯚﺭﯨﺪﯨﻐﯩﻨﯩﻤﯩﺰ، ﺗﺎﻣﺪﯨﻜﻰ ﮔﯩﻠﻪﻡ ﺋﻪﻣﻪﺱ ﺩﯗﻧﻴﺎ ﺧﻪﺭﯨﺘﯩﺴﻰ، ﻣﻪﺭﻩﭘﻜﻪ ﺗﯩﺰﯨﻠﻐﯩﻨﻰ ﻗﯧﻠﯩﻦ ﻳﻮﺗﻘﺎﻧﻼﺭ ﺋﻪﻣﻪﺱ، ﺩﯦﺮﯨﺰﻩ ﺗﯜﯞﯨﺪﯨﻜﻰ ﺷﯩﺮﻩﮔﻪ ﻗﻮﻳﯘﻟﻐﺎﻥ ﻛﯩﺘﺎﭖ - ﺩﻩﭘﺘﻪﺭﻟﻪﺭ ﺑﻮﻟﺪﻯ، ﻫﻪﺭ ﺧﯩﻞ ﻧﺎﻣﺮﺍﺗﻠﯩﻖ ﻛﯧﺴﻪﻟﻠﯩﻜﻠﯩﺮﻯ، ﺑﻮﻟﯘﭘﻤﯘ ﺳﯩﻞ ﻛﯧﺴﯩﻠﻰ ﺋﯘﻻﺭﻧﻰ ﺗﯧﺨﯩﻤﯘ ﻳﺎﺩﺍﯕﻐﯘ، ﺋﺎﯞﺍﻕ ﻗﯩﻠﯩﭗ ﻗﻮﻳﺪﻯ .
ﻳﯧﻘﯩﻨﺪﺍ ﺑﯩﺮ ﺑﺎﺟﮕﯩﺮﻧﯩﯔ ﺑﯩﺮ ﭘﯧﺸﻘﻪﺩﻩﻡ ﺋﻮﻗﯘﺗﻘﯘﭼﻰ ﺗﻮﻏﯘﺭﻟﯘﻕ ﺗﻮﻟﯩﻤﯘ ﻣﻪﯕﺴﯩﺘﻤﻪﺳﻠﯩﻚ ﺑﯩﻠﻪﻥ ﻣﻪﻏﺮﯗﺭ ﺋﺎﻫﺎﯕﺪﺍ "ﻛﯩﻤﻜﻰ ﺩﻩﭘﺘﯩﻤﻪﻥ، ﺋﯘ ﺑﯩﺮ ﺋﻪﭘﻪﻧﺪﯨﻜﻪﻧﻐﯘ ﻧﺎﻫﺎﻳﯩﺘﻰ !" ﺩﯦﮕﯩﻨﻨﻰ ﺋﺎﯕﻼﭖ ﻗﺎﻟﺪﯨﻢ. ﺑﯘ ﺳﯚﺯ ﺋﺎﺩﻩﺗﺘﯩﻜﻰ ﺑﯩﺮ ﺑﺎﺟﮕﯩﺮﻧﯩﯔ ﺋﯧﻐﺰﯨﺪﯨﻦ ﭼﯩﻘﻘﺎﻥ ﺳﯚﺯ ﺑﻮﻟﺴﯩﻤﯘ، ﺋﯘ ﭘﯜﺗﯜﻥ ﺟﻪﻣﺌﯩﻴﻪﺗﺘﻪ، ﺳﯩﻴﺎﺳﯩﻲ، ﻣﻪﻣﯘﺭﯨﻲ، ﻣﺎﻟﯩﻴﻪ - ﺳﻮﺩﺍ، ﻛﯩﻨﻮ - ﺗﯩﻴﺎﺗﯩﺮ، ﻫﻪﺭﺑﯩﻲ - ﺳﺎﻗﭽﻰ ﺧﺎﺩﯨﻤﻼﺭﻏﺎ ﺳﯧﻠﯩﺸﺘﯘﺭﻏﺎﻧﺪﺍ ﺋﻮﻗﯘﺗﻘﯘﭼﯩﻨﯩﯔ ﺟﺎﻣﺎﺋﻪﺗﭽﯩﻠﯩﻚ ﻧﻪﺯﻩﺭﯨﺪﻩ ﻗﺎﻧﭽﯩﻠﯩﻚ ﺋﻮﺭﯗﻧﻐﺎ ﻗﻮﻳﯘﻟﯘﯞﺍﺗﻘﺎﻧﻠﯩﻘﯩﻨﯩﯔ ﺑﯩﺮ ﺭﻭﺷﻪﻥ ﻣﯩﺴﺎﻟﻰ .
ﺭﺍﺳﯩﺖ !ﺋﯘﻻﺭﻧﯩﯔ ﻗﻮﻟﻠﯩﺮﯨﺪﺍ ﺳﯩﻴﺎﻫ، ﺋﯘﺳﺘﯩﺪﻩ ﺑﻮﺭ ﺗﻮﺯﺍﻧﻠﯩﺮﻯ ﺑﺎﺭ. ﺋﯘﻻﺭﻧﯩﯔ ﻳﺎﻧﭽﯘﻗﯩﺪﺍ ﻳﺎﻛﻰ ﺭﯦﺰﯨﻨﻜﻪ ﺗﺎﻣﻐﺎ ﻳﺎﻛﻰ ﭘﯘﻝ ﭼﯧﻜﻰ ﻳﻮﻕ. ﺋﯘﻻﺭﻧﯩﯔ ﺑﯩﺮ ﻗﯩﺴﻤﻰ ﺧﯘﺩﺩﻯ ﺋﻪﺧﺘﻪﻡ ﺋﯚﻣﻪﺭﻧﯩﯔ «ﻗﺎﺭﺍ ﺟﺎﯕﮕﺎﻝ» ﻫﯧﻜﺎﻳﯩﺴﯩﺪﯨﻜﻰ «ﺟﺎﯕﮕﺎﻝ ﭘﻪﺭﯨﺸﺘﯩﺴﯩﺪﻩﻙ » ﺑﯩﻜﺎﺭﻏﺎ ﺩﯦﮕﯜﺩﻩﻛﻼ ﺧﯩﺰﻣﻪﺕ ﻗﯩﻠﻤﺎﻗﺘﺎ .ﻣﯘﺷﯘﻧﺪﺍﻕ ﺋﻪﭘﻪﻧﺪﯨﭽﯩﻠﯩﻚ، ﻣﯘﺷﯘﻧﺪﺍﻕ ﺧﺎﻧﯩﻤﻠﯩﻖ ﺑﯩﻠﻪﻥ ﯞﯨﺠﯩﻚ ﻗﯧﺮﯨﻐﺎﻥ، ﻛﯧﺴﻪﻝﺋﺎﺯﺍﺑﯩﻐﺎ ﭼﯚﻛﯜﭖ ﻗﺎﻟﻐﺎﻥ، ﻛﯩﺸﻠﻪﺭ ﻧﻪﺯﯨﺮﯨﺪﯨﻦ ﺋﯘﻧﺘﯘﻟﯘﭖ ﻛﻪﺗﻜﻪﻥ ﻣﻮﻳﺴﯩﭙﯩﺖ ﺋﯘﺳﺘﺎﺯﻻﺭ ﺋﺎﺯﻣﯘ؟ ﺋﯘﻻﺭ"ﺋﻮﻗﯘﺗﻘﯘﭼﯩﻼﺭ ﺑﺎﻳﺮﯨﻤﻰ" ﻧﯩﯔ ﺩﺍﻏﺪﯗﻏﯩﺴﯩﺪﯨﻦ ﺑﺎﺷﻘﺎ ﻫﯧﭽﻘﺎﻧﺪﺍﻕ ﺋﻪﻣﻪﻟﯩﻲﻧﻪﭘﻜﻪ ﺋﯧﺮﯨﺸﻪﻟﻤﻪﻳﺪﯨﻐﯘ؟! ﺋﯘﻻﺭ ﭘﯩﻨﺴﯩﻴﮕﻪ ﭼﯩﻘﻘﺎﻥ ﭘﯧﺘﯩﭽﻪ ﺑﯘﻟﯘﯓ- ﭘﯘﭼﻘﺎﻗﻼﺭﺩﺍ ﺋﯘﻧﺘﯘﻟﯘﭖ ﻛﯧﺘﯩﺪﯗ. ﺋﯘﻻﺭ ﻗﺎﺗﻼﻣﻼﺭﻧﯩﯔ ﺋﻪﯓ ﺗﯧﮕﯩﺪﻩ، ﻫﺎﻟﻘﯩﻼﺭﻧﯩﯔ ﺋﻪﯓ ﻛﻪﻳﻨﯩﺪﻩ ﺗﯘﺭﯨﺪﯗ .ﻣﻪﺳﯩﻠﻪ ﺷﯘ ﻳﻪﺭﺩﯨﻜﻰ، ﺩﻩﻝ ﻣﯘﺷﯘ ﺋﻮﻗﯘﺗﻘﯘﭼﯩﻼﺭ ﺋﻪﯓ ﻳﯘﻗﯩﺮﻯ ﯞﻩ ﺋﻪﯓ ﺋﺎﻟﺪﯨﻨﻘﻰ ﻗﺎﺗﺎﺭﺩﯨﻜﻰ ﺗﺎﺭﯨﺨﻰ ﺑﯩﻨﺎﻛﺎﺭﻟﯩﻖ -ﺋﯩﻨﺴﺎﻥ ﻗﻪﻟﺒﯩﻨﻰ ﻳﺎﺭﯨﺘﯩﺪﯨﻐﺎﻥ ﺋﯩﻨﺠﯧﻨﯧﺮﻻﺭﺩﯗﺭ. ﺷﯘﻧﻰ ﺑﯩﻠﯩﺶ ﻛﯧﺮﻩﻛﻜﻰ ﺋﻮﻗﯘﺗﻘﯘﭼﻰ ﺋﻪﺯﯨﺰﻟﻪﻧﮕﻪﻥ ﺟﺎﻱ، ﺩﻩﻝ ﺑﻪﺧﯩﺖ ﻗﯘﺷﻰ ﺑﻮﻟﻐﺎﻥ ﺋﻪﻧﻘﺎﻧﯩﯔ ﺗﯘﺧﯘﻡ ﺑﺎﺳﻘﺎﻥ ﻣﺎﻛﺎﻧﯩﺪﯨﻦ ﺋﯩﺒﺎﺭﻩﺕ .ﺋﻮﻗﯘﺗﻘﯘﭼﻰ ﺋﻪﺯﯨﺰﻟﻪﻧﻤﯩﮕﻪﻥ ﺟﺎﻱ- ﺋﺎﻟﺘﯘﻥ ﻛﯚﻣﯘﻟﮕﻪﻥ ﺧﺎﺭﺍﺑﻪ ﺋﯘﺳﺘﯩﺪﻩ ﻫﯘﯞﻗﯘﺵ ﻫﯘﯞﻻﻳﺪﯨﻐﺎﻥ ﻣﺎﻛﺎﻧﺪﯨﻦ ﺋﯩﺒﺎﺭﻩﺕ.


"ﺋﻪﺟﺪﺍﺗﻼﺭﻏﺎ ﻗﯩﻠﯩﻨﻐﺎﻥ ﻫﯚﺭﻣﻪﺗﺴﯩﺰﻟﯩﻚ__ ﺋﻪﺧﻼﻗﺴﯩﺰﻟﯩﻘﻨﯩﯔ ﺑﯩﺮﯨﻨﭽﻰ ﺑﻪﻟﮕﯜﺳﻰ" (ﭘﯘﺷﻜﯩﻦ)، ﺋﯘﺳﺘﺎﺯﻻﺭﻏﺎ ﻗﯩﻠﯩﻨﻐﺎﻥ ﻫﯚﺭﻣﻪﺗﺴﯩﺰﻟﯩﻚ ﺑﺎﺭﻟﯩﻖ ﻫﯚﺭﻣﻪﺗﺴﯩﺰﻟﯩﻜﻨﯩﯔ ﺋﻪﯓ ﺋﺎﺧﯩﺮﻗﻰ ﻗﺎﺑﺎﻫﻪﺗﻠﯩﻚ ﺷﻪﻛﻠﻰ .
ﺋﯚﺯ ﺋﺎﺗﺎ - ﺋﺎﻧﯩﺴﯩﺪﯨﻦ، ﺋﯚﺯ ﺋﯘﺳﺘﺎﺯﻟﯩﺮﯨﺪﯨﻦ، ﺋﯚﺯﻯ ﺗﻪﺭﺑﯩﻴﻪ ﺋﺎﻟﻐﺎﻥ ﻣﯘﺋﻪﻟﻠﯩمدىن ﭘﻪﺭﺯﻩﻧﯩﺘﻠﻪﺭ، ﻳﺎﺵ ﺋﻪﯞﻻﺗﻼﺭ ﺗﯚﻟﻪﭖ ﺑﻮﻟﻐﯘﺳﯩﺰ ﻗﻪﺭﺯﺩﺍﺭ، ﯞﺍﻫﺎﻟﻪﻧﻜﻰ، ﺑﯩﺰﺩﻩ ﺋﯚﺯ ﺋﯘﺳﺘﺎﺯﯨﻨﻰ ﻫﺎﻗﺎﺭﻩﺗﻠﻪﺷﻜﻪ، ﺋﯚﺯ ﻣﯘﺋﻪﻟﻠﯩمﯩﮕﻪ ﺧﯩﻴﺎﻧﻪﺗﻜﺎﺭﺍﻧﻪ ﻫﻪﺭﯨﻜﻪﺗﺘﻪ ﺑﻮﻟﯘﺷﻘﺎ، ﺋﯚﺯ ﺋﻮﻗﯘﺗﻘﯘﭼﯩﺴﻰ- ﻳﯧﺘﻪﻛﻠﯩﮕﯜﭼﯩﺴﯩﻨﯩﯔ ﺋﯩﻠﻤﯩﻲ ﻣﯘﯞﻩﭘﭙﻪﻗﯩﻴﻪﺗﻠﯩﺮﯨﮕﻪ ﭼﺎﯕﮕﺎﻝ ﺳﯧﻠﯩﺸﻘﺎ، ﺋﯘﻻﺭﻧﯩﯔ ﺟﯩﺴﻤﺎﻧﻰ، ﻣﻪﻧﯩﯟﻯ ﯞﻩ ﺋﯩﻠﻤﯩﻲ ﺟﻪﻫﻪﺗﺘﯩﻜﻰ ﺧﺎﺗﯩﺮ ﺟﻪﻣﻠﯩﻜﯩﮕﻪ ﺯﯨﻴﺎﻥ - ﺯﻩﺧﻤﻪﺕ ﻗﯩﻠﯩﺸﻘﺎ ﭘﯧﺘﯩﻨﯩﺪﯨﻐﺎﻥ ﺗﯘﺯﻛﻮﺭ ﺷﺎﮔﯩﺮﺗﻼﺭﻣﯘ ﺑﺎﺭ. ﻣﯧﻨﯩﯖﭽﻪ، ﺋﯚﺯﻯ ﺳﯚﻳﯘﭖ، ﭘﻪﺭﯞﯨﺶ ﻗﯩﻠﻐﺎﻥ ﺋﻮﻗﯘﻏﯘﭼﯩﺴﯩﺪﯨﻦ ﻛﯚﺭﮔﻪﻥ ﯞﺍﭘﺎﺳﯩﺰﻟﯩﻘﺘﯩﻨﯩﻤﯘ ﺋﺎﺭﺗﯘﻕ ﺋﺎﺯﺍﺏ ﺑﻮﻟﻤﯩﺴﺎﻛﯧﺮﻩﻙ .
ﻫﻪﺭ ﺩﻩﺭﯨﺠﯩﻠﯩﻚ ﻣﺎﺋﺎﺭﯨﭗ ﺗﺎﺭﻣﺎﻗﻠﯩﺮﻯ ﯞﻩ ﻣﻪﻛﺘﻪﭘﻠﻪﺭﻧﯩﯔ ﺭﻩﻫﺒﻪﺭﻟﯩﺮﻯ ﺋﯚﺯﻟﯩﺮﯨﻨﯩﯔ ﺑﯩﺮﻩﺭ ﻛﺎﻥ، ﺑﯩﺮﻩﺭ ﻛﺎﺭﺧﺎﻧﺎ ﻳﺎﻛﻰ ﺑﯩﺮﻩﺭ ﻣﯘﻻﺯﯨﻤﻪﺕ ﺋﻮﺭﯗﻧﻠﯩﺮﯨﻨﯩﯔ ﺋﻪﻣﻪﺱ، ﺑﻪﻟﻜﻰ ﺋﻮﻗﯘﺗﻘﯘﭼﯩﻼﺭ ﺗﻮﭘﻼﻧﻐﺎﻥ، ﻣﺎﺋﺎﺭﯨﭗ ﺑﯩﻨﺎﻛﺎﺭﻟﯩﻘﻰ ﺋﺎﺩﺍ ﻗﯩﻠﯩﻨﯩﯟﺍﺗﻘﺎﻥ ﺋﻮﺭﯗﻧﻨﯩﯔ ﺗﻪﺷﻜﯩﻼﺗﭽﯩﺴﻰ، ﭘﺎﺳﯩﺒﺎﻧﻰ، ﻣﯘﻻﺯﯨﻤﻰ ﺋﯩﻜﻪﻧﻠﯩﻜﯩﻨﻰ ﺋﯘﻧﺘﯘﻣﺎﺳﻠﯩﻘﻰ ﻛﯧﺮﻩﻙ. ﻣﺎﺋﺎﺭﯨﭗ ﺋﯚﺯ ﻣﺎﻫﯩﻴﺘﻰ ﺑﯩﻠﻪﻥ ﺗﯚﺭﯨﻠﻪﺭﺩﯨﻦ ﺧﺎﻟﯩﻲ ﻣﺎﻛﺎﻥ ﺑﻮﻟﯘﺵ ﻛﯧﺮﻩﻙ. ﺋﯘﻧﯩﯖﺪﺍ ﻛﯩﺒﯩﺮ ﻛﯜﻟﻜﯩﻠﯩﻚ، ﻛﯜﭺ ﻛﯚﺭﺳﯩﺘﯩﺶ ﺋﻪﺧﻤﻪﻗﻠﯩﻖ، ﻫﻪﻣﻤﻪ ﺋﯩﺸﺘﺎ، ﻫﻪﺭ ﺩﺍﺋﯩﻢ ﺋﻮﻗﯘﺗﻘﯘﭼﯩﻼﺭﻧﻰ ﻗﯩﻤﻤﻪﺗﻠﯩﻚ ﺋﻮﺭﯗﻧﻐﺎ ﻗﻮﻳﯘﭖ ﻗﻪﺩﯨﺮﻟﻪﺵ ﺋﺎﺭﻗﯩﻠﯩﻘﻼ ﺧﻪﻟﻘﻨﯩﯔ ﻣﺎﺋﺎﺭﯨﭗ ﺋﯩﺸﻠﯩﺮﯨﻨﯩﯔ ﺋﺎﺳﻤﯩﻨﻰ ﻳﻮﺭﯗﻳﺪﯗ. ﭘﯧﺸﻘﻪﺩﻩﻡ ﺋﻮﻗﯘﺗﻘﯘﭼﯩﻼﺭ ﺗﯧﺨﯩﻤﯘ ﻗﻪﺩﯨﺮﻟﻪﺷﻜﻪ، ﺩﺍﺋﯩﻢ ﺋﻪﺳﻠﻪﭖ ﺗﯘﺭﺷﯩﻤﯩﺰﻏﺎ ﺗﯧﮕﯩﺸﻠﯩﻚ ﺋﯩﻨﺴﺎﻧﻼﺭﺩﯗﺭ. ﺋﯘ ﺋﯚﺯ ﻧﯚﯞﯨﺘﯩﺪﻩ ﺋﻪﺟﺪﺍﺩﻻﺭﻏﺎ، ﺋﯩﻠﯩﻢ- ﻣﺎﺋﺎﺭﯨﭗ ﭘﯩﺸﯟﺍﻟﯩﺮﯨﻐﺎ ﻫﯚﺭﻣﻪﺕ ﻗﯩﻠﯩﺶ ﺋﯧﯖﻰ، ﺋﻪﻧﺌﻪﻧﯩﺴﻰ ﯞﻩ ﺋﻪﺧﻼﻗﻰ، ﺑﯘﻧﺪﺍﻕ ﺋﺎﯓ، ﺋﻪﻧﺌﻪﻧﻪ ﯞﻩ ﺋﻪﺧﻼﻕ ﺑﻮﻟﻤﯩﻐﺎﻧﺪﺍ ﻫﻪﺭ ﻗﺎﻧﺪﺍﻕ " ﺋﻪﻗﯩﻞ " ، " ﻗﺎﺑﯩﻠﯩﻴﻪﺕ " ، " ﺗﻪﺩﺑﯩﺮ " ﺗﯧﮕﻰ ﺗﯚﺷﯜﻙ ﻛﻮﺭﯨﺪﻩﻙ ﺋﻪﺳﻘﺎﺗﻤﺎﺱ ﺑﻮﻟﯘﭖ ﻗﺎﻟﯩﺪﯗ. ﺋﯚﺯ ﺋﻮﻗﯘﺗﻘﯘﭼﯩﻠﯩﺮﯨﻐﺎ ﺭﻩﻫﺒﻪﺭ ﺑﻮﻟﻐﺎﻥ ﺋﻮﻗﯘﻏﯘﭼﯩﻼﺭﻧﯩﯔ « ﭼﯜﺟﻪ ﺧﻮﺭﺍﺯ » ﺋﻪﻟﭙﺎﺯﻯ ﺋﻮﻗﯘﺗﻘﯘﭼﯩﻼﺭﻏﺎ ﺑﻪﻛﻤﯘ ﻫﺎﺭﻛﯩﻠﯩﺪﯗ. ﻳﺎﺵ ﭘﻪﺭﻗﯩﮕﻪ ﻛﻪﻟﮕﻪﻧﺪﻩ « ﻳﺎﺷﻠﯩﻖ ﺑﯩﻠﻪﻥ ﻗﯧﺮﯨﻠﯩﻖ ﺋﺎﺭﯨﺴﯩﺪﯨﻜﻰ ﻣﯘﺳﺎﭘﯩﻨﯩﯔ ﺑﻪﻛﻤﯘ ﻗﯩﺴﻘﺎ » ( ﻣﯘﻧﺘﺴﻜﻴﯘ ) ﺋﯩﻜﻪﻧﻠﯩﻜﯩﻨﻰ، ﺑﯘ ﺋﺎﺭﯨﺪﺍ ﺯﺍﻣﺎﻧﺪﺍﺵ ﺑﻮﻟﯘﺷﻘﺎ ﻛﺎﺷﯩﻼ ﻗﯩﻠﯩﺪﯨﻐﺎﻥ ﻣﯩﯔ ﻳﯩﻠﻼﺭﻧﯩﯔ ﻳﻮﻗﻠﯩﻘﯩﻨﻰ ﺋﻪﻗﯩﻞ ﺑﯩﻠﻪﻥ ﺋﻮﻳﻼﺵ ﻛﯧﺮﻩﻙ.
ﺋﻮﻗﯘﺗﻘﯘﭼﯩﻨﻰ ﺋﯘﻧﯩﯔ ﺋﺎﺋﯩﻠﻪ ﺋﻪﺯﺍﻟﯩﺮﻯ، ﺗﯘﻏﻘﺎﻧﻠﯩﺮﻯ، ﺩﻭﺳﺘﻠﯩﺮﻯ ﻗﻮﻟﻠﯩﺸﻰ، ﻫﯚﺭﻣﻪﺗﻠﯩﺸﻰ ﺋﯩﻨﺘﺎﻳﯩﻦ ﻣﯘﻫﯩﻢ. ﺩﻩﺭﯞﻩﻗﻪ، ﺑﯩﺮ ﻗﺎﻧﭽﻪ ﻗﯩﺮﯨﻨﺪﺍﺵ ﺋﯩﭽﯩﺪﻩ" ﺋﻪﭘﻪﻧﺪﻯ " ﺑﻮﻟﻐﯩﻨﯩﻨﯩﯔ ﻛﯩﺮﯨﻤﻰ ﺗﯚﯞﻩﻥ، ﺋﯚﺳﯜﺷﻰ ﺋﺎﺳﺘﺎ، ﻗﻮﺷﯘﻣﭽﻪ ﺗﺎﭘﺎﯞﯨﺘﻰ ﻳﻮﻕ ﺑﻮﻟﯩﺸﻰ ﻣﯘﻣﻜﯩﻦ. ﺋﻪﻣﻤﺎ ﺑﯘ ﻫﻪﺭﮔﯩﺰﻣﯘ ﺋﻪﺟﺮﻯ ﻛﻪﻡ، ﺗﯚﻫﭙﯩﺴﻰ ﻳﻮﻕ ﺩﯦﮕﻪﻧﻠﯩﻚ ﺋﻪﻣﻪﺱ. ﺑﺎﺷﻘﺎ ﺑﺎﻳﻠﯩﻖ ﯞﻩ ﻛﯩﺮﯨﻤﻠﻪﺭ ﺋﯩﺴﺘﯧﻤﺎﻝ ﺑﻮﻟﯘﭖ ﺗﯜﮔﯩﺴﯩﻤﯘ، ﻟﯧﻜﯩﻦ ﺋﯩﻠﯩﻢ ﭘﯜﺗﻤﻪﺱ- ﺗﯜﮔﯩﻤﻪﺱ ﺑﺎﻳﻠﯩﻖ. ﺋﻮﻗﯘﺗﻘﯘﭼﯩﻨﻰ ﻛﻪﺳﯩﭗ ﺋﺎﻟﻤﺎﺷﺘﯘﺭﯗﺷﻘﺎ، ﻣﻪﻧﺴﻪﭖ ﺗﯘﺗﯘﺷﻘﺎ ﺩﻩﯞﻩﺕ ﻗﯩﻠﻐﺎﻥ ﺋﺎﻳﺎﻝ، ﺋﻪﺳﻠﯩﺪﻩ ﺋﯚﺯ ﺋﯧﺮﯨﮕﻪ ﺋﯩﺨﺘﯩﻴﺎﺭﻟﯩﻖ ﺑﯩﻠﻪﻥ ﺋﻪﻣﻪﺱ ﻧﺎﺋﯩﻼﺝ ﺗﻪﮔﻜﻪﻥ ﺋﺎﻳﺎﻝ. ﺋﯘﻧﺪﺍﻕ ﺋﺎﻳﺎﻝ ﺋﯚﺯ ﺋﯧﺮﯨﻨﻰ ﺋﯘﻧﯩﯔ ﺋﯩﺠﺘﯩﻤﺎﺋﯩﻲ ﻗﯩﻤﻤﯩﺘﻰ ﺑﯩﻠﻪﻥ ﻗﻮﺷﯘﭖ ﺗﯘﺭﯗﭖ ﺳﯚﻳﮕﻪﻥ ﺋﺎﻳﺎﻝ ﺋﻪﻣﻪﺱ. ﻣﯧﻨﯩﯖﭽﻪ ﺑﯘﻧﺪﺍﻕ ﺋﺎﻳﺎﻟﻼﺭ ﭘﺎﺕ - ﭘﺎﺗﻼ ﺋﯧﺮﯨﻨﻰ ﭘﻪﺳﻠﻪﺷﺘﯜﺭﯨﺪﯨﻐﺎﻥ ﻛﻮﺗﯘﻟﺪﺍﺷﻼﺭﻧﻰ ﻗﯩﻠﻤﺎﻱ ﺗﯘﺭﺍﻟﻤﺎﻳﺪﯗ. ﻣﻪﻥ ﺋﻮﻳﻼﻳﻤﻪﻥ، ﺋﺎﺋﯩﻠﯩﺪﻩ ﺋﻮﻗﯘﺗﻘﯘﭼﯩﻐﺎ ﺋﯘﻧﯩﯔ ﺋﻮﻗﯘﺗﻘﯘﭼﻰ ﺑﻮﻟﯘﭖ ﻗﺎﻟﻐﺎﻧﻠﯩﻘﻰ ﺗﯜﭘﻪﻳﻠﻰ ﺋﯩﭙﺎﺩﯨﻠﯩﮕﻪﻥ ﻫﯚﺭﻣﻪﺗﺴﯩﺰﻟﯩﻚ ﭘﯜﺗﯜﻥ ﺋﯩﺠﺘﯩﻤﺎﺋﯩﻲ ﻫﯚﺭﻣﻪﺕ - ﺋﯩﺘﯩﺒﺎﺭﺳﯩﺰﻟﯩﻜﻠﻪﺭﻧﯩﯔ ﺋﯩﺨﭽﺎﻡ ﻛﯚﺭﯛﻧﯩﺸﯩﺪﯨﻦ ﺑﺎﺷﻘﺎ ﻧﻪﺭﺳﻪ ﺋﻪﻣﻪﺱ.


ﺑﯩﺰ ﻳﯘﻗﯩﺮﯨﺪﺍ «ﺋﻮﻗﯘﺗﻘﯘﭼﻰ» ﺩﯦﮕﻪﻥ ﺳﯚﺯﻧﻰ ﺋﯘﻧﯩﯔ ﺋﻪﺳﻠﻰ ﻣﺎﻫﺎﻳﯩﺘﻰ ﺑﻮﻳﯩﭽﻪ ﺗﻪﺭﯨﭙﻠﯩﺪﯗﻕ ﯞﻩ ﺋﯘﻧﯩﯖﻐﺎ ﻧﯩﺴﺒﻪﺗﻪﻥ ﺋﻮﻣﯘﻣﻴﯜﺯﻟﯜﻙ ﻫﯚﺭﻣﻪﺕ ﺗﯩﻜﻠﻪﺷﻨﻰ ﺗﻪﻛﯩﺘﻠﯩﺪﯗﻕ.
ﻫﻪﻣﻤﯩﮕﻪ ﻣﻪﻟﯘﻡ، ﺋﻮﻗﯘﺗﻘﯘﭼﻰ ﻛﻮﻧﻜﺮﯦﺖ ﺋﯩﻨﺴﺎﻥ. ﺋﯘﻧﯩﯔ ﺋﻮﻗﯘﺗﻘﯘﭼﻰ ﺩﯦﮕﻪﻥ ﺷﻪﺭﻩﭘﻠﯩﻚ ﻧﺎﻣﻐﺎ ﻻﻳﯩﻖ ﻳﺎﻛﻰ ﺋﻪﻣﻪﺳﻠﯩﻜﻰ ﻛﻮﻧﻜﺮﯦﺖ ﺋﻮﻗﯘﺗﻘﯘﭼﻰ ﻣﻪﺳﯩﻠﯩﺴﯩﺪﯗﺭ. ﮔﯩﻴﻮﺗﻰ ﺗﻮﻏﺮﺍ ﺋﯧﻴﺘﻘﺎﻧﯩﺪﻯ: "ﺗﻪﺭﺑﯩﻴﯩﺪﻩ ﭘﯘﺗﯘﻥ ﻣﻪﺳﯩﻠﻪ ﺋﻮﻗﯘﺗﻘﯘﭼﯩﻨﯩﯔ ﻛﯩﻢ ﺋﯩﻜﻪﻧﻠﯩﻜﯩﮕﻪ ﺑﺎﻏﻠﯩﻖ ."
ﺗﻪﺭﺑﯩﻴﻪ ﺑﯩﺮﯨﻨﭽﯩﺪﯨﻦ، « ﺋﯘﻟﯘﻍ ﺋﯩﺶ »، « ﺋﯩﻨﺴﺎﻧﯩﻴﻪﺗﻨﯩﯔ ﺗﻪﻗﺪﯨﺮﻯ ﺗﻪﺭﺑﯩﻴﻪ ﺑﯩﻠﻪﻥ ﻫﻪﻝ ﻗﯩﻠﯩﻨﯩﺪﯗ . » ( ﺑﯩﻠﯩﻨﺴﻜﻰ ) ؛ ﺋﯩﻜﻜﯩﻨﭽﯩﺪﯨﻦ، ﺗﻪﺭﺑﯩﻴﻪ « ﯞﯨﺠﺪﺍﻥ ﺋﯩﺸﻰ » ( ﮔﻴﻮﺗﻰ ) ؛ ﺷﯘﯕﺎ ﺋﻮﻗﯘﺗﻘﯘﭼﻰ ﺋﯚﺯ ﻛﻪﺳﭙﯩﻨﻰ ﺋﻪﻗﻠﻰ، ﻗﻪﻟﺒﻰ ﯞﻩ ﯞﯨﺠﺪﺍﻧﻰ ﺑﯩﻠﻪﻥ ﺳﯚﻳﯜﺷﻰ، ﺋﯘﻧﻰ ﺋﯘﻟﯘﻍ ﺗﺎﺭﯨﺨﯩﻲ ﺗﻪﺭﻩﻗﻘﯩﻴﺎﺗﻘﺎ ﺋﺎﯕﻠﯩﻖ ﺑﯩﺮﻟﻪﺷﺘﯜﺭﯨﺸﻰ ﻻﺯﯨﻢ. ﺋﯘ ﺟﺎﭘﺎﺩﯨﻤﯘ، ﻫﺎﻻﯞﻩﺗﺘﯩﻤﯘ، ﺋﯘﻧﯟﺍﻥ ﺋﺎﻟﻐﺎﻧﺪﯨﻤﯘ ﺋﯚﺯﯨﻨﻰ ﺗﯜﭖ ﯞﯨﺠﺪﺍﻧﻰ ﺋﯚﻟﭽﻪﻣﺪﯨﻦ ﻳﯩﺮﺍﻗﻼﺷﺘﯘﺭﯗﭖ ﻗﻮﻳﻤﺎﺳﻠﯩﻘﻰﻻﺯﯨﻢ .
ﺋﻮﻗﯘﺗﻘﯘﭼﻰ ﺗﻪﺭﺑﯩﻴﭽﯩﺪﯨﻦ ﺩﺍﺋﯩﻢ ﺋﯚﺯ - ﺋﯚﺯﯨﻨﻰ ﺗﻪﺭﺑﯩﻴﻠﻪﭖ ﺗﯘﺭﯗﺷﻨﻰ ﺷﻪﺭﺕ ﻗﯩﻠﯩﺪﯗ . "ﺋﻮﻗﯘﺗﯘﺵ ﺋﯩﻜﻜﻰ ﻫﻪﺳﺴﻪ ﺋﻮﻗﯘﺵ ﺩﯦﻤﻪﻛﺘﯘﺭ . " ﺑﻮﻟﯘﭘﻤﯘ ﻫﺎﺯﯨﺮﻗﻰ ﺩﻩﯞﺭﺩﻩ ﺋﻮﻗﯘﺗﻘﯘﭼﻰ ﻫﻪﺭ ﻛﯜﻧﻰ ﺋﯚﺯﯨﻨﯩﯔ ﺑﯩﻠﯩﻢ ﻓﻮﻧﺪﯨﻨﻰ ﺑﯧﻴﺘﯩﭗ ﯞﻩ ﻳﯧﯖﻼﭖ ﺗﯘﺭﻣﺎﻱ، ﺋﯚﺯ ﻣﻪﺟﺒﯘﺭﯨﻴﺘﯩﻨﻰ ﺋﺎﺩﺍ ﻗﯩﻠﯩﺶ ﻣﯘﻣﻜﯩﻦ ﺋﻪﻣﻪﺱ. ﺑﯩﻠﯩﻤﺴﯩﺰ، ﺑﯩﻠﻤﻰ ﺗﯚﯞﻩﻥ ﻳﺎﻛﻰ ﺑﯩﻠﯩﻤﻰ ﻛﻮﻧﯩﺮﯨﻐﺎﻥ ﻛﯩﺸﻠﻪﺭﻧﻰ ﻳﯘﻗﯩﺮﻯ ﺳﯩﻨﯩﭗ ( ﻣﻪﻛﺘﻪﭖ ) ﻳﺎﻛﻰ ﺋﻮﻗﯘﻏﯘﭼﯩﻠﯩﺮﻯ ﺋﺎﺳﺎﻧﻼ ﺑﺎﻳﻘﺎﭖ ﺋﺎﻻﻻﻳﺪﯗ. ﻣﯘﻫﯩﻤﻰ ﺑﺎﺷﻼﻧﻐﯘﭺ ﯞﻩ ﺋﻮﺗﺘﯘﺭﺍ ﻣﻪﻛﺘﻪﭘﻠﻪﺭﮔﻪ ﺋﻮﻗﯘﺗﻘﯘﭼﻰ ﻧﺎﻣﯩﺪﺍ ﺋﻮﺭﯗﻧﻼﺷﺘﯘﺭﯗﭖ ﻗﻮﻳﯘﻟﻐﺎﻥ « ﻏﻪﻳﺮﻯ ﺋﻮﻗﯘﺗﻘﯘﭼﻰ » ﻻﺭﻧﻰ ﻳﺎﻛﻰ ﻣﻪﺧﺴﯘﺱ ﺗﻪﺭﺑﯩﻴﻠﻪﭖ ﻳﺎﻛﻰ ﺧﯩﺰﻣﯩﺘﯩﻨﻰ ﻳﯚﺗﻜﻪﭖ ﺋﺎﺳﺎﺱ ﻣﺎﺋﺎﺭﯨﭗ ﺳﯩﻨﭙﯩﺪﯨﻜﻰ ﺋﻮﻗﯘﺗﻘﯘﭼﯩﻼﺭﻧﻰ ﻣﺎﺋﺎﺭﯨﭗ ﻓﺮﻭﻧﺘﯩﻨﯩﯔ ﺯﻩﺭﺑﯩﺪﺍﺭ ﺋﻪﺗﺮﯨﺘﯩﮕﻪ ﺋﺎﻳﻼﻧﺪﯗﺭﯗﺷﻘﺎ ﺗﯘﻏﺮﺍ ﻛﯧﻠﯩﺪﯗ. ﺑﯘﻧﯩﯖﺴﯩﺰ ﺋﻮﻗﯘﺗﯘﺵ ﺳﯜﭘﯩﺘﯩﻨﻰ ﻳﯘﻗﯩﺮﻯ ﻛﯚﺗﯜﺭﯛﺵ ﻣﯘﻣﻜﯩﻦ ﺋﻪﻣﻪﺱ .
ﺋﻮﻗﯘﺗﻘﯘﭼﻰ ﻳﻪﻧﻪ ﺋﻮﻗﯘﻏﯘﭼﯩﻐﺎ ﺑﯩﻠﯩﻢ ﺑﯧﺮﯨﺶ ﺋﺎﺳﺎﺳﯩﺪﺍ ﭘﯩﻜﯩﺮ ﻗﯩﻠﯩﺶ ﺋﯩﻘﺘﯩﺪﺍﺭﯨﻨﻰ ﻳﯧﺘﯩﻠﺪﯗﺭﯨﺪﯨﻐﺎﻥ ﺑﻮﻟﯘﺷﻰ ﻻﺯﯨﻢ. ﭼﯜﻧﻜﻰ " ﻣﻪﺩﻩﻧﯩﻴﻪﺗﻨﯩﯔ ﺑﯜﻳﯜﻙ ﯞﻩﺯﯨﭙﯩﺴﻰ ﺋﯩﻨﺴﺎﻧﻨﻰ ﭘﯩﻜﯩﺮ ﻗﯩﻠﯩﺸﻘﺎ ﺋﯚﮔﯩﺘﯩﺸﺘﯘﺭ " ( ﺋﯧﺪﯨﺴﻮﻥ ) . ﺑﯩﻠﯩﻢ - ﺋﯩﮕﯩﻠﻪﻧﮕﻪﻥ ﻫﻪﻗﯩﻘﻪﺗﻨﻰ ﺑﯩﻠﯩﯟﯦﻠﯩﺶ ﺑﻮﻟﯘﭖ، ﭘﻪﻗﻪﺕ ﭘﯩﻜﯩﺮ ﻗﯩﻠﯩﺶ ﻗﺎﺑﯩﻠﻴﯩﺘﻰ ﺋﺎﺭﻗﯩﻠﯩﻘﻼ ﺑﯩﻠﯩﻤﻨﻰ ﺭﺍﯞﺍﺟﻼﻧﺪﯗﺭﯗﺵ، ﺋﻪﻣﻪﻟﯩﻴﻪﺗﻜﻪ ﺗﻪﺩﺑﯩﻘﻼﺵ ﻣﯘﻣﻜﯩﻦ .
ﺗﻪﺭﺑﯩﻴﻪ ﻳﻪﻧﻪ ﺑﯩﺮ ﺟﻪﻫﻪﺗﺘﯩﻦ ﺋﯧﻴﯩﺘﻘﺎﻧﺪﺍ ﺋﯜﻟﮕﻪ ﻛﯚﺭﺳﯩﺘﯩﭗ ﻳﯧﺘﻪﻛﻠﻪﺵ ﺩﯦﻤﻪﻛﺘﯘﺭ. ﺋﻮﻗﯘﺗﻘﯘﭼﻰ ﺩﻩﺭﺱ ﺋﺎﺭﻗﯩﻠﯩﻖ، ﺗﻪﺟﺮﯨﺒﻪ ﺋﺎﺭﻗﯩﻠﯩﻖ ﺋﯩﻠﯩﻤﻨﻰ، ﺋﯚﺯﯨﻨﯩﯔ ﺋﻪﻣﻪﻟﯩﻲ ﻫﻪﺭﻛﯩﺘﻰ ﺋﺎﺭﻗﯩﻠﯩﻖ ﺋﯜﻟﮕﯩﻠﯩﻚ ﺋﯩﻨﺴﺎﻧﻨﻰ ﻧﺎﻣﺎﻳﺎﻥ ﻗﯩﻠﯩﺪﯗ. ﺑﯘ، ﺋﻮﻗﯘﺗﻘﯘﭼﯩﻨﯩﯔ ﺋﯚﺯﯨﻨﻰ ﺋﯜﺯﻟﯜﻛﺴﯩﺰ ﻛﺎﻣﺎﻟﻪﺕ ﻳﻮﻟﯩﻐﺎ ﻗﻮﻳﯘﭖ، ﺗﻮﺧﺘﯩﻤﺎﻱ ﺋﯩﻠﮕﯩﺮﯨﻠﯩﺸﯩﻨﻰ ﺗﻪﻟﻪﭖ ﻗﯩﻠﺪﯗ. ﺷﯘ ﭼﺎﻏﺪﯨﻼ ﺋﻮﻗﯘﺗﻘﯘﭼﻰ ﻫﻪﻗﯩﻘﯩﻲﺗﻪﻟﯩﻢ - ﺗﻪﺭﺑﯩﻴﻪ ﺳﺎﻫﯩﺒﻰ ﺑﻮﻟﯘﭖ ﻳﯧﺘﯩﺸﯩﺪﯗ .
ﺧﯘﻻﺳﻪ
ﺭﯦﺌﺎﻝ ﺩﯗﻧﻴﺎ ﺋﯩﭽﯩﺪﻩ ﺗﯘﺭﯗﭖ ﻛﻪﻟﮕﯜﺳﯩﮕﻪ ﻧﻪﺯﻩﺭ ﺗﺎﺷﻠﯩﻐﺎﻧﺪﺍ ﺋﺎﺋﯩﻠﻪ ﺑﯩﻠﻪﻥ ﺋﺎﻧﺎ، ﻣﺎﺋﺎﺭﯨﭗ ﺑﯩﻠﻪﻥ ﺋﻮﻗﯘﺗﻘﯘﭼﯩﻨﯩﯔ ﻣﯩﻠﻠﻪﺗﻨﯩﯔ ﻣﻪﻧﯩﯟﻯ ﺳﺎﭘﺎﺳﯩﻨﻰ ﺑﻪﻟﮕﯩﻠﻪﺷﺘﯩﻜﻰ ﻫﻪﻝ ﻗﯩﻠﻐﯘﭺ ﺭﻭﻟﯩﻨﻰ ﺟﻪﻣﺌﯩﻴﻪﺗﺘﯩﻜﻰ ﺋﻮﻣﯘﻣﯩﻲ ﻛﯩﺸﻠﻪﺭﻧﯩﯔ ﺋﯧﺘﯩﺮﺍﭖ ﻗﯩﻠﯩﭗ، ﺋﻮﻣﯘﻣﯩﻲ ﺋﺎﯓ ﺩﻩﺭﯨﺠﯩﺴﯩﮕﻪ، ﺋﻪﻗﯩﺪﻩ ﺩﻩﺭﯨﺠﯩﺴﯩﮕﻪ ﻛﯚﺗﯜﺭﯛﺷﻨﻰ ﺗﻪﻟﻪﭖ ﻗﯩﻠﯩﻨﯩﺪﯗ. ﺋﻮﻗﯘﺗﻘﯘﭼﯩﻨﻰ ﻫﯚﺭﻣﻪﺗﻠﻪﺵ ﺑﯩﻠﻪﻥ ﺋﻮﻗﯘﺗﻘﯘﭼﯩﻼﺭ ﻗﻮﺷﯘﻧﻰ ﻗﯘﺭﯗﻟﯩﺸﯩﻨﯩﯔ ﺳﺎﭘﺎﺳﯩﻨﻰ ﺑﯩﻠﻠﻪ ﭼﯩﯔ ﺗﯘﺗﯘﺵ ﺋﯘﻧﯩﯔ ﻣﻪﺭﻛﯩﺰﯨﻲ ﻫﺎﻟﻘﯩﺴﻰ .