ئوباما سالۋادوردىكى زىيارىتىنى قىسقارتقانلىقتىن 23-مارت، بەلگىلەنگەن ۋاقىتتىن نەچچە سائەت بۇرۇن ئاق سارايغا يېتىپ كەلگەن بولۇپ، بىراق ئويلىمىغان يەردىن ئاق ساراينىڭ ئىچىگە كىرەلمەي سىرتتا سولىنىپ قالغان.
ئوباما سالۋادوردىكى زىيارىتىنى تۈگىتىپ قايتىپ كېلىدىغىنىنى خىزمەتچى خادىملارغا خەۋەر قىلمىغان بولۇپ، نەتىجىدە ئاق ساراينىڭ ئىشىكلىرى تاقاق بولغانلىقتىن ئىشخانىسىگە كىرەلمىگەن. دەل مۇشۇ چاغدا بەزى ئاخبارات ۋاستىلىرى ئوبامانىڭ دەل ئاق ساراينىڭ ئىچىگە كىرەلمەيۋاتقان ھالىتىنى سۆرەتكە تارتىۋالغان بولۇپ، ئەنگىلىيە ئاخبارات ۋاستىلىرى بۇنىڭغا قارىتا: «قارىغاندا ھەرقانچە ھوقوقى چوڭ ئەمەلدار بولسىمۇ، ئۇنىڭمۇ كىرەلمەيدىغان ھەم ئۇنىڭغىمۇ ئېچىلمايدىغان ئىشىك بولىدىكەندە!» دېگەن.
بىراق ئوباما بۇ ئىشقا تېرىكمەستىن بىر قانچە ئىشىكنى ئېچىپ سىناپ باققان. كېيىن كىچىك بىر ئىشىكنىڭ ئوچۇقلىقىنى بايقاپ شۇ ئىشىكتىن ئىشخانىسىغا كىرىپ كەتكەن. ئىگىلىنىشچە، ئامېرىكا ھۆكۈمىتىنىڭ لىۋىيەگە قاراتقان بەزى سىياسەتلىرى چەت دۆلەتلەرنىڭ ئەيىپلىشىگە ئۇچراۋاتقانلىقتىن، ئوباما تېزدىن قايتىپ كېلىپ سىياسىي كىرزىسنىڭ ئالدىنى ئېلىشقا مەجبۇر بولغان.