ئەتتىرگۈل تارخ بلوگى

版权声明：转载时请以超链接形式标明文章原始出处和作者信息及本声明
logs/40158841.html

دۇنيادا جاھالەتتىنمۇ يامان ئىش بارمۇ ؟ ئەگەر ئالىم بولۇپ تۇرۇقلۇق پاسىق بولسا ، ئىلىمگە ئەمەل قىلمىسا ، ئۇنداق ئالىم ئۆزىگە ۋە ئۆزگىگە زالىملىق قىلغان بولىدۇ .

بىخىل باي ئۆز زىيىنىغا ئىش قىلىدىغان ھاماقەتتۇر

دۇنياغا كەلگەن ئىكەنسەن ، كامال تاپماققا ھىممەت قىل ، ھەمىشە غەم - غۇسسە بىلەن يۈرۈش لازىم ئەمەس . جاھاندىن ئىنسانلىق بۇرچۇڭنى ئادا قىلماي ئۆتۈش مۇنچىغا كىرىپ ناپاك چىققان بىلەن باراۋەدۇر .

كۆپ ئاڭلاش ، ئاز سۆزلەش خۇددى سەدەپنى گۆھەرگە ئايلاندۇرغانغا ئوخشايدۇ .

ساخاۋىتى يوق باي يامغۇرى يوق بۇلۇتقا ، ئىلىمگە ئەمەل قىلمىغان ئالىم كىتاپ يۈكلەنگەن ئىشەككە ئوخشايدۇ .

ئىلىم ئىگىلەپ ئەمەلدە كۆرسەتمىگەن كىشىنىڭ ئىشى يەرنى ھەيدەپ ئۇرۇق سالمىغانغا ياكى يەرگە ئۇرۇق سىلىپ ھوسۇل ئالمىغانغا باراۋەر .

گاداينىڭ پەرزەنتى بولسىمۇ ئىلىملىك بولسا ، ئىسىلزادىلەرمۇ دائىم ئۇنىڭغا ھەمنەپەس بولىدۇ ، ھەتتا دۆلەت ئەربابلىرىمۇ ئۇنىڭغا يىقىنلىشىدۇ . ئىسىلزادە بولسىمۇ ئىلىم شاراپىتىدىن مەھرۇم بولسا ، ئۇنداق كىشى خالايىق نەزىرىدە يارامسىز ، نەزەردىن ساقىت كىشىدۇر .

ئەقىللىك كىشى باشقىلارنىڭ ئەيىبىنى كۆرسە ، ئۇنىڭدىن ئۆزىنى قاچۇرىدۇ ۋە ئۇنىڭدىن ئىبرەت ئىلىپ ، ئۆزىنى ياخشىلىققا مايىل قىلىدۇ .

كىمكى ئىلىمنى ئىززەت - ئابرۇي تىپىشنىڭ ۋاستىسى قىلىدىكەن ، ئۇ ئۆزىنىمۇ ، باشقىلارنىمۇ خاتالىققا باشلايدۇ .

مال - دۇنياسى كۆپ ناداننىڭ ئاغزىغا كەلگەننى دىيىشى ئالتۇن رەڭ چىۋىننىڭ نىجاسەتكە قونىشى بىلەن ئوخشاش .

ئالىم ئىلىمنىڭ شان - شۆھرىتىنى ئاسرىشى ،گۆھەرنى تاشقا ئۇرماسلىقى كىرەك .

ئەقىللىق دوستنىڭ نەسىھىتىنى ئاڭلىماسلىق پۇشايمان ۋە ئۆز - ئۆزىگە ھاقارەت كەلتۈرۈش بىلەن نەتىجىلىنىدۇ .

نادان ، زالىم كىشى بىلەن ھەمداستىخان بولما ! چۈنكى ئىت ئادەم بىلەن ھەمتاۋاق بولۇشقا مۇناسىپ ئەمەس . يارىماس، نادانلارنى سىرداش دوست تۇتما ، چۈنكى ئىشەك ئادەم بىلەن دوست بولۇشقا لايىق ئەمەس

جاھىللار دانالارنىڭ سۆزىنى ئاڭلىمىسا ، دانالاردا نىمە ئەيىب !؟

قىلىش لازىم بولغان ئىشنى قولۇڭدىن كەلسە كىچىكتۈرمە !

كىمكى جاھىل ، نادانلار بىلەن ئۈلپەت بولسا ئۇنىڭدىن كۆرمىكى كۈلپەتتۇر

ھەرقانداق ئىشنى ئۆزى قىلغانغا يەتمەيدۇ ، قىلغاندىمۇ شۇ ئىشنىڭ قائىدە - ئۇسۇللىرىنى بىلىپ ئىشلىسە ، بۇ بىر ھىكمەتتۇر . بۇ ، ماھىيەتتە ، نەزىرىيە بىلەن ئەمەلىيەتنىڭ بىرلىكىدۇر .

قەلەم ئەھلى ئەگەر پۇقرالارغا زۇلۇم قىلىش يولىدا قەلەم تەۋرىتىدىكەن ، قەلەم تۇتقان قوللىرى قەلەمچىدەك كىسىلگەي !

ئەگەر نادان ، جاھىل كىشى قىلمىشلىرىغا چىندىن پۇشايمان قىلسا ، ئالىملىق دەرىجىسىگە يىتىشى مۇمكىن .

كىشى ئىلىم تەھسىل قىلىشتا مۇنازىرىگە ۋە تالاش - تارتىش قىلىشقا ماھىر ، جۈرئەتلىك بولمىقى لازىم . ئۇنداق بولمىغاندا ئىلىم ئەھلىنىڭ ئالدىدا ئاجىز بولىدۇ .

ئەقىل كۆزى كور كىشى ھەرقانچە باي بولسىمۇ ، ئەقىللىكىلەرگە سايىللارچە مۇھتاج بولىدۇ . مۇقەررەركى ، دۇنيادىكى بايلىقلار كىشىلەرنىڭ ئەقىل پاراسىتىدىن ھاسىل بولغان . دانالارنىڭ پەم - پاراسىتىگە ھىچنەرسە تەڭ ئەمەس .


كىمكى ئىلىم مەرىپەتتە زامانىسىنىڭ يىگانىسى بولۇپ ، نادانلىق - جاھىلىيەتكە قارشى كۈرەش قىلمايدىكەن ، ئۇنداق بىلىمنىڭ نىمە ئەھمىيىتى ؟؟؟؟

مەنبەسى : شىنجاڭ گىزىتى