چاشقانغا ئايلانغان يۈرەك
ئىككىمىز شۇنداق خوشال ھالدا كېتىۋاتىمىز . سەن مىنىڭ بېلىگىمگە چىڭ يېپىشقان ئىدىڭ ، سىنىڭ كۈلكەڭ تولىمۇ يېقىملىق ھەم جاراڭلىق ئىدى ، لىكىن سەن شۇنچە يېقىملىق كۈلگەنسىرى مەن روھىم ۋە جىسمىمىنى شۇنچە ئاجىزلاۋاتقاندەك ھىس قىلاتتىم ، بىز تۇيۇقسىز قاراڭغۇلۇقتا قالدۇق ، ئەمما قاراڭغۇلۇق ئىچىدە تېنەپ -تەمتىرەپ ئالغا ئىلگىرلەيتتۇق . ئەتراپمىزدا ھچكىم كۆرۈنمەيتىتى ،يېراققىتىن بىر ئىتنىڭ قاۋىغان ئاۋازى ئاڭلىنىۋاتاتتى ، شۇ دەقىقە سەن ئاۋاز تەرەپكە مېڭىشنى ئېييتىڭ ، ئەمما مېنىڭ بۇ ئاۋازنى ئاڭلىغانسىرى بەدىنىمگە تىترەك ئولىشىۋاتاتتى ،.
ئىت قاۋىغان ئاۋازى بارغانسىرى يېقىنلاشتى ، ئاخىرى شۇ ئاۋاز تەرەپكە يۈزلەنمەي ، زۇلمەت كوچىدىن چىقىپ كېتىشكە كۆزۈم يەتمىدى ، ئاخىرى مەنمۇ شۇ تەرەپكە قاراپ يۈزلەندىم ، ئەمما بۇ چاغدا ھلىقى غالجىر ئىت ئاللىقاچان بىزگە يېقىنلاپ بولغان ئىكەن ، ئىت ماڭا قاراپ ئېتىلدى ، مەن ئۇنىڭدىن قۇتۇلۇش ئۈچۈن ئۇنىڭ كانىيىگە ئېسىلدىم ، ئەمما ئۇ چاققان كېلىپ مىنىڭ يۈرۈگۈمگە چىشىنى پاتتۇرۇپ بولدى ، قانچىلىك ۋاقىت ئېلىشقىنىمىزنى بىلمىدىم ، تۇيۇقسىز كۆز ئالدىم قاراڭغۇلىشىپ يەرگە يىقىلدىم ، شۇ تاپتا يۈرۈگۈم سوقۇشتىن توختاپ قالغاندەك بولدى ، قارىسام غالجىر ئىت يۈرۈگۈمنى سۇغۇرۇپ تاشلاپتۇ .
ئاخىرقى دەقىقىدە مەن يەنىلا سېنى ئويلىدىم ، غالجىر ئىتتىن قانداق قۇتۇلدۇرارمەن دەپ ئويلىدىم ، لىكىن سەن تېخىمۇ قاتتىق كۈلۈپ كەتتىڭ ، مەن تولىمۇ ھەيران قالدىم ، ئەمما ئويلىمىغان يەردىن ھېلىقى غالجىر ئىت ئادەم سىياقىغا كىرىپ قالدى دە - مەنسىتمەسلىك نەزەرىدە كۈلگىنىچە- سېنى قولتۇقلاپ ماڭدى ، سىلەرنىڭ كۈلكەڭلار بارغانسىرى يېراقلاشماقتا ئىدى .
مەن تولىمۇ ھالسىزلاندىم ،ئەمما ۋاپاسىزلىق قىلساڭمۇ يەنىلا سېنى ئاخىرقى قېتىم كۆرۈش ئىستىگى كۈچلۈك كەلدى ، بىراق شۇنچە قىلساممۇ سېنى كۆرەلمىدىم ، چۈنكى ھېلىقى غالجىر ئىت سۇغۇرىۋاتكەن يۈرۈگۈم چاشقانغا ئايلىنىپ ئىككى كۆزۈمنى ، روھىمنى غاجاپ بولغان ئىكەن .