خەلقئارا تورى مەخسۇس خەۋىرى:  ئاۋسترالىيە بىرلەشمە تېلېگراف ئاگېنتلىقنىڭ 8- ئاينىڭ 4- كۈنىدىكى خەۋىرى:بىرساقچىنىڭ ئىسپاتلاپ بېرىشىچە، ھىندىستاننىڭ جەنۇبىدىكى كارناتاكادا 10 نەپەر  ئالدامچى دەپ گۇمان قىلىنغان ئادەم  غەزەپلەنگەن ئامما تەرىپىدىن «ئۆلۈم جازاسى بېرىلىپ ئىجرا قىلىندى».
 ھىندىستاننىڭ  يېزا سەھرا رايونىدىكى «زوراۋان  ھەقىقىتى» يەنە كىشىلەرنىڭ دىققىتىنى قوزغىدى. كارناتاكا ئۆلكىسىدىكى باش تەپتىش مالىنى. كرىشنامۇرسىي ئىسپاتلاپ مۇنداق دەيدۇ:« 8- ئاينىڭ 2- كۈنىدىن 3- كۈنىگىچە، جەمئىي ئون  ئادەم خەلق تەرىپىدىن ئۇرۇپ ئۆلتۈرۈلگەن».
 ئۆز كۆزى بىلەن كۆرگۈچىنىڭ دېيىشىچە، زوراۋان  خەلق بۇ ئادەملەرنىڭ ماشىنىسىنى توسۇۋىلىپ،  كېيىن ئالتە  ئادەمنى ماشىنغا باغلاپ، ئوت  قويۇۋەتكەن.   قالغان ئالتە ئادەمنىڭ ئىچىدە ئۈچى قېچىپ كەتكەن بولسىمۇ بىراق  ئۇلار  قوغلاپ يېتىپ بۇ ئۈچەيلەننى ئۇرۇپ ئۆلتۈرۈۋەتكەن. ئۇنىڭ ئىچىدىكى ئۈچى ئېغىر يارىلىنىپ، بەنجالور دوختۇرخانىسىغا ئېلىپ كېلىندى، ئۇنىڭ ئىچىدە بىرى ئۆلۈپ كەتتى».
كرىشنامۇرسىينىڭ دېيىشىچە،  ئۆلگۈچىلەرنىڭ يېشى 20 ياشتىن 30 ياشقىچە بولغان ئەرلەر بولۇپ. قوشنا ئۆلكە ئەندھىرا ئۆلكىسىدىن كەلگەن. ئۇلار بىرئايالنىڭ ئالتۇن زىبۇ-زىننەتلىرىنى بۇلاۋاتقاندا،  خەلقنىڭ ھۇجۇمىغا ئۇچرىغان. ساقچى تەرەپ گۇمان قىلىپ مۇنداق دېگەن:« بەلكىم بۇ كىشىلەر بىر گورۇھتىن بولۇشى مۇمكىن.  ئۇلار ئىلگىرى بۇ كەنىتكە كەلگەن، ۋە  كەنتتىكى كىشىلەرنىڭ ئالتۇنلىرىنى سىلىقلاپ بېرىمىز،دېگەننى باھانە قىلىپ، كىشىلەرنىڭ ئالتۇن جابدۇقلىرىنى يېغىۋىلىپ يوقاپ كەتكەن ئىكەن».
 دەسلەپكى تەكشۈرۈش ئارقىلىق ساقچى تەرەپ 71 گۇماندارنى قولغا ئالدى.  ھىندىستاندا زوراۋان خەلقنىڭ مۇشۇنداق ۋەقەلىرى دائىم بولۇپ تۇرىدۇ. يەرلىك ساقچىلار پارىخور ۋە قۇراللىرى ئارقىدا قالغان سەۋەبلىك كونتىرول قىلىشقا ئامالسىز. بۇ خىل زوراۋانلىق ۋەقەلىرىنى دائىم  ئالدامچىلار ۋە  ئوغرىلار كەلتۈرۈپ چىقىرىدۇ.