ئابدۇللا ئابدۇرېھىم 2011-يىللىق ناخشا كېچىلىكى رەپىتىس ئىشلىرى باشلىنىپلا يەنە بۇرۇنقىدەك بەزى قىيىنچىلىقلارغا دۇچ كەلدى. گەرچە ئىدارە پۈتۈن كۈچى بىلەن قوللاش ئىپادىسىنى بىلدۈرگەن بولسىمۇ، رەپىتىسكە كېتىدىغان راسخوت ۋە كاپالەتلىك ئۈسكۈنە - سايمانلارنىڭ كەمچىل بولىشى باشنى ئاغرىتىدىغان ئىش بولدى.

ئۆز ئارزۇسىدىكىدەك كېچىلىگىنى مەيدانغا كەلتۈرۈش ئۈچۈن تىرىشچانلىق كۆرسىتىۋاتقان ئەل سۆيگەن ئارتىسىمىز ئابدۇللا ئابدۇرېھىم رەپىتىس ئىشنى راۋانلاشتۇرۇشنىڭ تەخىرسىز ئىش ئىكەنلىكىنى كۆزلەپ ئابدۇللا ئابدۇرېھىم ئانسامبىلىدىكى ئەترەت باشلىقى، باس گىتارچى مەردان قاتارلىقلارنىڭ مەسلىھەتىنى ئالغاندىن كېيىن، 80 مىڭ يۈەن پۇل ئاجرىتىپ رەپىتىسكە جىددىي كېرەكلىك ئەسۋاپلارنى سېتىۋالدى. شۇنىڭ بىلەن تۇنجى قەدەمدىكى بۇ قىيىنچىلىق ھەل بولغان بولدى.