شىنخۇا ئاگېنتلىقىنىڭ 14–مارت ۋاشىنگتوندن بەرگەن تېلېگراممىسى.ئامېرىكا ئالەم قاتنىشى ئىدارىسىنىڭ 14 –مارت ئېلان قىلغان باياناتىدا مۇنداق دېيىلدى: ئىدارىمىز رۇسىيە فېدېراتسىيەسى ئالەم قاتنىشى مەھكىمىسىبىلەن ئومۇمىي سوممىسى 753 مىليون دوللارلىق توختام ئىمزالىدى، رۇسىيە فېدېراتسىيەسى ئالەم قاتنىشى مەھكىمىسى 2014 – يىلىدىن 2016 – يىلى 6 – ئايغىچە ئامېرىكىنىڭ 12ئالەم ئۇچقۇچىسىنى خەلقئارا ئالەم پونكىتىغا يەتكۈزۈپ بېرىدۇ.بۇ ھەر بىر ئامېرىكائالەم ئۇچقۇچىسىنىڭ ئالەم بوشلۇقى پونكىتىغا قايتىش بېلىتىنىڭئۆرلەپ 62 مىليون 750 مىڭ دوللارغا ئۆسكەنلىكىدىن دېرەك بېرىدۇ.

　　ئامېرىكا ئالەم قاتنىشى ئىدارىسى بۇلتۇر رۇسىيەفېدېراتسىيەسى ئالەمقاتنىشى مەھكىمىسى بىلەن 335 مىليون دوللارلىق توختام ئىمزالىغان، شۇ ۋاقىتتا ھەر بىر ئامېرىكا ئالەم ئۇچقۇچىسىنىڭ 2013 – يىلىدىن 2014 – يىلغىچە ئالەم بوشلۇقى پونكىتىغا قايتىش بېلىتىنىڭ باھاسىنى 55 مىليون 800 مىڭ دوللار قىلىپ بېكىتكەن. ھازىرقىبېلەت باھاسى تەخمىنەن 51 مىليون دوللار.ئامېرىكا ئالەم قاتنىشى ئىدارىسى: پۇل پاخاللىقى بېلەت باھاسىنىڭ ئۆرلەپ كېتىشىدىكى ئاساسلىق سەۋەب، دېدى.

　　ئامېرىكىنىڭ ئالەم ئايروپىلانلىرى بۇ يىل ئومۇميۈزلۈك ۋەزىپە ئۆتەشتىن توختايدۇ. بۇنىڭدىن كېيىن ئامېرىكا ئالەم ئۇچقۇچىلىرى رۇسىيەنىڭ ئالەم كېمىسى بىلەن ئالەم بوشلۇقى پونكىتىغا بارىدۇ. ئالەم بوشلۇقى پونكىتىغا مال يەتكۈزۈپ بېرىشكەئامېرىكىدىكى ئىككى سودا شىركىتى ھەم رۇسىيە، ياۋروپا، ياپونىيە مەسئۇل بولىدۇ.

　　مەنبە: تەڭرىتاغ ئۇيغۇر تورى