7 - ئاينىڭ 30 - كۈنى سائەت 17 دە ، خوتەن شەھىرى ئالار قۇملۇق تاشيولىنىڭ 80 كىلومېتىر يېرىدە چوشقا بېسىپ ماڭغان كىچىك يۈك ماشىنىسى يەنە بىر چوڭ يۈك ئاپتوموبىلىنىڭ كەينىدىن كېلىپ ئۈسسۈپ ، كىچىك يۈك ماشىنىسىنىڭ شوپۇرى نەق مەيداندا ئۆلگەن .
خوتەن ۋىلايەتلىك جامائەت خەۋسىزلىك ئوت ئۈچۈرۈش ئەترىتىنىڭ دىيىشىچە ، شۇ كۈنى 17 دىن 34 مىنۇت ئۆتكەندە ، ۋەقە سىگنالىنى تاپشۇرىۋالغاندىن كىيىن دەرھال نەق مەيدانغا يېتىپ كەلگەن . بىر نەپەر قۇتقۇزغۇچى خادىم شۇيەردىكى ئەھۋالنى چۈشەندۈرۈپ : " بىز ئۇيەرگە بارغاندا ، 20 نەچچە چوشقا باسقان كىچىك تىپتىكى يۈك ماشىنىسى ، بالون يېرىلىپ كېتىش تۈپەيلى يولنىڭ چېتىگە توختىتىپ ئوڭشاۋاتقان  “新R0***7” نومۇرلۇق چوڭ تىپتىكى يۈك ماشىنىسىنىڭ كەينىدىن كېلىپ ئۈسسۈپ ، پۈتۈن يەر ماشىنىنىڭ تۆمۈر تەسەكلىرى بىلەن توشۇپ كەتكەن ئىكەن . بىز بۇ شەكلى ئېغىر دەرىجىدە ئۆزگىرىپ كەتكەن يۈك ماشىنىسىنى پارچىلايدىغان ئەسۋاپلار بىلەن  چۇۋۇپ جەسىتىنى چىقىرىۋالدۇق " دېدى .