ئامېرىكا كالفورنىيە ئىشتاتى بارستوۋ شەھىرىدە 20-مارت بىر ئايرۇپىلان چۈشۈپ كەتكەن. ئايرۇپىلاندىكى ئۈچ ئادەمنىڭ ھەممىسى قازا قىلغان. بۇ كالفورنىيەدە بىر ھەپتە ئىچىدە ئىككىنچى قېتىم كىچىك تىپتىك ئايرۇپىلان چۈشۈپ كېتىش ۋەقەسى بولۇپ ھېساپلىنىدۇ.
ئامېرىكا فىدراتسىيە ئاۋىياتسىيە باشقۇرۇش ئىدارىسىنىڭ باياناتچىسىنىڭ چۈشەندۈرۈشىچە، بۇ ۋەقە چۈش سائەت 12:40 تا يۈز بەرگەن بولۇپ، بىر كىچىك تىپتىكى ئايرۇپىلان كالفورنىيەنىڭ سان بىرناردىنو ناھىيەسىنىڭ بارستور ئايرۇدرۇمىدىن 4 كىلومېتىر كېلىدىغان جايدا چۈشۈپ كەتكەن، ئايرۇپىلاندىكى ئۈچ ئادەمنىڭ ھەممىسى قازا قىلغان. بۇ ئايرۇپىلان لاسۋىگاسقا بارىدىغان بولۇپ، لوس-ئانژىلىس شەھىرىگە 200 كىلومېتىر كېلىدىكەن.
نۆۋەتتە ئايرۇپىلاننىڭ چۈشۈپ كېتىش سەۋەبى ئېنىق ئەمەس بولۇپ، ئالاقىدار تەرەپلەر تەكشۈرۈشنى باشلىغان.
مۇشۇ ئاينىڭ 16-كۈنى، لوس-ئانژىلىشتا، بىر كىچىك تىپتىكى سودا ئايرۇپىلان قوزغىلىپ ئۇزۇن ئۆتمەيلا چۈشۈپ كەتكەن بولۇپ، بەش ئادەمنىڭ قازا قىلىشى، بىر ئادەمنىڭ يارلىنىشىنى كەلتۈرۈپ چىقارغان.