شىنخۇا ئاگېنتلىقى، ۋاشىنگتون، 5 – يانۋار تېلېگراممىسى. خەلقئارا پۇل فوندى تەشكىلاتى(IMF) 5 – يانۋار ئېلان قىلغان دوكلاتىدا مۇنداق دېيىلدى: چېگرا ھالقىغان كاپىتالنىڭ يۆتكىلىشىنىڭ خەلقئارا پۇل مۇئامىلە سىستېمىسىغا كۆرسەتكەن تەسىرى كۈندىن كۈنگە زورىيىۋاتىدۇ، بۇ، دۇنيا پۇل مۇئامىلە ئىشلىرىنىڭ مۇقىملىقىغا زىچ مۇناسىۋەتلىك بولۇپ، IMF بۇ ساھەنى نازارەت قىلىش فۇنكسىيەسىنى كۈچەيتىدۇ.
    دوكلاتتا مۇنداق دېيىلدى: كاپىتالنىڭ يۆتكىلىشى نۇرغۇن دۆلەت، بولۇپمۇ تەرەققىي تاپقان ئىقتىسادىي گەۋدىدە خەلقئارالىق سودىنى يېتەكلەۋاتىدۇ، يېقىنقى يىللاردىن بۇيان، يېڭىدىن گۈللەنگەن بازارلار خەلقئارالىق سودىدا تېخىمۇ زور رول ئوينىماقتا. بۇ خەلقئارالىق پۇل سىستېمىسىنىڭ ئاچقۇچلۇق ئالاھىدىلىكى بولۇپ، كاپىتالنىڭ يۆتكىلىشىنىڭ مۇقىملىقىنى قوغداش خەلقئارا پۇل فوندى تەشكىلاتى فۇنكسىيەسىنىڭ مۇھىم تەركىبىي.
 
    IMFنىڭ دوكلاتىدا يەنە مۇنداق دېيىلدى: چېگرا ھالقىغان كاپىتالنىڭ يۆتكىلىشى دۇنيا پۇل مۇئامىلە سىستېمىسىدىكى مۇرەككەپ ئۆزئارا بېقىنىش ۋە سىياسەتنىڭ تاشقى تەسىرىنى كەلتۈرۈپ چىقىرىدۇ، بىراق دۇنيا بويىچە ھازىرغىچە كاپىتالنىڭ يۆتكىلىشىنى باشقۇرىدىغان بىرلىككە كەلگەن بەلگىلىمە يوق.