شىنخۇا ئاگېنتلىقى، لوس – ئانژېلىس، 12 – يانۋار تېلېگراممىسى. ئامېرىكا لوس – ئانژېلىس شەھەرلىك ئاممىۋى قاتناش شىركىتى 12 – يانۋار: شەھىرىمىزدىكى دېزىل ئىشلىتىدىغان ئاخىرقى بىر ئاپتوبۇسنىڭ بۈگۈن رەسمىي ‹‹پېنسىيە››گە چىقىشىغا ئەگىشىپ، بۇ شەھەردىكى نەچچە مىڭ ئاممىۋى ئاپتوبۇسنىڭ ھەممىسى دېزىل ئىشلىتىشنى پۈتۈنلەي توختاتتى، بۇنىڭ بىلەن لوس – ئانژېلىس شەھىرى ئامېرىكىدا 1 – بولۇپ ئاممىۋى قاتناش سىستېمىسىدا ئومۇميۈزلۈك پاكىز ئېنېرگىيە ئىشلەتكەن شەھەر بولۇپ قالدى، دەپ جاكارلىدى.
   ئامېرىكا لوس – ئانژېلىس ناھىيەسى مەركىزىي شەھەر تىرانسىپورت مەھكىمىسىدىكىلەر مۇنداق دېدى: لوس – ئانژېلىسنىڭ ئۇسۇلى نامايەندە خاراكتېرلىك ئەھمىيەتكە ئىگە، ئۇنىڭ ئۈلگىلىك رولى پاكىز ئېنېرگىيەنىڭ ئامېرىكىدا كەڭ كۆلەمدە ئىشلىتىلىشىگە زور دەرىجىدە تۈرتكە بولىدۇ. مەزكۇر مەھكىمىنىڭ مەسئۇلى دونالد كېنابې: لوس – ئانژېلىسنىڭ مۇۋەپپەقىيەتلىك تەجرىبىسى مەيلى تېخنىكا جەھەتتىن بولسۇن ياكى ئىقتىساد نۇقتىسىدىن بولسۇن، چوڭ شەھەرنىڭ ئاممىۋى قاتناش سىستېمىسىدا پاكىز ئېنېرگىيەنى ئومۇملاشتۇرۇشنىڭ ھەقىقەتەن يولغا قويۇشقا بولىدىغانلىقىنى ئىسپاتلىدى، دېدى.