جۇڭگو ئاخبارات تورىنىڭ 2-ئىيۇل خەۋىرى: لىۋىيە رەھبىرى قازافى 7-ئاينىڭ 1-كۈنى تەھدىت سېلىپ، ئەگەر ش ئا ئە ت قوشۇنلىرى لىۋىيەگە قارىتىلغان ھاۋا ھۇجۇمىنى توختاتمىسا، لىۋىيەنىڭ ياۋروپاغا ھۇجۇم قوزغايدىغانلىقىنى بىلدۈرگەن.
لىۋىيە دۆلەتلىك تېلېۋىزىيە ئىستانسىسىنىڭ خەۋىرىگە ئاساسلانغاندا، قازافى شۇ جاي ۋاقتى 7-ئاينىڭ 1-كۈنى كەچتە پايتەخت تىرىپولىغا يىغىلغان زور بىر تۈركۈم قوللىغۇچىلىرىغا سۆز قىلىپ، ش ئا ئە ت نىڭ لىۋىيەگە ھاۋا ھۇجۇمى قىلىشنى دەرھال توختىتىشىنى دەۋەت قىلغان، بولمىسا لىۋىيە ئارمىيىسى ئوتتۇرا دېڭىز ۋە ياۋروپاغا «ھەرىدەك ھۇجۇم» قوزغايدىغانلىقىنى بىلدۈرگەن.
ئامېرىكا دۆلەت مەھكىمىسىنىڭ باياناتچىسى قازافىنىڭ سۆزىگە جىددىي مۇئامىلە قىلىدىغانلىقىنى ئېيتقان. قازافى سۆز قىلىپ نەچچە سائەتتىن كېيىن، تىرىپولىدىن ش ئا ئە ت ئۇرۇش ئايروپىلانلىرى ھۇجۇم قىلغان قاتتىق پارتلاش ئاۋازلىرى ئاڭلانغان.