شىنخۇا ئاگېنتلىقى، ۋاشىنگتون، 12 – يانۋار تېلېگراممىسى. ئامېرىكا ئارمىيەسى ئىشتاب باشلىقلىرى بىرلەشمىسىنىڭ رەئىسى ماك مارلون 12 – يانۋار ۋاشىنگتوندا: بۇ يىل ئافغانىستاندا زوراۋانلىق توقۇنۇشى يەنىمۇ ئېغىرلىشىپ، ئامېرىكا ئارمىيەسىدىن تالاپەتكە ئۇچرايدىغانلار داۋاملىق كۆپىيىشى مۇمكىن، دېدى.
 
   مارلون شۇ كۈنى ئېچىلغان چەت ئەللىك مۇخبىرلارنى كۈتۈۋېلىش يىغىنىدا: ئافغانىستان ئامېرىكىنىڭ دۆلەت خەۋپسىزلىك ئىستراتېگىيەسىنىڭ مۇھىم مەركىزى، دېدى. ئۇ: ئافغانىستاننىڭ قىسمەن رايونلىرىنىڭ 2011 – يىلىدىكى زوراۋانلىق توقۇنۇش ۋەزىيىتى 2010 – يىلىدىكىدىن ئېغىر بولۇشى مۇمكىن، دەپ قارىدى.
   مارلون: ‹‹بىز ياخشى تەييارلىق قىلىشىمىز كېرەك، كەلگۈسى بىرقانچە ئايدا تېخىمۇ ئېغىر زوراۋانلىق توقۇنۇشى يۈز بېرىشى ۋە تېخىمۇ كۆپ كىشى تالاپەتكە ئۇچرىشى مۇمكىن››، دېدى.